ខេត្តស្ទឹងត្រែង៖​ ឯកឧត្តម ហួត ហាក់ រដ្ឋមន្ត្រីក្រសួងទេសចរណ៍ រួមជាមួយឯកឧត្តម ឈាង ឡាក់ ប្រធានក្រុមប្រឹក្សាខេត្តស្ទឹងត្រែង និងឯកឧត្តម សរ សុពុត្រា អភិបាលនៃគណៈអភិបាលខេត្តស្ទឹងត្រែង បានអញ្ជើញជាអធិបតីក្នុង «កម្មវិធីរត់ដើម្បីសត្វផ្សោតទន្លេមេគង្គ៖ ផ្សារភ្ជាប់ទេសចរណ៍ក្នុងរដូវកាលបៃតង» ចម្ងាយ ៥គីឡូម៉ែត្រ ដែលជាព្រឹត្តិការណ៍អមនៃ ព្រឹត្តិការណ៍ទេសចរណ៍ក្នុងរដូវកាលបៃតង ឆ្នាំ២០២៦ នៅខេត្តស្ទឹងត្រែង ដោយមានការចូលរួមពីថ្នាក់ដឹកនាំ មន្ត្រីរាជការ វិស័យឯកជន សមាគមក្នុងឧស្សាហកម្មទេសចរណ៍ ប្រតិបត្តិករទេសចរណ៍ អ្នកផលិតមាតិកា Influencers និង KOLs សិស្ស និស្សិត ប្រជាពលរដ្ឋ និងអ្នកចូលរួមប្រមាណ ១ ០០០នាក់។ព្រឹត្តិការណ៍ទេសចរណ៍កីឡានេះ ត្រូវបានរៀបចំឡើងក្នុងគោលបំណងលើកកម្ពស់ និងទាក់ទាញភ្ញៀវទេសចរជាតិ និងអន្តរជាតិឱ្យមកទស្សនា និងស្វែងយល់ពីសក្តានុពលទេសចរណ៍ដ៏សម្បូរបែបរបស់កម្ពុជា ជាពិសេសខេត្តស្ទឹងត្រែង ដែលជាគោលដៅអេកូទេសចរណ៍ដ៏មានសក្តានុពលនៅតំបន់ភូមិភាគឦសាន។ ព្រឹត្តិការណ៍នេះក៏ជាការចូលរួមជំរុញចលនាទេសចរណ៍ក្នុងស្រុក តាមរយៈការអនុវត្តយុទ្ធនាការ «ទស្សនាកម្ពុជានៅរដូវកាលបៃតង» ផងដែរ។ថ្លែងក្នុងឱកាសនោះ ឯកឧត្តមរដ្ឋមន្ត្រី បានគូសបញ្ជាក់ថា ប្រធានបទ «រត់ដើម្បីសត្វផ្សោតទន្លេមេគង្គ» មានអត្ថន័យជ្រាលជ្រៅ ដោយបានផ្សារភ្ជាប់វិស័យសំខាន់ៗចំនួន៣ រួមមាន៖ កីឡា ការអភិរក្សធនធានធម្មជាតិ និងការលើកកម្ពស់ទេសចរណ៍ក្នុងរដូវកាលបៃតង។ វត្តមាន និងការចូលរួមយ៉ាងសកម្មរបស់សាធារណជន គឺជាការឆ្លុះបញ្ចាំងពីឆន្ទៈរួមក្នុងការគាំទ្រ និងលើកស្ទួយវិស័យទេសចរណ៍ និងកីឡា ឱ្យកាន់តែរីកចម្រើន និងមានភាពទាក់ទាញបន្ថែមទៀត។ឯកឧត្តមរដ្ឋមន្ត្រី មានប្រសាសន៍ថា អន្លង់សត្វផ្សោតទន្លេមេគង្គ គឺជាតំបន់ទេសចរណ៍ធម្មជាតិដ៏មានតម្លៃ និងជាជម្រកដ៏សំខាន់របស់សត្វផ្សោតទឹកសាបទន្លេមេគង្គ។ នៅតំបន់នេះ ភ្ញៀវទេសចរអាចជិះទូកកម្សាន្តទស្សនាសត្វផ្សោត ស្វែងយល់ពីប្រព័ន្ធអេកូឡូស៊ីតាមដងទន្លេមេគង្គ និងគយគន់ទេសភាពព្រៃលិចទឹកដ៏ស្រស់ត្រកាល ព្រមទាំងទទួលបានបទពិសោធន៍ទេសចរណ៍ដែលផ្សារភ្ជាប់ដោយផ្ទាល់ជាមួយសហគមន៍មូលដ្ឋាន។ជាពិសេសក្នុងរដូវកាលបៃតង ធម្មជាតិនៅខេត្តស្ទឹងត្រែងកាន់តែមានភាពស្រស់បំព្រង បៃតងខៀវស្រងាត់ អាកាសធាតុត្រជាក់ស្រួល និងបរិយាកាសស្រស់ស្រាយ ដែលបង្កើតជាបទពិសោធន៍ពិសេសមួយសម្រាប់ភ្ញៀវទេសចរ និងបង្ហាញថា រដូវកាលបៃតងគឺជាពេលវេលាដ៏សមស្របមួយសម្រាប់ការធ្វើដំណើរស្វែងយល់ពីសម្រស់ធម្មជាតិ និងសក្តានុពលអេកូទេសចរណ៍របស់កម្ពុជា។ក្នុងឱកាសនេះ ឯកឧត្តមរដ្ឋមន្ត្រី បានអំពាវនាវដល់ប្រជាពលរដ្ឋ និងភ្ញៀវទេសចរជាតិ និងអន្តរជាតិ អញ្ជើញមកទស្សនាខេត្តស្ទឹងត្រែង ស្វែងយល់ពីសក្តានុពលទេសចរណ៍ធម្មជាតិដ៏សម្បូរបែប ចូលរួមគាំទ្រសហគមន៍មូលដ្ឋាន និងរួមគ្នាថែរក្សា អភិរក្ស និងការពារសត្វផ្សោតទន្លេមេគង្គ ដែលជាសម្បត្តិធម្មជាតិដ៏មានតម្លៃរបស់កម្ពុជា។ទន្ទឹមនឹងនេះ ឯកឧត្តមរដ្ឋមន្ត្រី បានគូសរំលេចថា កម្មវិធី «រត់ដើម្បីសត្វផ្សោតទន្លេមេគង្គ៖ ផ្សារភ្ជាប់ទេសចរណ៍ក្នុងរដូវកាលបៃតង» មិនត្រឹមតែជាព្រឹត្តិការណ៍កីឡាសម្រាប់សុខភាពប៉ុណ្ណោះទេ ប៉ុន្តែថែមទាំងជាសារដ៏មានអត្ថន័យក្នុងការផ្សព្វផ្សាយសក្តានុពលទេសចរណ៍ខេត្តស្ទឹងត្រែង ជំរុញការចូលរួមអភិរក្សធនធានធម្មជាតិ និងលើកកម្ពស់ជីវភាពសហគមន៍មូលដ្ឋាន ស្របតាមគោលដៅនៃការអភិវឌ្ឍទេសចរណ៍ប្រកបដោយចីរភាព និងការជំរុញចលនាទេសចរណ៍ក្នុងរដូវកាលបៃតងនៅកម្ពុជា។ខេត្តស្ទឹងត្រែង នាព្រឹកថ្ងៃទី៩ ខែសីហា ឆ្នាំ២០២៦

