(ភ្នំពេញ)៖ លោកអ្នកឧកញ៉ា លី ហួរ ប្រធានសមាគមអ្នកអភិវឌ្ឍន៍លំនៅឋានកម្ពុជា និងភរិយា ព្រមទាំងថ្នាក់ដឹកនាំ សមាជិក-សមាជិកា នៃសមាគមអ្នកអភិវឌ្ឍន៍លំនៅឋានកម្ពុជា  សូមផ្ញើសារលិខិតគោរពជូនពរសម្តេចអគ្គមហាពញាចក្រី ហេង សំរិន ឧត្តមទីប្រឹក្សាផ្ទាល់ព្រះមហាក្សត្រ ក្នុងឱកាសចូលឆ្នាំថ្មី ឆ្នាំសកល គ្រិស្តសករាជ ២០២៦ ។ឆ្លៀតក្នុងឱកាសដ៏ប្រពៃថ្លៃថ្លានេះ យើងខ្ញុំទាំងអស់គ្នាសូមសម្តែងនូវសេចក្តីសោមនស្សរីករាយ និងកោតសរសើរ ដោយស្មោះអស់ពីដួងចិត្ត ជូនចំពោះ សម្តេចអគ្គមហាពញាចក្រី ដែលជាឥស្សរជននយោបាយប្រកបដោយលក្ខណសម្បត្តិល្អឆ្នើម និងជានិច្ចកាលសម្តេចតែងតែយកអស់កម្លាំងកាយ ប្រាជ្ញាស្មារតីស្នេហាជាតិតស៊ូលះបង់ និងបានធ្វើ ពលិកម្មដ៏មោះមុតរួមចំណែករំដោះប្រទេសជាតិ ពង្រឹងនិរន្តរភាពនីតិរដ្ឋ អភិវឌ្ឍសង្គម ការពារសន្តិភាព ស្ថិរភាព នយោបាយ ការពារអធិបតេយ្យភាព និងបូរណភាពដែនដី ដើម្បីឧត្តមប្រយោជន៍ ជាតិ សាសនា ព្រះមហាក្សត្រ ឱ្យបាន ស្ថិតស្ថេរគង់វង្សជារៀងរហូតមក៕

(ភ្នំពេញ)៖ លោកអ្នកឧកញ៉ា លី ហួរ ប្រធានសមាគមអ្នកអភិវឌ្ឍន៍លំនៅឋានកម្ពុជា និងភរិយា ព្រមទាំងថ្នាក់ដឹកនាំ សមាជិក-សមាជិកា នៃសមាគមអ្នកអភិវឌ្ឍន៍លំនៅឋានកម្ពុជា  សូមផ្ញើសារលិខិតគោរពជូនពរសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី និងលោកជំទាវបណ្ឌិត​ ពេជ ចន្ទមុន្នី ហ៊ុនម៉ាណែត ក្នុងឱកាសចូលឆ្នាំថ្មី ឆ្នាំសកល គ្រិស្តសករាជ ២០២៦ ។ឆ្លៀតក្នុងឱកាសដ៏មហាឧត្តុង្គឧត្តមនេះ យើងខ្ញុំទាំងអស់គ្នាសូមសម្តែងនូវការដឹងគុណដ៏ស្មោះអស់ពីដួងចិត្ត ចំពោះ គំរូវិរភាពដ៏ឆ្នើមរបស់ សម្តេចធិបតីនាយករដ្ឋមន្ត្រី ដែលបានខិតខំដឹកនាំប្រទេសជាតិ និងប្រជាជនឲ្យរួចផុតពីទុក្ខ វេទនា កសាងប្រទេសកម្ពុជាបានវិវឌ្ឍន៍ក្លាយជាប្រទេសមានសន្តិភាព សុខដុមរមនា ជីវភាពធូរធារសម្បូរសប្បាយ និងរីក ចម្រើនរហូតមកដល់បច្ចុប្បន្ន។ រាជរដ្ឋាភិបាលកម្ពុជា ក្រោមការដឹកនាំប្រកបដោយគតិបណ្ឌិតរបស់ សម្តេចធិបតី នាយករដ្ឋមន្ត្រី បានសម្រេចនូវមហាជោគជ័យជាបន្តបន្ទាប់ ពីមួយថ្ងៃទៅមួយថ្ងៃកាន់តែរីកចម្រើន ប្រទេសជាតិកាន់តែ មានការអភិវឌ្ឍន៍ជឿនលឿន បោះជំហានទៅមុខប្រកបដោយសក្តានុពលភាព និងទទួលបាននូវកិត្យានុភាពដ៏ស័ក្តិសម ឈរលើឆាកជាតិ និងអន្តរជាតិទទួលស្គាល់៕ 

(ភ្នំពេញ)៖ លោកអ្នកឧកញ៉ា លី ហួរ ប្រធានសមាគមអ្នកអភិវឌ្ឍន៍លំនៅឋានកម្ពុជា និងភរិយា ព្រមទាំងថ្នាក់ដឹកនាំ សមាជិក-សមាជិកា នៃសមាគមអ្នកអភិវឌ្ឍន៍លំនៅឋានកម្ពុជា  សូមផ្ញើសារលិខិតគោរពជូនពរ សម្តេចមហារដ្ឋសភាធិបតី ឃួន សុដារី ប្រធានរដ្ឋសភា ក្នុងឱកាសចូលឆ្នាំថ្មី ឆ្នាំសកល គ្រិស្តសករាជ ២០២៦។ក្នុងឱកាសដ៏បវរសួស្តី សិរីមង្គលមហាប្រសើរ នៃឱកាសចូលឆ្នាំថ្មី ឆ្នាំសកល គ្រិស្តសករាជ ២០២៦ យើងខ្ញុំទាំងអស់គ្នាសូមសម្តែង នូវអំណរសាទរដោយសេចក្តី សោមនស្សរីករាយយ៉ាងក្រៃលែង និងសូមគោរពជូនពរជ័យ សិរីមង្គល បវរមហាប្រសើរជូន សម្តេចមហារដ្ឋសភាធិបតី ឃួន សុដារី ប្រធានរដ្ឋសភា និងក្រុមគ្រួសារ សូមបានប្រកបដោយ សុខភាពល្អ បរិបូរណ៍ កាយពលមាំមួន បញ្ញាញាណវាងវៃ និងមានជន្មាយុយឺនយូរ ៕

