អ្នកឧកញ៉ា គិត ម៉េង និងលោកជំទាវ ថ្វាយព្រះពរ ព្រះមហាក្សត្រនៃព្រះរាជាណាចក្រកម្ពុជា ក្នុងឱកាសបុណ្យចូលឆ្នាំថ្មី ប្រពៃណីជាតិខ្មែរ

(ភ្នំពេញ)៖ សអ្នកឧកញ៉ា គិត ម៉េង ប្រធានសភាពាណិជ្ជកម្ម និងជាអគ្គនាយកក្រុមហ៊ុន រ៉ូយ៉ាល់ គ្រុប និងលោកជំទាវ ថ្វាយព្រះពរព្រះករុណា ជាអម្ចាស់ជីវិតតម្តល់លើត្បូង ព្រះបាទសម្តេច ព្រះបរមនាថ នរោតម្ត សីហមុនី ព្រះមហាក្សត្រ នៃព្រះរាជាណាចក្រកម្ពុជា ក្នុងឱកាសបុណ្យចូលឆ្នាំថ្មី ប្រពៃណីជាតិខ្មែរ ឆ្នាំកុរ ឯកស័ក ពុទ្ធសករាជ ២៥៦៣ គ្រីស្តសករាជ២០១៩។

សារថ្វាយព្រះពរនេះ សអ្នកឧកញ៉ា គិត ម៉េង និងលោកជំទាវ សូមលើកហត្ថប្រណម្យបួងសួងដល់គុណបុណ្យព្រះរតនត្រ័យ ព្រះបារមីអតីតព្រះមហាក្សត្រ ព្រះមហាក្សត្រីយានីខ្មែរគ្រប់ព្រះអង្គ ព្រះបារមី ព្រះករុណា ព្រះមហាវីរក្សត្រ ព្រះបរមរតនកោដ្ឋ ទេវតាឆ្នាំថ្មី ឆ្នាំកុរ ឯកស័ក ពុទ្ធសករាជ ២៥៦៣ ព្រះនាម ទុង្សាទេវី សូមព្រះមេត្តាតាមជួយបីបាច់ថែរក្សាអភិបាលប្រោះព្រំនូវព្រះសព្ទសាធុការពរជ័យ បវរសួស្តី សិរីវឌ្ឍនា វិបុលសុខ មហាប្រសើរគ្រប់ប្រការ ថ្វាយព្រះករុណា ជាអម្ចាស់ជីវិតតម្តល់លើត្បូង ព្រះមហាក្សត្រនៃព្រះរាជាណាចក្រកម្ពុជា។

សូមព្រះបារមី ព្រះមហាស្វេតច្ឆត្រ និងវត្ថុស័ក្តសិទ្ធិក្មុងលោក ប្រោះប្រទានពរជ័យ សិរីមង្គលព្រះរាជសុខភាពបរិបូរណ៍ ថ្វាយព្រះករុណា ជាអម្ចាស់ជីវិតតម្តល់លើត្បូងសូមទ្រង់ប្រកបដោយ ព្រះពុទ្ធពរដ៏ឧត្តុង្គឧត្តមថ្លៃថ្លាទាំង៤ប្រការ គឺអាយុ វណ្ណៈ សុខៈ ពលៈ ដើម្បីព្រះអង្គបន្តព្រះរាជកិច្ចដង្ហែតាមព្រះរាជតម្រិះដ៏ថ្លៃថ្លារបស់ព្រះវររាជបីតា ព្រះវររាជមាតា និងទ្រង់គង់ប្រថាប់ជាម្លប់ដ៏ត្រជាក់ និងសេចក្តីសុខក្សេមក្សាន្ត ដល់ប្រជានុរាស្ត្ររបស់ព្រះអង្គជានិរន្តរ៍៕ 

 

 

 

 

អត្ថបទដែលជាប់ទាក់ទង