(ខេត្តបាត់ដំបង)៖ អ្នកសារព័ត៌មានមកពីបណ្តាស្ថាប័នព័ត៌មានជាតិ តំណាងសហជីព និងតំណាងអង្គការ OXFAM នៅថ្ងៃសៅរ៍ ទី៨ ខែសីហា ឆ្នាំ ២០២៦នេះ បានអញ្ជើញចុះទស្សនកិច្ចនៅ វិទ្យាស្ថានបច្ចេកវិទ្យាបាត់ដំបង (BIT) ដើម្បីស្វែងយល់ដោយផ្ទាល់អំពីវិធានការ និងកម្មវិធីដែលរាជរដ្ឋាភិបាលកម្ពុជា បានដាក់ចេញ តាមរយៈក្រសួងការងារ និងបណ្តុះបណ្តាលវិជ្ជាជីវៈ ក្នុងការជួយគាំទ្របងប្អូនអតីតពលករខ្មែរដែលបានវិលត្រឡប់មកពីប្រទេសថៃ ឱ្យអាចបន្តអាជីព និងរស់នៅក្នុងប្រទេសដោយមានការងារសមរម្យ និងចំណូលប្រកបដោយស្ថិរភាព។ដំណើរទស្សនកិច្ចនេះ ធ្វើឡើងក្នុងគោលបំណងបង្ហាញពីភាពជាក់ស្តែង និងការយកចិត្តទុកដាក់របស់រាជរដ្ឋាភិបាលកម្ពុជា ក្នុងការផ្តល់សេវាគាំទ្រដល់បងប្អូនអតីតពលករ រួមមាន ការធ្វើតេស្តទទួលស្គាល់ជំនាញពីមុន (RPL) ការផ្តល់ការបណ្តុះបណ្តាលបន្ថែម ការប្រឹក្សាការងារ ការភ្ជាប់ទៅកាន់ឱកាសការងារក្នុងស្រុក និងការគាំទ្រឱ្យពួកគេអាចចាប់ផ្តើមមុខរបរ ឬអាជីវកម្មដោយខ្លួនឯង។ក្នុងឱកាសនោះ អ្នកចូលរួមបានទស្សនាពីដំណើរការនៃការវាយតម្លៃសមត្ថភាពជាក់ស្តែង ការបណ្តុះបណ្តាលជំនាញ និងបានជួបសំណេះសំណាលជាមួយបងប្អូនអតីតពលករ ដោយបានចែករំលែកបទពិសោធន៍ពីការទទួលបានការគាំទ្រពីរដ្ឋាភិបាល រហូតអាចស្វែងរកការងារថ្មី ឬបង្កើនប្រាក់ចំណូលដោយប្រើប្រាស់ជំនាញដែលខ្លួនមាន។ឯកឧត្តម ស៊ុន មេសា អ្នកនាំពាក្យក្រសួងការងារ និងបណ្តុះបណ្តាលវិជ្ជាជីវៈ មានប្រសាសន៍ថា៖ «បងប្អូនអតីតពលករខ្មែរ មិនមែនចាប់ផ្តើមពីសូន្យនោះទេ ពួកគាត់បាននាំយកបទពិសោធន៍ និងជំនាញដែលមានតម្លៃត្រឡប់មកកម្ពុជាវិញ ចំណែកឯភារកិច្ចរបស់រាជរដ្ឋាភិបាល គឺផ្តល់នូវការទទួលស្គាល់ជំនាញទាំងនោះ បន្ថែមសមត្ថភាព ភ្ជាប់ទៅកាន់ការងារ ដែលអាចជួយឱ្យពួកគាត់មានជីវភាពកាន់តែប្រសើរ»។ឯកឧត្តមបានបន្ថែមថា ការចូលរួមរបស់អ្នកសារព័ត៌មាន តំណាងសហជីព និងតំណាងអង្គការ OXFAM ក្នុងដំណើរទស្សនកិច្ចនេះ គឺជាឱកាសដ៏សំខាន់មួយ ដើម្បីឱ្យដៃគូទាំងអស់បានឃើញដោយផ្ទាល់ពីលទ្ធផលនៃគោលនយោបាយ និងកម្មវិធីរបស់រាជរដ្ឋាភិបាល ក្នុងការគាំទ្របងប្អូនអតីតពលករខ្មែរ និងផ្សព្វផ្សាយព័ត៌មានពិតទៅកាន់សាធារណជន។ដំណើរទស្សនកិច្ចនេះក៏បានបង្ហាញពីកិច្ចសហការដ៏រឹងមាំរវាងរាជរដ្ឋាភិបាល សហជីព អង្គការ OXFAM និងដៃគូពាក់ព័ន្ធ ក្នុងការលើកកម្ពស់ការអភិវឌ្ឍជំនាញ ការបង្កើតការងារសមរម្យ និងការពង្រឹងប្រព័ន្ធគាំពារសង្គម ស្របតាមគោលដៅរបស់រាជរដ្ឋាភិបាលក្នុងការអភិវឌ្ឍធនធានមនុស្ស និងលើកកម្ពស់ជីវភាពប្រជាពលរដ្ឋ។សូមបញ្ជាក់ផងដែរថា​ វិទ្យាស្ថានបច្ចេកវិទ្យាបាត់ដំបង បានរៀបចំការធ្វើតេស្តទទួលស្គាល់ជំនាញពីមុនដល់បងប្អូនអតីតពលករខ្មែរលើជំនាញចំនួន ៨ ដូចជា ការងារកំបោរ, ការងារការ៉ូ, ការដំឡើងពុម្ព, ការដំឡើងបណ្តាញបំពង់ទឹក, ការងាររន្ទា, ការដំឡើងសរសៃដែក, ការផ្សារអគ្គិសនី និងការដំឡើងបណ្តាញអគ្គិសនីក្នុងអគារ ដោយក្នុងនោះមានបេក្ខជនចូលធ្វើតេស្តចំនួន ៤៧២រូប បេក្ខជនចំនួន ៤៧០រូបទទួលបានវិញ្ញាបនបត្រគុណវុឌ្ឍិជំនាញ និងបេក្ខជន ២រូបទទួលបានលិខិតបញ្ជាក់ក្រេឌីត៕