(ភ្នំពេញ)៖ លោកអ្នកឧកញ៉ា លី ហួរ ប្រធានសមាគមអ្នកអភិវឌ្ឍន៍លំនៅឋានកម្ពុជា និងភរិយា ព្រមទាំងថ្នាក់ដឹកនាំ សមាជិក-សមាជិកា នៃសមាគមអ្នកអភិវឌ្ឍន៍លំនៅឋានកម្ពុជា  សូមផ្ញើសារលិខិតគោរពជូនពរ សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា និង សម្តេចកិតិ្តព្រឹទ្ធបណ្ឌិត ប៊ុនរ៉ានីហ៊ុន សែនក្នុងឱកាសចូលឆ្នាំថ្មី ឆ្នាំសកល គ្រិស្តសករាជ ២០២៦ ។ឆ្លៀតក្នុងឱកាសដ៏សប្បាយរីករាយ ប្រពៃថ្លៃថ្លានេះ យើងខ្ញុំទាំងអស់គ្នាសូមគោរព និងថ្លែងអំណរគុណដ៏ស្មោះអស់ពីដួង ចិត្តជូន សម្តេចតេជោប្រធានព្រឹទ្ធសភា នាពេលនៅជាប្រមុខរាជរដ្ឋាភិបាលបានខិតខិប្រឹងប្រែងអស់ពីកម្លាំងកាយចិត្ត ប្រាជ្ញាស្មារតី និងបទពិសោធប្រកបដោយគតិបណ្ឌិតដ៏មហស្ចារ្យក្នុងការដឹកនាំកម្ពុជា ទទួលបាននូវសុខសន្តិភាពពេញលេញលើ ផ្ទៃប្រទេស ឯកភាពជាតិ បូរណភាណទឹកដី ស្ថិរភាពនយោបាយ សន្តិសុខសង្គម និងសណ្តាប់ធ្នាប់សាធារណៈ ដែលជាបុព្វបទដ៏ សំខាន់ក្នុងការអភិវឌ្ឍ និងការកែទម្រង់ស៊ីជម្រៅលើគ្រប់វិស័យប្រកបដោយភាពស៊ីចង្វាក់គ្នា ដែលមានអភិបាលកិច្ចល្អជាស្នូលដ៏ រឹងមាំ ដើម្បីកំណើនកាងារ សមធម៌ ប្រសិទ្ធភាព និងចីរភាព សំដៅលើកកម្ពស់កិត្យានុភាពជាតិ ការថែរក្សាសុខសន្តិភាពឱ្យបាន ស្ថិតស្ថេរគង់វង្ស ការលើកកម្ពស់សុខុមាលភាព និងជីវភាពរស់នៅរបស់ប្រជាពលរដ្ឋ៕

(ភ្នំពេញ)៖ ទូលព្រះបង្គំខ្ញុំបាទ លោកអ្នកឧកញ៉ា លី ហួរ  ប្រធានសមាគមអ្នកអភិវឌ្ឍន៍លំនៅឋានកម្ពុជា និងភរិយា ព្រមទាំងថ្នាក់ដឹកនាំ សមាជិក-សមាជិកា នៃសមាគមអ្នកអភិវឌ្ឍន៍លំនៅឋានកម្ពុជា សូមក្រាបបង្គំទូលថ្វាយ​ សារលិខិតថ្វាយព្រះពរ សម្តេចព្រះមហាក្សត្រី នរោត្ដម មុនិនាថ សីហនុ ព្រះវររាជមាតាជាតិខ្មែរ ក្នុងព្រះរាជវរោកាស ដ៏មហានក្ខត្តឫក្សប្រពៃថ្លៃថ្លា ពោរពេញដោយក្តីសោមនស្សរីករាយ នៃពិធីបុណ្យចូលឆ្នាំថ្មី ឆ្នាំសកល គ្រិស្តសករាជ ២០២៦ ។ក្នុងព្រះរាជវរោកាសដ៏មហានក្ខត្តឫក្សប្រពៃថ្លៃថ្លា សិរីមង្គលមហាប្រសើរ នៃឱកាសបុណ្យចូលឆ្នាំថ្មី ឆ្នាំសកល គ្រិស្តសករាជ ២០២៦​ ទូលព្រះបង្គំយើងខ្ញុំទាំងអស់គ្នា សូមបួងសួងដល់គុណបុណ្យព្រះរតនត្រ័យកែវទាំងបី វត្ថុស័ក្តិសិទ្ធិក្នុងលោក ទេវតារក្សាព្រះរាជាណាចក្រកម្ពុជា ព្រះបារមីអតីតព្រះមហាក្សត្រ គ្រប់ព្រះអង្គ សូមប្រោះព្រំព្រះ រាជសព្ទសាធុការពរ បវរសួស្តី សិរីមង្គល វិបុលសុខ មហាប្រសើរថ្វាយ ចំពោះ សម្តេចព្រះមហាក្សត្រី នរោត្ដម មុនិនាថ សីហនុ ព្រះវររាជមាតាជាតិខ្មែរ សូមទ្រង់មាន ព្រះរាជសុខភាពល្អបរិបូរណ៍ ព្រះកាយពលមាំមួន ព្រះបញ្ញាញាណភ្លឺថ្លា ព្រះជន្មាយុយឺនយូរ ជាងរយព្រះវស្សា ដើម្បីគង់ប្រថាប់ជាម្លប់ដ៏ត្រជាក់ត្រជុំ សុខដុមរមនារបស់ ប្រជារាស្ត្រខ្មែរ ជាទីស្រលាញ់របស់ ព្រះអង្គជានិច្ចនិរន្តរ៍តរៀងទៅ ៕ 

(ភ្នំពេញ)៖ ទូលព្រះបង្គំខ្ញុំបាទ លោកអ្នកឧកញ៉ា លី ហួរ  ប្រធានសមាគមអ្នកអភិវឌ្ឍន៍លំនៅឋានកម្ពុជា និងភរិយា ព្រមទាំងថ្នាក់ដឹកនាំ សមាជិក-សមាជិកា នៃសមាគមអ្នកអភិវឌ្ឍន៍លំនៅឋានកម្ពុជា សូមក្រាបបង្គំទូលថ្វាយ​ សារលិខិតថ្វាយព្រះពរ ព្រះករុណា ព្រះបាទសម្ដេចព្រះបរមនាថ នរោត្ដម សីហមុនី ព្រះមហាក្សត្រកម្ពុជា ក្នុងព្រះរាជវរោកាស ដ៏មហានក្ខត្តឫក្សប្រពៃថ្លៃថ្លា ពោរពេញដោយក្តីសោមនស្សរីករាយ នៃពិធីបុណ្យចូលឆ្នាំថ្មី ឆ្នាំសកល គ្រិស្តសករាជ ២០២៦ ។ក្នុងព្រះរាជវរោកាសដ៏មហានក្ខត្តឫក្សប្រពៃថ្លៃថ្លា សិរីមង្គលមហាប្រសើរ នៃឱកាសបុណ្យចូលឆ្នាំថ្មី ឆ្នាំសកល គ្រិស្តសករាជ ២០២៦​ ទូលព្រះបង្គំយើងខ្ញុំទាំងអស់គ្នា សូមបួងសួងដល់គុណបុណ្យព្រះរតនត្រ័យកែវទាំងបី វត្ថុស័ក្តិសិទ្ធិក្នុងលោក ទេវតារក្សាព្រះរាជាណាចក្រកម្ពុជា ព្រះបារមីអតីតព្រះមហាក្សត្រ គ្រប់ព្រះអង្គ សូមប្រោះព្រំព្រះ រាជសព្ទសាធុការពរ បវរសួស្តី សិរីមង្គល វិបុលសុខ មហាប្រសើរថ្វាយ ចំពោះព្រះករុណា​ ជាអម្ចាស់ជីវិតលើត្បូង ព្រះមហាក្សត្រ នៃព្រះរាជាណាចក្រកម្ពុជា សូមព្រះអង្គមាន ព្រះរាជសុខភាពល្អបរិបូរណ៍ ព្រះកាយពលមាំមួន ព្រះបញ្ញាញាណភ្លឺថ្លា ព្រះជន្មាយុយឺនយូរ ជាងរយព្រះវស្សា ដើម្បីគង់ប្រថាប់ជាម្លប់ដ៏ត្រជាក់ត្រជុំ សុខដុមរមនារបស់ ប្រជារាស្ត្រខ្មែរ ជាទីស្រលាញ់របស់ ព្រះអង្គជានិច្ចនិរន្តរ៍តរៀងទៅ ៕    

(សេអ៊ូល)៖ យោងតាមប្រព័ន្ធផ្សព្វផ្សាយរដ្ឋ KCNA បាននិយាយថា មេដឹកនាំកូរ៉េខាងជើង លោក គីម ជុងអ៊ុន បានត្រួតពិនិត្យសមយុទ្ធបាញ់មីស៊ីលបញ្ជាទិសយុទ្ធសាស្ត្ររយៈចម្ងាយឆ្ងាយមួយ។ការបាញ់បង្ហោះនេះគឺជាព្រឹត្តិការណ៍ចុងក្រោយបង្អស់ដែលលោក គីម បានចូលរួម ក្នុងសកម្មភាពដ៏ច្រើនសន្ធឹកសន្ធាប់របស់មេដឹកនាំកូរ៉េខាងជើង ដើម្បីបញ្ជាក់ពីវឌ្ឍនភាពយោធា និងសេដ្ឋកិច្ចរបស់ប្រទេស មុនពេលសមាជបក្សដ៏សំខាន់មួយ ដែលត្រូវបានគេរំពឹងថានឹងធ្វើឡើងនៅដើមឆ្នាំ ២០២៦។លោក គីម បានសម្តែងការពេញចិត្តយ៉ាងខ្លាំង នៅពេលដែលមីស៊ីលបញ្ជាទិសបានហោះតាមបណ្តោយគន្លងរបស់វា ពីលើសមុទ្រភាគខាងលិចនៃឧបទ្វីបកូរ៉េ ហើយបានវាយប្រហារគោលដៅរបស់វា នេះបើយោងតាម ​​KCNA៕

(អន្តរជាតិ)៖ ប្រទេសចិនបានប្រកាសថាខ្លួនកំពុងបញ្ជូនអង្គភាពយោធាដើម្បីធ្វើសមយុទ្ធធំៗជុំវិញតៃវ៉ាន់។បញ្ជាការកងទ័ពរំដោះប្រជាជនភាគខាងកើត ដែលទទួលបន្ទុកសមុទ្រចិនខាងកើត បាននិយាយកាល ថា ខ្លួនកំពុងបញ្ជូនកងទ័ពជើងគោក កងទ័ពជើងទឹក កងទ័ពអាកាស និងកងកម្លាំងរ៉ុក្កែតទៅកាន់តំបន់ជុំវិញតៃវ៉ាន់។សមយុទ្ធនេះ ដែលមានឈ្មោះកូដថា "បេសកកម្មយុត្តិធម៌ 2025" គឺជាសមយុទ្ធលើកដំបូងចាប់តាំងពីខែមេសាមក។បញ្ជាការកងទ័ពជើងទឹកបាននិយាយថា សមយុទ្ធនេះបម្រើជា "ការព្រមានយ៉ាងធ្ងន់ធ្ងរដល់កងកម្លាំងបំបែកខ្លួន 'ឯករាជ្យតៃវ៉ាន់' និងកងកម្លាំងជ្រៀតជ្រែកពីខាងក្រៅ"។បញ្ជាការបានបន្ថែមថា សមយុទ្ធដែលពាក់ព័ន្ធនឹងសមយុទ្ធបាញ់គ្រាប់ពិតនឹងត្រូវធ្វើឡើងនៅក្នុងដែនទឹក និងដែនអាកាសជុំវិញតៃវ៉ាន់ចាប់ពីម៉ោង 8 ព្រឹកដល់ម៉ោង 6 ល្ងាចថ្ងៃអង្គារ។ប្រទេសចិនបានបង្កើនសម្ពាធយោធាប្រឆាំងនឹងរដ្ឋបាលរបស់ប្រធានាធិបតីតៃវ៉ាន់ លោក Lai Ching-te នៃគណបក្សប្រជាធិបតេយ្យជឿនលឿនដែលកំពុងកាន់អំណាច ដែលទីក្រុងប៉េកាំងចាត់ទុកថាជាអ្នកគាំទ្រឯករាជ្យ។រដ្ឋាភិបាលចិនក៏បានតវ៉ាប្រឆាំងនឹងការកត់សម្គាល់របស់នាយករដ្ឋមន្ត្រីជប៉ុន លោកស្រី Takaichi Sanae នៅក្នុងសម័យប្រជុំសភាទាក់ទងនឹងភាពអាសន្នដែលអាចកើតមាននៅតៃវ៉ាន់៕