(ឧត្តរមានជ័យ)៖ ក្រសួងការងារនិងបណ្តុះបណ្តាលវិជ្ជាជីវៈ បន្តនាំយកឱកាសការងារក្នុងស្រុកទៅដល់ប្រជាពលរដ្ឋនៅតាមមូលដ្ឋាន ដោយនាំយកឱកាសការងារចំនួន ១ ៣០០កន្លែង ពីសហគ្រាស ក្រុមហ៊ុន និងរោងចក្រធំៗ មកផ្តល់ជូនប្រជាពលរដ្ឋ អតីតពលករដែលត្រឡប់មកពីប្រទេសថៃ និងយុវជនជាង ៧០០នាក់ តាមរយៈ «វេទិកាការងារ សន្តិសុខសង្គម និងបណ្តុះបណ្តាលវិជ្ជាជីវៈ» ដែលរៀបចំឡើងនៅបរិវេណសាលាស្រុកអន្លង់វែង ខេត្តឧត្តរមានជ័យ នាព្រឹកថ្ងៃសៅរ៍ ទី៨ ខែសីហា ឆ្នាំ២០២៦ ក្នុងគោលបំណងជំរុញការចូលរួមក្នុងទីផ្សារការងារក្នុងស្រុក បង្កើនឱកាសការងារជូនប្រជាពលរដ្ឋ និងអតីតពលករដែលត្រឡប់មកពីក្រៅប្រទេស ព្រមទាំងផ្សព្វផ្សាយការយល់ដឹងអំពីសន្តិសុខសង្គម និងឱកាសបណ្តុះបណ្តាលជំនាញបច្ចេកទេស និងវិជ្ជាជីវៈ ដើម្បីឆ្លើយតបនឹងតម្រូវការកម្លាំងពលកម្មរបស់ទីផ្សារការងារបច្ចុប្បន្ន។ថ្លែងក្នុងឱកាសនេះ ឯកឧត្តម សាន គីមហុង អនុរដ្ឋលេខាធិការ នៃក្រសួងការងារនិងបណ្តុះបណ្តាលវិជ្ជាជីវៈ បានអំពាវនាវដល់បងប្អូនប្រជាពលរដ្ឋឱ្យចាប់យកឱកាសការងារក្នុងស្រុក ខណៈបច្ចុប្បន្នមានតម្រូវការកម្លាំងពលកម្មជាង ៩ម៉ឺនកន្លែង នៅតាមសហគ្រាស ក្រុមហ៊ុន រោងចក្រធំៗ និងតំបន់សេដ្ឋកិច្ចពិសេសទូទាំងប្រទេស។ ឯកឧត្តមបានគូសបញ្ជាក់ថា ការបម្រើការងារស្របច្បាប់នៅក្នុងប្រទេស មិនត្រឹមតែផ្តល់ប្រាក់ចំណូល និងឱកាសការងារមានស្ថិរភាពប៉ុណ្ណោះទេ ប៉ុន្តែថែមទាំងអាចទទួលបានអត្ថប្រយោជន៍ពីបេឡាជាតិសន្តិសុខសង្គម (ប.ស.ស.) រួមមាន របបហានិភ័យការងារ របបថែទាំសុខភាព និងរបបសោធននិវត្តន៍ ដែលជាការគាំពារសង្គមដ៏សំខាន់សម្រាប់កម្មករនិយោជិត។ជាមួយគ្នានេះ ឯកឧត្តមបានអំពាវនាវឱ្យប្រជាពលរដ្ឋចៀសវាងការធ្វើចំណាកស្រុកខុសច្បាប់ ដែលអាចប្រឈមនឹងការកេងប្រវ័ញ្ច ការរំលោភបំពានសិទ្ធិការងារ និងខ្វះការគាំពារ និងការការពារតាមផ្លូវច្បាប់។ ក្នុងករណីមានបំណងទៅបម្រើការងារនៅក្រៅប្រទេស ប្រជាពលរដ្ឋត្រូវជ្រើសរើសក្រុមហ៊ុនដែលទទួលបានអាជ្ញាបណ្ណស្របច្បាប់ និងផ្ទៀងផ្ទាត់ព័ត៌មានជាមួយអាជ្ញាធរមានសមត្ថកិច្ចជាមុន។ សម្រាប់ព័ត៌មានបន្ថែម ប្រជាពលរដ្ឋអាចទាក់ទងលេខទូរស័ព្ទ Hotline ១២៩៧ សម្រាប់សេវាផ្គូផ្គងការងារ និងលេខ ១២៨៦ សម្រាប់ព័ត៌មានអំពីសេវា ប.ស.ស.។ទន្ទឹមនឹងនេះ ឯកឧត្តមក៏បានលើកទឹកចិត្តដល់យុវជន និងប្រជាពលរដ្ឋឱ្យចូលរួមសិក្សាជំនាញបច្ចេកទេសនិងវិជ្ជាជីវៈ តាមរយៈកម្មវិធី «TVET ១,៥ លាន» នៅមជ្ឈមណ្ឌលបណ្តុះបណ្តាលវិជ្ជាជីវៈខេត្តឧត្តរមានជ័យ។ កម្មវិធីនេះផ្តល់ការបណ្តុះបណ្តាលដោយឥតគិតថ្លៃ ព្រមទាំងប្រាក់ឧបត្ថម្ភប្រចាំខែ ហើយមានមុខជំនាញជាច្រើនស្របតាមតម្រូវការទីផ្សារការងារ រួមទាំងវគ្គបណ្តុះបណ្តាលជំនាញរយៈពេលខ្លី និងការធ្វើតេស្តទទួលស្គាល់ជំនាញពីមុន (RPL) លើវិស័យសំណង់ចំនួន ៨មុខ ដើម្បីបង្កើនឱកាសទទួលបានការងារ និងប្រាក់ឈ្នួលកាន់តែប្រសើរ។សូមជម្រាបថា នៅក្នុងវេទិកានេះ សហគ្រាស ក្រុមហ៊ុន និងរោងចក្រធំៗបានចូលរួមនាំយកឱកាសការងារចំនួន ១ ៣០០កន្លែង មកផ្តល់ជូនអ្នកស្វែងរកការងារក្នុងនោះរួមមាន រោងចក្រ វេនធូរ៉ា លេឌើវែរ អឹមអេហ្វវ៉ាយ (ស៊ីឌី) ឯ.ក, ក្រុមហ៊ុន តៃនីង សៀមរាប អភិវឌ្ឍន៍កៅស៊ូ និងក្រុមហ៊ុន អ៊ែកស៊ល អេស៊ា យូមេន រីសសស៍ ដែលជ្រើសរើសកម្លាំងពលកម្មទៅបម្រើការងារនៅក្រៅប្រទេស។ ក្រៅពីការជ្រើសរើសបុគ្គលិកដោយផ្ទាល់ សហគ្រាស និងក្រុមហ៊ុន ដែលចូលរួមក៏បានផ្តល់ព័ត៌មានអំពីការងារ សេវាផ្គូផ្គងការងារ និងការប្រឹក្សាយោបល់ជូនអ្នកស្វែងរកការងារ ដើម្បីជួយឱ្យប្រជាពលរដ្ឋអាចស្វែងរកការងារដែលសមស្របនឹងជំនាញ និងសមត្ថភាពរបស់ខ្លួន ព្រមទាំងចូលរួមឆ្លើយតបនឹងតម្រូវការកម្លាំងពលកម្មនៅក្នុងទីផ្សារការងារកម្ពុជា៕