ឯកឧត្តម ហួត ហាក់ រដ្ឋមន្ត្រីក្រសួងទេសចរណ៍ និងលោកជំទាវ អញ្ជើញជាអធិបតីក្នុងព្រឹត្តិការណ៍ជិះកង់ផ្សារភ្ជាប់នឹងសកម្មភាពសប្បុរសធម៌ ក្រោមប្រធានបទ «រួមគ្នាដើម្បីកម្ពុជា ក្នុងរដូវកាលសាមគ្គីភាព» ដើម្បីអបអរសាទរខួបលើកទី២៧ «ទិវាសន្តិភាពនៅកម្ពុជា» (២៩ ធ្នូ ១៩៩៨ - ២៩ ធ្នូ ២០២៥), ជាទិវារំលឹកដល់គោលនយោបាយឈ្នះ ឈ្នះ ក្រោមអគ្គមគ្គុទ្ទេសក៍ឯករបស់សម្ដេចតេជោ ហ៊ុន សែន និងជាការរំលឹកដល់បំណងប្រាថ្នាដ៏ពិសិដ្ឋរបស់ប្រជាជនកម្ពុជា គឺការស្រឡាញ់សន្តិភាព និងការស្អប់ខ្ពើមសង្គ្រាម។ក្រសួងទេសចរណ៍ និងរដ្ឋបាលខេត្តសៀមរាបសហការរៀបចំព្រឹត្តិការណ៍នេះ ដោយមានការអញ្ជើញចូលរួមពីឯកឧត្ដម ង៉ូវ សេងកាក់ អភិបាលរង នៃគណៈអភិបាលខេត្តសៀមរាប តំណាងឯកឧត្តម ប្រាក់ សោភ័ណ អភិបាលនៃគណៈអភិបាលខេត្តសៀមរាប, ឯកឧត្ដម លោកជំទាវថ្នាក់ដឹកនាំក្រសួងទេសចរណ៍, លោក លោកស្រី ប្រធានមន្ទីរពាក់ព័ន្ធជុំវិញខេត្ត, ឯកឧត្តម លោកជំទាវ ឧកញ៉ា លោក លោកស្រី តំណាងសមាគមនានាក្នុងឧស្សាហកម្មទេសចរណ៍, ផ្នែកឯកជនសហការឧបត្ថម្ភកម្មវិធី, អ្នកផលិតមាតិកាព័ត៌មាន Influencers, KOLs ព្រមទាំងភ្ញៀវទេសចរជាតិ និងអន្តរជាតិចូលរួមយ៉ាងច្រើនកុះករ លើសការរំពឹងទុក ប្រមាណជាង ២,០០០នាក់ ក្នុងនោះភ្ញៀវទេសចរអន្តរជាតិ មានប្រមាណជាង ២០សញ្ជាតិ។ឆ្លៀតក្នុងឱកាសនេះ ឯកឧត្តមរដ្ឋមន្ត្រី បានបញ្ជាក់បន្ថែមថាព្រឹត្តិការណ៍នេះ ក៏រៀបចំឡើងដើម្បីសាទរចំពោះបទឈប់បាញ់ដែលបានឯកភាពគ្នារវាងកម្ពុជា និងថៃ បានចូលជាធរមាននៅថ្ងៃទី២៧ ខែធ្នូ ឆ្នាំ២០២៥ ចាប់ពីវេលាម៉ោង ១២:០០ នាទីថ្ងៃត្រង់តទៅ។ ក្នុងន័យនេះ, ឯកឧត្តមរដ្ឋមន្ត្រី និងអង្គពិធីទាំងមូលបានសម្តែងនូវសេចក្តីគោរពដឹងគុណ និងគោរពថ្លែងអំណរគុណយ៉ាងជ្រាលជ្រៅ ជាទីបំផុតគោរពជូនចំពោះសម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា និងជាប្រធានក្រុមឧត្តមប្រឹក្សាផ្ទាល់ព្រះមហាក្សត្រ នៃព្រះរាជាណាចក្រកម្ពុជា, សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា, ថ្នាក់ដឹកនាំគ្រប់លំដាប់ថ្នាក់, វីរកងទ័ព និងកងកម្លាំងប្រដាប់អាវុធដ៏អង់អាចក្លាហានទាំងអស់ ដែលកំពុងឈរជើងនៅតាមបន្ទាត់ព្រំដែន និងកងកម្លាំងប្រដាប់អាវុធគ្រប់ប្រភេទនៅទូទាំងប្រទេស ក្នុងបុព្វហេតុការពារអធិបតេយ្យភាពជាតិ ការ ពារបូរណភាពទឹកដី ជូនជាតិ មាតុភូមិ និងប្រជាជនកម្ពុជា។បន្ថែមលើនេះ, ព្រឹត្តិការណ៍នេះ ក៏បានចូលរួមចំណែកជួយលើកស្ទួយវិស័យទេសចរណ៍កម្ពុជា ជាពិសេសនៅខេត្តសៀមរាប ក៏ដូចជាការពង្រឹងកម្លាំងសាមគ្គីភាពជាធ្លុងមួយ និងពង្រឹងស្មារតីឯកភាពផ្ទៃក្នុង ព្រមទាំងចូលរួមសកម្មភាពមនុស្សធម៌ដើម្បីជួយដល់គ្រួសារភៀសសឹកនៅក្នុងគ្រាដ៏លំបាក។ឯកឧត្តមរដ្ឋមន្ត្រី បានគូសបញ្ជាក់ផងដែរថា មហាគ្រួសារវិស័យទេសចរណ៍ បានដាក់ចេញ «រដូវកាលសាមគ្គីភាព» (Solidarity Season) ដែលយើងរួបរួមគ្នាក្នុងស្ថានភាពដ៏លំបាកនេះ ស្របតាមអភិក្រម ជវភាពនៃប្រព័ន្ធតួអង្គតែមួយ និង ស្ថិតក្រោមក្របខណ្ឌសសរស្តម្ភយុទ្ធសាស្ត្រនៃកិច្ចសហប្រតិបត្តិការទាំង ៦ ដើម្បីពង្រឹងភាពធន់នៃវិស័យទេសចរណ៍ទៅនឹងវិបត្តិ តាមគ្រប់រូបភាព និងគ្រប់មធ្យោបាយ និងដើម្បីធានាថាវិស័យទេសចរណ៍នៅតែបន្តដើរតួនាទីសំខាន់ជា«មាសបៃតង» និងជា «ចន្ទល់សេដ្ឋកិច្ច» ដ៏រឹងមាំសម្រាប់ប្រទេសកម្ពុជា និងប្រជាជនកម្ពុជា។  ខេត្តសៀមរាប នាព្រឹកព្រលឹមថ្ងៃទី២៨ ខែធ្នូ ឆ្នាំ២០២៥

(ភ្នំពេញ)៖ ក្នុងស្មារតី «ខ្មែររួបរួមគ្នា ខ្មែរឈ្នះ» និងដើម្បីចូលរួមចំណែកជាមួយរាជរដ្ឋាភិបាលក្នុងបុព្វហេតុស្នេហាជាតិមាតុភូមិ «មូលនិធិ បុរី មេគង្គ លែន» ដែលជាមូលនិធិសប្បុរសធម៌ពី បុរី មេគង្គ លែន ជាមួយនឹងក្រុមហ៊ុនបុត្រសម្ព័ន្ធមានដូចជា ក្រុមហ៊ុន KNN MACHINERY, ក្រុមហ៊ុន KNN AUTOMOTIVE និងផ្សារសហគមន៍ MC Park ព្រមទាំងម្ចាស់ផ្ទះគ្រប់គម្រោង បុរី មេគង្គ លែន និងប្រជាពលរដ្ឋខ្មែរ បាននាំយកគ្រឿងឧបភោគ បរិភោគ និងសម្ភារចាំបាច់ជាច្រើនសន្ធឹកសន្ធាប់ សរុបជាទឹកប្រាក់ជាង ៥០,០០០ ដុល្លារអាមេរិក ទៅប្រគល់ជូនវីរកងទ័ពជួរមុខ និងប្រជាពលរដ្ឋភៀសសឹក ចំនួន ១,០៦០គ្រួសារ ក្នុងខេត្តព្រះវិហារ កាលពីថ្ងៃទី២៨ ខែធ្នូ ឆ្នាំ២០២៥។សកម្មភាពមនុស្សធម៌ដ៏ថ្លៃថ្លានេះ ធ្វើឡើងក្រោមកិច្ចផ្តួចផ្តើមផ្ទាល់ពី អ្នកឧកញ៉ា ជាម ឃុនណាត អគ្គនាយក បុរី មេគង្គ លែន និងលោកជំទាវ ហេង ចិន្តា ដោយមានការរួមចំណែកយ៉ាងសកម្មពីសំណាក់សប្បុរសជន ម្ចាស់ផ្ទះ បុគ្គលិកគ្រប់ជាន់ថ្នាក់ និងដៃគូសហការនៃក្រុមហ៊ុនបុត្រសម្ព័ន្ធ រួមមានក្រុមហ៊ុន KNN MACHINERY, ក្រុមហ៊ុន KNN AUTOMOTIVE និងផ្សារសហគមន៍ MC Park។មូលនិធិ បុរី មេគង្គ លែន បានប្រគល់គ្រឿងឧបភោគបរិភោគសម្រាប់វីរកងទ័ព និងប្រជាជនភៀស ដោយអំណោយរួមមាន៖• ស្បៀងអាហារ៖ អង្ករ ៥០.៧តោន, ត្រីងៀតឆ្អិនស្រាប់ ១,០០០ គីឡូ, ទឹកស៊ីអ៊ីវ ១១០យួរ, ទឹកត្រី ១១០យួរ, ស្ករគ្រាប់ ៥០ម៉ឺនគ្រាប់, ខ្ទឹមស ៧០គីឡូ, អំបិល ២៥០គីឡូ, មី ១៣កេស, ទឹកសុទ្ធ ៤៧៨យួរ, នំខ្មែរ ៥កេស, ស្ករដំណាប់ ១កេស, កាហ្វេ ២០កញ្ចប់ធំ និង បារី ២,០០០កញ្ចប់• សុខភាព និងអនាម័យ៖ ថ្នាំបញ្ចុះកម្ដៅនិងបំបាត់ការឈឺចាប់ ១,០០០បន្ទះ, វីតាមីនស៊ី ១២,០០០កញ្ចប់, សាប៊ូដុសខ្លួន ៥០០ដុំ, ស្ព្រៃបាញ់មូស ៥០០ដប, សំឡីអនាម័យ ២កេស•សម្ភារប្រើប្រាស់៖ សម្លៀកបំពាក់បុរស ស្រ្ដី និងកុមារ (អាវរងា អាវយឺត ខោ) ២,២០០ សម្រាប់, និង ធុងស្តុកទឹកមានគម្រប ៤០០ធុង។គួររំលឹកផងដែរថា នេះគឺជាបេសកកម្មមនុស្សធម៌លើកទី២ ហើយ បន្ទាប់ពីទទួលបានជោគជ័យក្នុងយុទ្ធនាការដំបូងកាលពីខែសីហាកន្លងទៅ នៅខេត្តឧត្តរមានជ័យ ដែលយុទ្ធនាការនោះបានចំណាយថវិកាជាង ៣០,០០០ ដុល្លារអាមេរិក ដើម្បីប្រគល់សម្ភារចាំបាច់ និងវត្ថុប្រើប្រាស់សម្រាប់ជីវភាពប្រចាំថ្ងៃ និងការការពារសុខភាព។ 