(កំពង់ចាម)៖ ឯកឧត្តម ហេង សួរ រដ្ឋមន្ត្រីក្រសួងការងារនិងបណ្តុះបណ្តាលវិជ្ជាជីវៈ អនុប្រធានក្រុមការងាររាជរដ្ឋាភិបាលចុះមូលដ្ឋានខេត្តកំពង់ចាម និងជាប្រធានក្រុមការងាររាជរដ្ឋាភិបាលចុះមូលដ្ឋានស្រុកកំពង់សៀម ព្រមទាំងលោកជំទាវ រួមជាមួយសមាជិកក្រុមការងាររាជរដ្ឋាភិបាល និងគណៈអភិបាលស្រុកកំពង់សៀម បាននាំយកទៀនព្រះវស្សា និងទេយ្យទានប្រគេនព្រះសង្ឃចំនួន ៥០អង្គ ជូនយាយជីតាជីចំនួន ១៤០នាក់ និងអាចារ្យចំនួន ១០នាក់ នៅវត្តសុវណ្ណគិរីរតនៈភ្នំប្រុស ស្ថិតក្នុងភូមិត្រពាំងចារ ឃុំក្រឡា ស្រុកកំពង់សៀម ខេត្តកំពង់ចាម នាព្រឹកថ្ងៃអាទិត្យ ទី៩ ខែសីហា ឆ្នាំ២០២៦ នេះ។ទេយ្យទានដែលបានប្រគេនរួមមាន៖ ទៀនព្រះវស្សា១គូ សាដក៥ ស្ករស ១បាវ ទឹកដោះគោខាប់ ១កេស ត្រីខកំប៉ុង ១កេស ទៀនក្រមួន ១គីឡូក្រាម អង្ករ ២បាវ ទឹកបរិសុទ្ធ ៥កេស ទឹកក្រូច ៥កេស មីជាតិ ៥កេស ធូបមាសដុំធំ ១ដុំ បច្ច័យកសាងវត្ត និងបច្ច័យមួយចំនួនទៀត។ ការប្រគេនទៀនព្រះវស្សា និងទេយ្យទានទាំងនេះ គឺជាការរួមចំណែកទ្រទ្រង់ដល់ព្រះសង្ឃ ដែលត្រូវគង់ចាំព្រះវស្សាអស់កាលត្រីមាសក្នុងពុទ្ធសីមា។នាឱកាសនោះ ឯកឧត្តម ហេង សួរ លោកជំទាវ ក្រុមការងារ និងពុទ្ធបរិស័ទទាំងអស់បានវេរទេយ្យទានទាំងអស់ប្រគេនព្រះសង្ឃដែលគង់ចាំព្រះវស្សាអស់កាលត្រីមាសក្នុងពុទ្ធសីមាវត្ត សុវណ្ណគិរីរតនៈ ភ្នំប្រុស ប្រកបដោយសទ្ធាជ្រះថ្លាបំផុត និងសូមឧទ្ទិសកុសលផលបុណ្យដែលបានកសាង ជូនដល់ដួងវិញ្ញាណក្ខន្ធញាតិកាទាំងប្រាំពីរសន្តាន និងវីរកងទ័ព ព្រមទាំងវីរកងនគរបាលជាតិទាំងអស់ ដែលបានពលីជីវិតក្នុងការការពារបូរណភាពទឹកដីកម្ពុជា។ដោយឡែក សម្រាប់ទៀនព្រះវស្សា និងទេយ្យទាននេះ ត្រូវបានយកទៅប្រគេនព្រះសង្ឃគង់ចាំព្រះវស្សានៅវត្តចំនួន ៦ ផ្សេងទៀតនៅក្នុងឃុំ អំពិល មានចំនួន ៤វត្ត គឺវត្តនគរបាជ័យក្នុង វត្តនគរបាជ័យក្រៅ វត្តធ្លា និងវត្តក្រឡា និងឃុំក្រឡា មានចំនួន ២វត្ត គឺវត្តអញ្គួញដី និងវត្តតាយក់។ពិធីបុណ្យចូលព្រះវស្សា គឺជាពិធីបុណ្យមួយដ៏មានសារៈសំខាន់ក្នុងព្រះពុទ្ធសាសនា និងជាពេលវេលាដ៏សំខាន់សម្រាប់ភិក្ខុសង្ឃ និងសាមណេរបានរៀនធម៌ និងវិន័យយ៉ាងខ្ជាប់ខ្ជួនតាមពុទ្ធោវាទ។ ពុទ្ធបរិស័ទតែងតែនាំគ្នាប្រារព្ធពិធីបុណ្យនេះ ដោយនាំយកទៀនព្រះវស្សា និងទេយ្យទានចាំបាច់ផ្សេងៗទៅប្រគេនព្រះសង្ឃតាមលទ្ធភាព និងសទ្ធាជ្រះថ្លារៀងៗខ្លួន៕

(ភ្នំពេញ)៖ ឯកឧត្តម ហួត ហាក់ រដ្ឋមន្រ្តីក្រសួងទេសចរណ៍ បានអញ្ជើញជាអធិបតីក្នុងពិធីបិទ ព្រឹត្តិការណ៍ទេសចរណ៍រដូវកាល​បៃ​តង ឆ្នាំ២០២៦ នៅខេត្តស្ទឹងត្រែង ក្រោមប្រធានបទ៖ «សក្កានុពល​អេកូទេសចរណ៍នៅតំបន់ភូមិភាគឦសាន ក្នុងរដូវកាលបៃតង ឆ្នាំ២០​​២​៦​​»។ ព្រឹត្តិការណ៍ទេសចរណ៍ក្នុង​រដូវកាលបៃតងនេះ រៀបចំឡើងក្នុងគោលបំណងបំផុសស្មារតីសេ្នហាជាតិ ស្រឡាញ់មាតុភូមិ សាមគ្គីភាព ចូលរួមអភិរក្សសម្បត្តិបេតិកភណ្ឌរូបិយ អរូបិយ សម្បត្តិធម្មជាតិ ស្របតាមទស្សនទាន «ទេសចរណ៍ ផ្សារភ្ជាប់នឹងទឹកដី»,«ស្រឡាញ់ជាតិ ត្រូវស្គាល់ទឹកដី», ជាពិសេស ការជំរុញចលនាទេសចរណ៍ក្នុងស្រុក និងការលើកកម្ពស់កិត្តិនាមកម្ពុជា និងចូលរួមបង្ហាញទៅកាន់ពិភពលោកថា កម្ពុជា ជាគោលដៅទេសចរណ៍សុវត្ថិភាព, ផ្ដល់នូវភាពកក់ក្ដៅ, បដិសណ្ឋារកិច្ចល្អ និងជាទឹកដីដ៏សែនមនោរម្យ ស្វាគមន៍ការមកកម្សាន្តរបស់ទេសចរមកពីគ្រប់ទិសទីទូទាំងសកលលោក។ក្នុងព្រឹត្តិការណ៍ដ៏សប្បាយរីករាយនេះ មានការអញ្ជើញចូលរួមពី ឯកឧត្ដម​ ឈាង ឡាក់ ប្រធានក្រុមប្រឹក្សាខេត្តស្ទឹងត្រែង និងលោកជំទាវ, ឯកឧត្តម សរ សុពុត្រា អភិបាលនៃគណៈអភិបាលខេត្តស្ទឹងត្រែង, ឯកឧត្ដមអគ្គកុងស៊ុលរងនៃសាធារណរដ្ឋប្រជាមានិតឡាវ ប្រចាំខេត្តស្ទឹងត្រែង, ឯកឧត្ដម លោកជំទាវ ថ្នាក់ដឹកនាំក្រសួងទេសចរណ៍ និងឯកឧត្ដម លោកជំទាវ​ អភិបាលរងខេត្ត លោក លោកស្រី ប្រធានមន្ទីរទេសចរណ៍ខេត្តនៅតំបន់ភូមិភាគឥសាន្ត ព្រមទាំងអស់​លោក លោកស្រី តំណាងក្រុមហ៊ុនដៃគូសហការឧបត្ថម្ភ, សមាគមក្នុងឧស្សហកម្មទេសចរណ៍, ប្រតិបត្តិករទេសចរណ៍, វិស័យឯកជន, អង្គការដៃគូ, វាគ្មិនកិត្តិយស, បងប្អូនប្រជាសហគមន៍, អ្នកផលិតមាតិកា Influencers និង KOLs ប្អូនៗយុវជន សិស្ស និស្សិត ប្រមាណ ១.០០០នាក់។ឯកឧត្តមរដ្ឋមន្រ្តី ក៏បានយកឱកាសនេះ សម្តែងនូវការកោតសរសើរ និងវាយតម្លៃខ្ពស់ចំពោះកិច្ចសហការដ៏ល្អរវាងរដ្ឋបាលខេត្តស្ទឹងត្រែង និងក្រុមការងាររដូវកាលបៃតងនៃក្រសួងទេសចរណ៍, មន្ទីរទេសចរណ៍ខេត្តស្ទឹងត្រែង, ក្រុមហ៊ុនដៃគូសហការឧបត្ថម្ភ, ​ វិស័យឯកជន, វាគ្មិនកិត្តិយស, សិល្បៈករ សិល្បៈការិនី, អ្នកផលិតមាតិកាព័ត៌មាន, Influencers, KOLs ទាំងអស់ ដែលបានផ្តល់កិច្ចសហការ​រៀបចំ, ឧបត្ថម្ភគាំទ្រ, ចែករំលែកបទពិសោធល្អៗ និងសម្របសម្រួល​សព្វគ្រប់បែបយ៉ាង ដែលជំរុញឱ្យ ព្រឹត្តិការណ៍ទេសចរណ៍នៅរដូវកាលបៃតង ឆ្នាំ២០​២​៦​ ​នៅខេត្តស្ទឹងត្រែង នេះប្រព្រឹត្តទៅ ប្រកបដោយភាព​អធិក​អធម​ សប្បាយ​​រីករាយ និងសម្រេចបានផ្លែផ្កាគួរជាទីមោទ​ន​​ភា​ព។ទន្ទឹមនេះ ឯកឧត្តមរដ្ឋមន្រ្តី ក៏បានជម្រាបជូនអង្គពិធីថា ការបំប្លែងរដូវ​កា​ល​ «Green Season» មិនមែនគ្រាន់តែជាការផ្លាស់ប្តូរឈ្មោះនោះទេ ប៉ុន្តែគឺជាការផ្លាស់ប្តូរផ្នត់គំនិត និងជាយុទ្ធសាស្ត្រជាតិដ៏មុតស្រួច។    រដូវកាលនេះ គឺជាពេលវេលាដែលកម្ពុជាបង្ហាញនូវសម្រស់ដ៏ពិតប្រាកដ និងរស់រវើកបំផុតរបស់ខ្លួន។ ធម្មជាតិពោរពេញដោយភាពស្រស់បំព្រង ពណ៌បៃតងខ្ចីគ្របដណ្តប់ពាសពេញប្រទេស ខ្យល់អាកាសបរិសុទ្ធ និងទេសភាពដ៏ត្រកាល បង្កើតបានជាបទពិសោធ ដ៏កម្រ និងមានតម្លៃសម្រាប់ភ្ញៀវទេសចរ។ជាមួយគ្នានេះ ឯកឧត្តមរដ្ឋមន្រ្តី ក៏បានគូសរំលេចបន្ថែមថា «ព្រឹត្តិការណ៍ទេសចរណ៍ក្នុងរដូវកាលបៃតង» គឺជាផ្នែកមួយនៃការជំរុញចលនាទេសចរណ៍ និងបង្ហាញពីភាពស្រស់ស្អាត ព្រមទាំងសក្តានុពលដ៏សម្បូរបែបរបស់កម្ពុជានារដូវកាលបៃតង។ តាមរយៈព្រឹត្តិការណ៍នេះ ប្រជាពលរដ្ឋ និងភ្ញៀវទេសចរនិងបានមើលឃើញថា រដូវកាលបៃតង គឺជារដូវកាលដ៏ស្រស់ស្អាតមួយសម្រាប់ការធ្វើដំណើរកម្សាន្តនៅកម្ពុជា ដែលមានបទពិសោធន៍ទេសចរណ៍ថ្មីៗជាច្រើនកំពុងរង់ចាំការស្វែងយល់ និងការរុករក។សូមជម្រាបជូនថា ព្រឹត្តិការណ៍ទេសចរណ៍ក្នុងរដូវកាលបៃតង បានធ្វើដំណើរពីរាជធានីភ្នំពេញ ឆ្ពោះទៅកាន់ខេត្តសៀមរាប ក្រោមប្រធានបទ «សក្តានុពលទេសចរណ៍តំបន់បេតិកភណ្ឌ និងវប្បធម៌ក្នុងរដូវកាលបៃតង» ដើម្បីបង្ហាញពីភាពរស់រវើក និងភាពទាក់ទាញនៃតំបន់បេតិកភណ្ឌ និងវប្បធម៌ខ្មែរ ដែលកាន់តែស្រស់បំព្រងនៅក្នុងរដូវកាលបៃតង។ ដោយឡែក នៅរាត្រីនេះ ដំណើររដូវកាលបៃតងបានបន្តមកដល់ទឹកដីខេត្តស្ទឹងត្រែង ដែលជាទឹកដីសម្បូរទៅដោយធនធានធម្មជាតិ ទន្លេ ព្រៃឈើ សហគមន៍ និងសក្តានុពលអេកូទេសចរណ៍ដ៏លេចធ្លោ និងរៀបចំឡើងក្រោមប្រធានបទ «សក្តានុពលអេកូទេសចរណ៍នៅតំបន់ភូមិភាគឦសាន ក្នុងរដូវកាលបៃតង ឆ្នាំ២០២៦»។ បន្ទាប់ពីព្រឹត្តិការណ៍ទេសចរណ៍ក្នុងរដូវកាលបៃតងនៅខេត្តស្ទឹងត្រែង ដែលត្រូវបានរៀបចំសម្រាប់តំបន់ភូមិភាគឥសាន្ត នឹងបន្តទៅខេត្ត Cluster នៅតំបន់ឆ្នេរ, បន្ទាប់មក នឹងបិទបញ្ចប់ នៅរាជធានីភ្នំពេញ វិញ ជាមួយនឹងប្រធានបទផ្សេងៗ ស្របទៅតាមសក្តានុពលនៃរាជធានី ខេត្តនីមួយៗ៕