(ជាតិ)៖ ថ្មីៗនេះ ភ្ញៀវបរទេសឥណ្ឌាមានសន្ទុះកើនឡើងគួរអោយកត់សំគាល់ ខណៈពួកគេស្លៀកសម្លៀកបំពាក់បែបប្រពៃណីខ្មែរ នៅបរិវេណតំបន់ប្រាសាទអង្គរ ដែលជាបេតិកភណ្ឌពិភពលោករបស់កម្ពុជា។ទិដ្ឋភាពនេះបានបង្ហាញពីការស្រលាញ់ពេញចិត្ត និងចាប់អារម្មណ៍លើវប្បធម៌ ប្រពៃណី ទំនៀមទំលាប់ខ្មែរ ព្រមទាំងបង្ហាញពីភាពទាក់ទាញនៃអត្តសញ្ញាណវប្បធម៌ជាតិចំពោះភ្ញៀវអន្តរជាតិផងដែរ។ទិដ្ឋភាពនេះមិនត្រឹមតែបង្កើតភាពស្រស់ស្អាតជាសិល្បៈប៉ុណ្ណោះទេ ប៉ុន្តែថែមទាំងឆ្លុះបញ្ចាំងពីសារៈសំខាន់មួយស្តីពីការអភិរក្ស និងការផ្សព្វផ្សាយវប្បធម៌ខ្មែរ ទៅកាន់ពិភពលោកផងដែរ។អ្នកទេសចរជាតិ និងអន្តរជាតិជាច្រើន បានសរសើរដល់កាយវិការ ការបត់បែនទៅតាមទំរង់ប្រពៃណីទំនៀមទំលាប់ខ្មែរ ដោយចាត់ទុកថា នេះជារូបភាពដែលពោរពេញទៅដោយអត្ថន័យ ដែលបង្ហាញពីកិត្តិយស និងតម្លៃមរតកវប្បធម៌កម្ពុជា ក្នុងសម័យទំនើប។យ៉ាងណាមិញ បើតាមទិន្នន័យរបស់ក្រសួងទេសចរណ៍ ក្នុងឆ្នាំ២០២៤ ភ្ញៀវទេសចរឥណ្ឌាធ្វើដំណើរមកកម្ពុជាមានប្រមាណ៨ម៉ឺននាក់ ដែលតិចជាង១ភាគរយ នៃចំនួនភ្ញៀវទេសចរបរទេសសរុប។ ទោះនេះជាចំនួនមិនធំ ប៉ុន្តែការកើនឡើងនៅតំបន់អង្គរ បង្ហាញថាទីផ្សារឥណ្ឌា មានសក្តានុពលក្នុងការរីកចម្រើនបន្ថែម ប្រសិនបើមានការតភ្ជាប់ និងការផ្សព្វផ្សាយសមស្រប៕

(ជាតិ)៖ ទាំងនេះគឺជាទិដ្ឋភាព ប្រាសាទព្រះវិហារ ដែលជាមរតកវប្បធម៌ដ៏មហាសាល និងមានតម្លៃជាសកលរបស់កម្ពុជា បានរងការខូចខាតយ៉ាងធ្ងន់ធ្ងរ ដោយសារការទម្លាក់គ្រាប់បែក និងអាវុធគ្រប់ប្រភេទពីភាគីយោធាថៃ ដែលបានបង្កការបំផ្លាញដល់បេតិកភណ្ឌប្រវត្តិសាស្ត្រដ៏មានតម្លៃមិនអាចជំនួសបាន។រូបភាពទាំងនេះត្រូវបាននាយកដ្ឋានព័ត៌មាន បង្ហាញនៅថ្ងៃទី ២៩ ខែធ្នូ ឆ្នាំ ២០២៥ ហើយតាមរយៈទិដ្ឋភាពនេះ បានធ្វើឱ្យប្រជាជនកម្ពុជា សម្ដែងនូវក្ដីឈឺចាប់ សោកស្ដាយ ដែលប្រាសាទព្រះវិហារ ជាមរតកវប្បធម៌ដ៏មានតម្លៃរបស់កម្ពុជា មកត្រូវរងគ្រោះ ពីការបំផ្លាញឈ្លានពានពីសំណាក់យោធាថៃ ឱ្យស្ថិតនៅក្នុងរូបភាពដ៏គួរឱ្យស្រណោះ និង សោកស្ដាយបំផុត។ គួរឱ្យដឹងផងដែរថា យោធាថៃ មិនត្រឹមតែបានបន្តបាញ់បំផ្លាញប្រាសាទព្រះវិហារនោះទេ គឺបានបន្តប្រើប្រាស់យន្តហោះF-16 បំផ្លាញទីតាំងជាច្រើន ដោយក្នុងនោះ បណ្តាលឱ្យស្ពានបុរាណ (ស្ពានទ័ព) នៅស្រុកចុងកាល់ ខេត្តឧត្តរមានជ័យ ដែលបុរាណស្ថាននេះស្ថិតនៅចម្ងាយជាង ៧០គីឡូម៉ែត្រពីព្រំដែន ទទួលរងការខូចខាត និងកំពុងប្រឈមហានិភ័យខ្ពស់។ ការវាយបំផ្លាញបដិមាតំណាងព្រះ នរាយណ៍ និងរូបសំណាក តា អ៊ុ នៅតំបន់អានសេះ ខេត្តព្រះវិហារ ដែលជាបដិមាសម្រាប់ការគោរពបូជា គឺជាទង្វើ គ្មានសីលធម៌ គ្មានសាសនា ដែលបញ្ជាក់ច្បាស់អំពីការយកវប្បធម៌ ជំនឿសាសនា ជាសត្រូវរបស់ខ្លួន៕

(វៀតណាម)៖ បុរសអាយុ 30 ឆ្នាំម្នាក់នៅខេត្តហ៊ូណាន ប្រទេសចិន បានរួចផុតពីទុក្ខលំបាកដ៏គ្រោះថ្នាក់ដល់អាយុជីវិត បន្ទាប់ពីត្រីអន្ទង់ប្រវែង 30 សង់ទីម៉ែត្រមួយក្បាលត្រូវបានគេរកឃើញថានៅរស់រានមានជីវិត ហើយកំពុងធ្វើចលនានៅក្នុងប្រហោងពោះរបស់គាត់។ សត្វនេះបានចូលតាមរន្ធគូថរបស់អ្នកជំងឺ ហើយបានទម្លុះជញ្ជាំងពោះវៀនរបស់គាត់។ពេលចូលសម្រាកព្យាបាលនៅមន្ទីរពេទ្យសម្ព័ន្ធទីមួយនៃសាកលវិទ្យាល័យវេជ្ជសាស្ត្រចិនហ៊ូណាន កាលពីដើមសប្តាហ៍នេះ អ្នកជំងឺមានអាការៈស្បែកស្លេកស្លាំង ឈឺពោះធ្ងន់ធ្ងរ និងបែកញើសច្រើន។ បុគ្គលិកពេទ្យបានកត់សម្គាល់ថា គាត់បានស្រែករកជំនួយម្តងហើយម្តងទៀត ហើយបានសារភាពប្រាប់គ្រូពេទ្យថា “អន្ទង់រស់មួយក្បាលបានវារចូលទៅក្នុងរន្ធគូថរបស់ខ្ញុំ” ។ នេះបើតាមកាសែត VN EXPRESS ។ខណៈពេលដែលកាលៈទេសៈជាក់លាក់ដែលនាំទៅដល់ហេតុការណ៍នេះនៅតែមិនច្បាស់លាស់ ការស្កេន CT បានបញ្ជាក់យ៉ាងឆាប់រហ័សអំពីវត្តមានរបស់អន្ទង់រស់មួយក្បាលដែលកំពុងធ្វើចលនានៅក្នុងពោះវៀនធំ។បុរសខាងលើបានសារភាពប្រាប់គ្រូពេទ្យថា “ត្រីអន្ទង់រស់មួយក្បាលបានវារចូលទៅក្នុងរន្ធគូថរបស់ខ្ញុំ”។ស្ថានភាពគាត់កាន់តែធ្ងន់ធ្ងរ នៅពេលដែលត្រីអន្ទង់បានទម្លុះពោះវៀនធំរបស់អ្នកជំងឺ។ កាសែត Xiaoxiang Morning Post បានរាយការណ៍ថា បុរសនោះបានបង្ហាញរោគសញ្ញានៃ “ពោះរឹងដូចក្តារ” ស្ថានភាពនេះមានគ្រោះថ្នាក់ខ្លាំងណាស់ ហើយប្រសិនបើមិនបានព្យាបាលទាន់ពេលទេ វាអាចបណ្ដាលឱ្យបាត់បង់ជីវិត។ ក្នុងអំឡុងពេលនៃការវះកាត់ ក្រុមគ្រូពេទ្យមានការភ្ញាក់ផ្អើលនៅពេលដឹងថា អន្ទង់បានចេញមកទាំងស្រុងតាមរយៈរន្ធដែលធ្លុះ ហើយកំពុងហែលទឹកដោយសេរីនៅក្នុងប្រហោងពោះអ្នកជំងឺ។ ចលនានេះបណ្តាលឱ្យមានការឆ្លងមេរោគខាងក្នុងធ្ងន់ធ្ងរ និងធ្វើឱ្យហានិភ័យនៃការវះកាត់មានភាពស្មុគស្មាញយ៉ាងខ្លាំង។តាមរយៈការខិតខំប្រឹងប្រែងសម្របសម្រួលរបស់ក្រុមគ្រូពេទ្យពហុជំនាញ អន្ទង់រស់ត្រូវបានយកចេញដោយជោគជ័យ ហើយរន្ធដែលធ្លុះពោះវៀនត្រូវបានដេរឡើងវិញ។ បន្ទាប់ពីការព្យាបាលប្រឆាំងនឹងការឆ្លងមេរោគ និងការគាំទ្រអាហារូបត្ថម្ភ មួយរយៈពេល អ្នកជំងឺបានជាសះស្បើយ ហើយទីបំផុតត្រូវបានអនុញ្ញាតឱ្យចេញពីមន្ទីរពេទ្យ។ ទោះជាយ៉ាងណា មិនព័ត៌មានលម្អិតណាមួយបញ្ជាក់ថា សត្វអន្ទង់រស់១ក្បាលនោះ វាចូលតាមរន្ធគូទរបស់គាត់ដោយរបៀបណានោះទេ។

(វ៉ាស៊ីនតោន)៖ ប្រធានាធិបតីអាមេរិក លោក ដូណាល់ ត្រាំ បានប្រកាសនៅលើបណ្តាញសង្គមរបស់លោកថា ការប្រយុទ្ធគ្នារវាងថៃ និងកម្ពុជា បានបញ្ឈប់មួយរយៈ ហើយប្រទេសទាំងពីរនឹងត្រឡប់ទៅរកសន្តិភាពវិញ ដោយអនុលោមតាមសន្ធិសញ្ញាដើមដែលបានព្រមព្រៀងគ្នាកាលពីពេលថ្មីៗនេះ។ មិនត្រឹមតែប៉ុណ្ណោះ ក្នុងសាររបស់លោក ដូណាល់ ត្រាំ ក៏បានឆ្លៀតរិះគន់អង្គការសហប្រជាជាតិថា អសកម្មក្នុងចូលរួមដោះស្រាយ សន្តិភាពពិភពលោក ដោយជំរុញឱ្យស្ថាប័នពិភពលោកមួយនេះចាប់ផ្ដើមសកម្មឡើងវិញ។ នៅលើបណ្តាញទំនាក់ទំនងសង្គម Truth social លោក ត្រាំ បានមានប្រសាសន៍ថា«ខ្ញុំមានសេចក្តីសោមនស្សរីករាយក្នុងការប្រកាសថា ការផ្ទុះឡើងនៃការប្រយុទ្ធគ្នារវាងប្រទេសថៃ និងកម្ពុជាបញ្ឈប់មួយរយៈ ហើយពួកគេនឹងវិលត្រឡប់មករស់នៅក្នុងសន្តិភាពវិញ ដូចដែលយើងបានព្រមព្រៀងគ្នាថ្មីៗនេះចំពោះសន្ធិសញ្ញាដើម។ខ្ញុំចង់អបអរសាទរដល់មេដឹកនាំដ៏អស្ចារ្យទាំងពីរចំពោះភាពវៃឆ្លាតរបស់ពួកគេក្នុងការឈានដល់ការសន្និដ្ឋានយ៉ាងឆាប់រហ័ស