(ភ្នំពេញ)៖ ឯកឧត្តម ហួត ហាក់ រដ្ឋមន្ត្រីក្រសួងទេសចរណ៍ បានអនុញ្ញាតជូនឯកឧត្តម Sonexay Vannaxay ឯកអគ្គរដ្ឋទូតវិសាមញ្ញ និងពេញសមត្ថភាពនៃសាធារណរដ្ឋប្រជាធិបតេយ្យប្រជាមានិតឡាវប្រចាំព្រះរាជាណាចក្រកម្ពុជា និងសហការីជាន់ខ្ពស់ ចូលជួបសម្តែងការគួរសម និងពិភាក្សាការងារលើការពង្រឹង និងពង្រីកកិច្ចសហប្រតិបត្តិការក្នុងវិស័យទេសចរណ៍រវាងប្រទេសទាំងពីរ នៅទីស្តីការក្រសួងទេសចរណ៍។ក្នុងឱកាសនៃជំនួបប្រកបដោយផ្លែផ្កានេះ ឯកឧត្តមរដ្ឋមន្ត្រី បានសម្តែងការស្វាគមន៍ និងអបអរសាទរយ៉ាងកក់ក្តៅចំពោះឯកឧត្តមឯកអគ្គរដ្ឋទូតដែលត្រូវបានតែងតាំងជាឯកអគ្គរដ្ឋទូតថ្មី និងបានថ្លែងអំណរគុណចំពោះរាជរដ្ឋាភិបាល និងប្រជាជនឡាវ ដែលតែងតែគាំទ្រកម្ពុជាក្នុងអភិវឌ្ឍជាតិ សេដ្ឋកិច្ច និងសង្គម ក្រោមស្មារតីសាមគ្គីភាព និងចំណងមិត្តភាពជាប្រពៃណីដ៏យូរអង្វែងដែលមានរយៈពេល ៧០ ឆ្នាំ គិតមកដល់ឆ្នាំ២០២៦ នេះ។ ទំនាក់ទំនងមិត្តភាពរវាងប្រទេសទាំងពីរ បានពង្រឹងពង្រីកលើវិស័យជាច្រើនរួមទាំងវិស័យទេសចរណ៍ និងកាន់តែស៊ីជម្រៅបន្ថែមទៀតនូវកិច្ចសហប្រតិបត្តិការដែលផ្ដល់ផលប្រយោជន៍ទៅវិញទៅមក ស្របតាមស្មារតី «ភាពជាដៃគូ យុទ្ធសាស្ត្រគ្រប់ជ្រុងជ្រោយ និងយូរអង្វែងរវាងកម្ពុជា និងឡាវ» ដើម្បីការអភិវឌ្ឍ និងវិបុលភាព នៃប្រជាជាតិ និងប្រជាជនទាំងពីរ។ទន្ទឹមនឹងនេះដែរ ឯកឧត្តមរដ្ឋមន្ត្រី ក៏បានគូសបញ្ជាក់អំពីស្ថានភាពនយោបាយ សេដ្ឋកិច្ច សង្គម និងការអភិវឌ្ឍវិស័យទេសចរណ៍របស់កម្ពុជា ដោយបញ្ជាក់ថា កម្ពុជានៅតែជាគោលដៅទេសចរណ៍ប្រកបដោយសន្តិភាព ស្ថិរភាព សុវត្ថិភាព និងបដិសណ្ឋារកិច្ចដ៏កក់ក្តៅ ព្រមទាំងបានលើកឡើងអំពីយុទ្ធនាការ «កម្ពុជា៖ ព្រះរាជាណាចក្រអច្ឆរិយៈ ផ្តល់នូវភាពកក់ក្តៅ» និង «ទស្សនាកម្ពុជា នារដូវកាលបៃតង» ព្រមទាំងយុទ្ធនាការ «ប្រទេសបី គោលដៅមួយ» ដែលត្រូវបានឯកភាពដោយថ្នាក់ដឹកនាំនៃប្រទេសកម្ពុជា ឡាវ និងវៀតណាម។ឯកឧត្តមឯកអគ្គរដ្ឋទូត បានសំដែងនូវការកោតសរសើរអំពីការរីកចម្រើន និងការអភិវឌ្ឍដ៏ឆាប់រហ័សរបស់កម្ពុជាក្រោមការដឹកនាំរបស់រាជរដ្ឋាភិបាលកម្ពុជាក្រោមអាណត្តិដឹកនាំរបស់សម្តេចអគ្គមហាសេនាបតី តេជោ ហ៊ុន សែន ប្រធានព្រឹទ្ធសភា និងសម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី។​ ជាងនេះទៅទៀត ឯកឧត្តមឯកអគ្គរដ្ឋទូត បានសំដែងនូវចំណាប់អារម្មណ៍អំពីសក្តានុពលទេសចរណ៍ដ៏សំបូរបែបរបស់កម្ពុជា និងហេដ្ឋារចនាសម្ព័ន្ធតភា្ជប់គោលដៅទេសចរណ៍ក្នុងប្រទេសកម្ពុជាដែលអាចឱ្យភ្ញៀវទេសចរឡាវអាចធ្វើដំណើរពីខេត្តជាប់ព្រំដែនកម្ពុជាទៅដល់ឆ្នេរសមុទ្រដ៏ស្រស់ស្អាតរបស់កម្ពុជា ដោយចំណាយពេលធ្វើដំណើរតាមរថយន្តតែមួយថ្ងៃទេ។ ឯកឧត្តមឯកអគ្គរដ្ឋទូត ក៏បានលើកនូវសំណើពិនិត្យលើការសម្រួលភាពងាយស្រួលដល់ប្រជាជននៅខេត្តជាប់ព្រំដែននៃប្រទេសទាំងពីរ អាចធ្វើដំណើរមកទស្សនាប្រាសាទអង្គរវត្តក្នុងខេត្តសៀមរាប ឬ ទៅលេងខេត្តចំប៉ាសាក់ តាមរថយន្តគ្រួសារ។ល។ជាកិច្ចបញ្ចប់ ឯកឧត្តមរដ្ឋមន្ត្រី បានស្នើសុំកិច្ចសហការពីស្ថានទូតឡាវ ក្នុងការបន្តគាំទ្រការផ្សព្វផ្សាយសក្តានុពលទេសចរណ៍ និងស្ថានភាពជាក់ស្តែងរបស់កម្ពុជា ការជំរុញទីផ្សារទេសចរណ៍អន្តរជាតិ (Plus-One) និងការអនុវត្តយុទ្ធនាការ «ប្រទេសបី គោលដៅមួយ» (Three Countries, One