និងយុត្តិធម៌នេះ។ វារហ័ស និងម៉ឺងម៉ាត់ ដូចដែលស្ថានភាពទាំងអស់នេះគួរតែមាន! សហរដ្ឋអាមេរិក ដូចរាល់ដង មានមោទនភាពក្នុងការជួយ! ជាមួយនឹងសង្គ្រាម និងជម្លោះទាំងអស់ដែលខ្ញុំបានដោះស្រាយ និងបញ្ឈប់ក្នុងរយៈពេលដប់មួយខែចុងក្រោយនេះ ប្រហែលជាសហរដ្ឋអាមេរិកបានក្លាយជាអង្គការសហប្រជាជាតិពិតប្រាកដ ដែលមានជំនួយតិចតួចណាស់ ឬជួយក្នុងរឿងណាមួយ រួមទាំងគ្រោះមហន្តរាយដែលកំពុងកើតឡើងរវាងប្រទេសរុស្ស៊ី និងអ៊ុយក្រែន។ អង្គការសហប្រជាជាតិត្រូវតែចាប់ផ្តើមចូលរួមយ៉ាងសកម្ម និងចូលរួមក្នុងសន្តិភាពពិភពលោក!»។ជាការកត់សម្គាល់អត្ថន័យនៅក្នុងសារចុងក្រោយរបស់ លោក ត្រាំ បានឆ្លៀតវាយប្រហារ និងរិះគន់អង្គការសហប្រជាជាតិ (UN) យ៉ាងចាស់ដៃដោយលើកឡើងថា សហរដ្ឋអាមេរិកហាក់បីដូចជាបានដើរតួនាទីជា «អង្គការសហប្រជាជាតិ ពិតប្រាកដ» ទៅហើយ បន្ទាប់ពីលោកបានដោះស្រាយ និងបញ្ឈប់សង្គ្រាមចំនួន ៨ ក្នុងរយៈពេល ១១ខែចុងក្រោយនេះ។ ចំណែក UN ផ្ទាល់វិញ ហាក់បានផ្តល់ជំនួយតិចតួចបំផុតក្នុងជម្លោះនានា រួមទាំងសង្គ្រាមរវាងរុស្ស៊ី និងអ៊ុយក្រែនផងដែរ។ ទោះជាយ៉ាងណា លោកបានជំរុញឱ្យស្ថាប័នពិភពលោកមួយនេះ «ចាប់ផ្តើមសកម្ម និងចូលរួមក្នុងសន្តិភាពពិភពលោក» ឱ្យបានពិតប្រាកដ ៕

(វ៉ាស៊ីនតោន)៖ ប្រធានាធិបតីអាមេរិក លោក Donald Trump បានអបអរសាទរចំពោះបទឈប់បាញ់ដែលបានព្រមព្រៀងគ្នារវាងកម្ពុជា និង ថៃ នៅថ្ងៃទី២៧ ខែធ្នូ ឆ្នាំ២០២៥ បន្ទាប់ពីការប៉ះទង្គិចគ្នាតាមព្រំដែនអស់រយៈពេលជាច្រើនសប្តាហ៍ ដែលបានសម្លាប់មនុស្សជាច្រើននាក់។លោក Trump បាននិយាយថា ខ្ញុំចង់អបអរសាទរមេដឹកនាំដ៏អស្ចារ្យទាំងពីរចំពោះភាពវៃឆ្លាតរបស់ពួកគេក្នុងការឈានដល់ការសន្និដ្ឋានយ៉ាងឆាប់រហ័ស និងយុត្តិធម៌នេះ។នៅក្នុងការបង្ហោះមួយនៅលើវេទិកា Truth Social របស់លោក លោក Trump បានហៅលទ្ធផលចុងក្រោយថា "រហ័ស និងម៉ឺងម៉ាត់ ដូចដែលស្ថានភាពទាំងអស់នេះគួរតែមាន!"។ លោកបានបន្ថែមថា ទីក្រុងវ៉ាស៊ីនតោន ដែលបានចូលរួមក្នុងកិច្ចខិតខំប្រឹងប្រែងសម្របសម្រួលរួមជាមួយប្រទេសចិន និងម៉ាឡេស៊ី មាន "មោទនភាពក្នុងការជួយ"។ទន្ទឹមនឹងនេះ រដ្ឋមន្ត្រីការបរទេសអាមេរិក លោក Marco Rubio បានស្វាគមន៍ចំពោះបទឈប់បាញ់រវាង កម្ពុជា និងថៃ ដោយអំពាវនាវឱ្យភាគីទាំងពីរ «គោរពការប្តេជ្ញាចិត្តនេះភ្លាមៗ»។យ៉ាងហោចណាស់មានមនុស្ស ៤៧ នាក់ត្រូវបានសម្លាប់ និងជាងមួយលាននាក់ត្រូវបានផ្លាស់ទីលំនៅក្នុងរយៈពេលបីសប្តាហ៍នៃការប្រយុទ្ធគ្នា ដែលបានរីករាលដាលដល់ស្ទើរតែគ្រប់ខេត្តជាប់ព្រំដែននៃភាគីទាំងពីរ។ដោយប្រកាសពីកិច្ចព្រមព្រៀង កម្ពុជា និង ថៃ បានសន្យាថានឹងបញ្ឈប់ការបាញ់ប្រហារ បញ្ឈប់សកម្មភាព កងទ័ព និងអនុញ្ញាតឱ្យជនស៊ីវិលដែលរស់នៅតាមតំបន់ព្រំដែនវិលត្រឡប់មកផ្ទះវិញឱ្យបានឆាប់តាមដែលអាចធ្វើទៅបាន។បន្ទាប់ពីបទឈប់បាញ់ អ្នកការទូតកំពូលរបស់ប្រទេសចិន លោក Wang Yi បានធ្វើជាម្ចាស់ផ្ទះទទួលរដ្ឋមន្ត្រីការបរទេសកម្ពុជា និងថៃ សម្រាប់កិច្ចពិភាក្សារយៈពេលពីរថ្ងៃ៕