Destination) រវាងកម្ពុជា ឡាវ និងវៀតណាម ឱ្យកាន់តែមានប្រសិទ្ធភាព ដើម្បីបង្កើនលំហូរភ្ញៀវទេសចរ ពង្រឹងការតភ្ជាប់រវាងប្រទេសទាំងពីរ និងពង្រីកកិច្ចសហប្រតិបត្តិការទេសចរណ៍ឱ្យកាន់តែរឹងមាំ ព្រមទាំងបានស្នើសុំឯកឧត្តមឯកអគ្គរដ្ឋទូត ជួយសម្របសម្រួលអញ្ជើញលោកជំទាវរដ្ឋមន្ត្រីក្រសួងវប្បធម៌ និងទេសចរណ៍ឡាវ អាជ្ញាធរខេត្តជាប់ព្រំដែន ក្រុមធុរកិច្ច ក្រុមវិនិយោគ ភ្នាក់ងារទេសចរណ៍ និងវិស័យឯកជនឡាវ មកចូលរួមក្នុងកម្មវិធីអបអរសាទរខួបលើកទី៧០ នៃទំនាក់ទំនងការទូតកម្ពុជា-ឡាវ ដែលគ្រោងរៀបចំដោយក្រសួងទេសចរណ៍នាដើមខែកញ្ញាខាងមុខ នៅខេត្តស្ទឹងត្រែង​។សូមជម្រាបជូនផងដែរថា ឆ្នាំ២០២៦នេះ គឺជាខួបលើកទី៧០ នៃការបង្កើតទំនាក់ទំនងការទូតផ្លូវការរវាងកម្ពុជា និងឡាវ ដោយមានការរៀបចំព្រឹត្តការណ៍អបអរសាទរខួបទី៧០ នៃទំនាក់ទំនងការទូត ដែលនឹងប្រារព្ធទៅចាប់ពីថ្ងៃទី៦ ដល់ថ្ងៃទី៩ ខែកញ្ញា ឆ្នាំ២០២៦ ខាងមុខនេះ នៅខេត្តស្ទឹងត្រែង៕

(អន្តរជាតិ)៖ ស្ត្រីម្នាក់នៅក្នុងទីក្រុងដាណាំងកណ្តាលប្រទេសវៀតណាមត្រូវបានកាត់ទោសឱ្យជាប់ពន្ធនាគារអស់មួយជីវិតបន្ទាប់ពីត្រូវបានរកឃើញថាមានទោសពីបទសម្លាប់កូនប្រុសអាយុ ៥ ឆ្នាំរបស់គាត់ដើម្បីទាមទារប្រាក់ធានារ៉ាប់រងអាយុជីវិតជាង ៤.១ ពាន់លានដុង (១៥៧,០០០ ដុល្លារអាមេរិក) ដោយក្លែងបន្លំ។យោងតាមការចោទប្រកាន់ លោកស្រី To Thi Ty Na អាយុ ៤៥ ឆ្នាំ មកពីឃុំ Thang Binh ធ្លាប់ត្រូវបានកាត់ទោសពីបទលួច។ បន្ទាប់ពីស្វាមីរបស់គាត់បានស្លាប់នៅឆ្នាំ ២០២០ គាត់គ្មានការងារធ្វើ ឬប្រភពចំណូលដែលមានស្ថេរភាព។ ប្តីប្រពន្ធនេះមានកូនបួននាក់ជាមួយគ្នា។ព្រះរាជអាជ្ញាបាននិយាយថា គាត់បានលក់ផ្ទះរបស់ពួកគេក្នុងតម្លៃ ១.២ ពាន់លានដុង ហើយបន្ទាប់ពីលុយអស់ គាត់បានរៀបចំផែនការទិញធានារ៉ាប់រងអាយុជីវិតសម្រាប់កូនៗរបស់គាត់ដោយមានបំណងប្រមូលប្រាក់សំណង។គាត់បានទិញធានារ៉ាប់រងចំនួនប្រាំពីរសម្រាប់កូនៗរបស់គាត់ ដោយបង់បុព្វលាភប្រចាំឆ្នាំជាង ១០០ លានដុង និងដាក់ឈ្មោះខ្លួនឯងថាជាអ្នកទទួលផលនៅក្នុងគ្រប់ករណីទាំងអស់។ កូនប្រុសអាយុប្រាំឆ្នាំរបស់គាត់ឈ្មោះ ហួង ត្រូវបានធានារ៉ាប់រងដោយគោលនយោបាយពីរដែលចេញដោយក្រុមហ៊ុនធានារ៉ាប់រងអាយុជីវិត Generali និងក្រុមហ៊ុនធានារ៉ាប់រងអាយុជីវិត FWD។នៅល្ងាចថ្ងៃទី 2 ខែមករា ឆ្នាំ 2023 នៅផ្ទះរបស់គាត់ គាត់បានបង្វែរកាមេរ៉ាសុវត្ថិភាពចេញ មុនពេលប្រាប់ក្មេងប្រុសនោះឱ្យចូលបន្ទប់ទឹក ជាកន្លែងដែលគាត់បានសម្លាប់គាត់។រដ្ឋអាជ្ញាបាននិយាយថា បន្ទាប់មកគាត់បានរៀបចំឈុតឆាកដើម្បីធ្វើឱ្យវាមើលទៅដូចជាក្មេងនោះបានលង់ទឹកស្លាប់ដោយចៃដន្យនៅក្នុងធុងទឹក។បន្ទាប់មកគាត់បានដាក់ពាក្យបណ្តឹងធានារ៉ាប់រងក្លែងក្លាយដោយបញ្ជាក់ថា ក្មេងប្រុសនោះបានស្លាប់ក្នុងគ្រោះថ្នាក់ ហើយបានទទួលប្រាក់ជាង 4.1 ពាន់លានដុងពីក្រុមហ៊ុនធានារ៉ាប់រងទាំងពីរ។ពួកគេបានកំណត់ថាជនរងគ្រោះមានកម្ពស់ 1.ម៉ែត្រ24 សង់ទីម៉ែត្រ ហើយមិនអាចលង់ទឹកស្លាប់ដោយចៃដន្យនៅក្នុងធុងកម្ពស់ 63 សង់ទីម៉ែត្របានទេ។ ក្រៅពីនេះ មានរបួសនៅលើខ្លួនរបស់គាត់ដែលស្របនឹងកម្លាំងខាងក្រៅ ពួកគេបានរកឃើញ។ករណីនេះបានលេចចេញជារូបរាង បន្ទាប់ពីសាច់ញាតិរបស់ជនរងគ្រោះបានកត់សម្គាល់ឃើញការផ្លាស់ប្តូរកាមេរ៉ាសុវត្ថិភាពរបស់ផ្ទះ ហើយបានរាយការណ៍ទៅប៉ូលីស។តុលាការបានកាត់ទោសនាងឱ្យជាប់ពន្ធនាគារអស់មួយជីវិតពីបទ "ឃាតកម្ម" និងប្រាំមួយឆ្នាំពីបទ "ក្លែងបន្លំធានារ៉ាប់រង"។ការកាត់ទោសនឹងដំណើរការក្នុងពេលដំណាលគ្នា។នាងក៏ត្រូវបានបញ្ជាឱ្យសងប្រាក់ពេញលេញទៅក្រុមហ៊ុនធានារ៉ាប់រងទាំងពីរផងដែរ៕

(ភ្នំពេញ)៖ គ្រប់គ្នាប្រាកដជាបានស្គាល់នូវម៉ាកយីហោ Mercedes-Benz ដែលជាម៉ាករថយន្តអាល្លឺម៉ង់ដ៏ល្បី និងមានគុណភាពខ្ពស់តាំងពីឆ្នាំ ១៩២៦មកម្ល៉េះ។ ប៉ុន្តែ តើអ្នកដឹងទេថា នរណាជាម្ចាស់ភាគហ៊ុនធំនៅពីក្រោយក្រុមហ៊ុននេះ? ជារឿងគួរឱ្យភ្ញាក់ផ្អើលមួយ តាមរបាយការណ៍ផ្លូវការ ម្ចាស់ភាគហ៊ុនធំជាងគេរបស់ Mercedes-Benz គឺជា ស្ថាបនិកក្រុមហ៊ុនរថយន្តអគ្គិសនី Arcfox ។ Mercedes-Benz និង Arcfox គឺជាដៃគូជំនួញដ៏សំខាន់រវាងអាល្លឺម៉ង់ និងចិន ចាប់ដៃគូតាំងពីឆ្នាំ ២០០៣ ម្ចាស់ Arcfox ជាអ្នកជួយផលិតរថយន្ត Mercedes ផ្ទាល់នៅប៉េកាំង ប្រទេសចិន។ ដោយសារកិច្ចសហការដ៏ពិសេសមួយនេះ ទើបArcfox ទទួលបានបច្ចេកវិទ្យា និងស្តង់ដារផលិតកម្មលំដាប់ពិភពលោក(World-Class Manufacturing Standards) ពី Mercedes-Benz មកប្រើលើរថយន្តអគ្គិសនីរបស់ខ្លួន ពោរពេញដោយគុណភាពរឹងមាំ និងបច្ចេកវិទ្យាទំនើបជាងរថយន្ត អគ្គិសនីដទៃ។បន្ថែមពីលើនេះ Arcfox ក៏ត្រូវបានរួមដៃសហការផលិតជាមួយរោងចក្រលំដាប់ទី 1 (Tier-1 Automotive Supplier) គឺ Magna International ដែលមានដើមកំណើតពីប្រទេសកាណាដា និងកំពុងមានវត្តមានក្នុងបណ្តាប្រទេសអភិវឌ្ឍន៍ជាង 30 ប្រទេសទូទាំងទ្វីបអាមេរិកខាងជើង អឺរ៉ុប និងអាស៊ី។ Magna ជារោងចក្រដែលបទពិសោធន៍ផលិតរថយន្តជាងកន្លះសតវត្សរ៍ (ចាប់តាំងពីឆ្នាំ 1959) ពិសេសនោះគឺ Magna ក៏ជាដៃគូផលិត និងដំឡើងរថយន្តលំដាប់ពិភពលោក រួមទាំងរថយន្តដ៏ល្បីល្បា Mercedes-Benz G-Class ផងដែរ។“ភាពជាដៃគូទាំងនេះ បានជួយជម្រុញសមត្ថភាពបច្ចេកវិទ្យារបស់ Arcfox ឱ្យឈរជើងយ៉ាងមុតមាំក្នុងនាមជាប្រេនរថយន្តអគ្គិសនី កម្រិតខ្ពស់សម្រាប់កាប្រើប្រាស់ជាសកល”ជាដំណឹងល្អ! ឥឡូវនេះ Arcfox ផ្លូវការមានវត្តមាននៅកម្ពុជាហើយ ជាពិសេសគឺជា ការនាំចូល និងចែកចាយផ្តាច់មុខដោយ ​KNN Group ជាក្រុមហ៊ុនដែលឈរជើងរឹងមាំក្នុងវិស័យយានយន្ត និងគ្រឿងចក្រធន់ធ្ងន់។ អតិថិជនអាចអញ្ជើញមកទស្សនាដោយផ្ទាល់ ជាមួយរថយន្តអគ្គិសនីប្រណីតប្រេន Arcfox ដោយក្រុមហ៊ុនបានសម្រិតសម្រាំងយកនូវម៉ូឌែលដ៏ពេញនិយមបំពេញតម្រូវការប្រើ ប្រាស់អតិថិជនកម្ពុជារួមមាន៖ Arcfox T1 រថយន្តអគ្គិសនីខ្នាតមធ្យម, Arcfox T5 រថយន្តអគ្គិសនី SUV ឌីហ្សាញបែបស្ព័រ និង Arcfox S5 រថយន្តអគ្គិសនីស្ព័រ​​ Sedan ប្រណីតកម្រិតខ្ពស់។ ពិសេសគឺ ប្រូម៉ូសិនវត្តមាន Arcfox មកដល់កម្ពុជាជាលើកដំបូង ជាមួយនឹងការផ្តល់ជូនតម្លៃមិនធ្លាប់មានសម្រាប់ Arcfox T1 ត្រឹមតែ $19,999 តែប៉ុណ្ណោះ!!!​ (លក្ខខណ្ឌសម្រាប់ 10 គ្រឿងដំបូង)អញ្ជើញមកធ្វើការតេស្តបើកបរដោយផ្ទាល់ ដើម្បីស្វែងយល់គុណភាព និងភាពល្អឯករបស់ Arcfox ឬផ្ញើសារមកកាន់ទំព័រ ហ្វេសប៊ុកផ្លូវការ Arcfox Cambodia ដើម្បីទទួលបានព័ត៌មានលម្អិត និងការផ្តល់ជូនពិសេសភ្លាមៗ!-         ទីតាំងបើកបរសាកល្បង៖​ បុរីដឹមេគង្គរ៉ូយ៉ាល់ (ផ្លូវជាតិ 6A) https://maps.app.goo.gl/3Uv4yPKqJgR1pt6Y9?g_st=ic-         ទំព័រហ្វេសប៊ុក៖ Arcfox Cambodia (https://web.facebook.com/ArcfoxCambodia)-         លេខទូរសព្ទ៖ 086 713 713

(បាងកក)៖ ខ្មាន់កាំភ្លើងក្នុងការបាញ់ប្រហារនៅសាលារៀនមួយ ក្នុងប្រទេសថៃបានបាញ់សម្លាប់ជីដូនជីតារបស់គាត់នៅផ្ទះរបស់ពួកគេកាលពីថ្ងៃសុក្រ (ថ្ងៃទី ៧ ខែសីហា) មុនពេលបើកការបាញ់ប្រហារនៅសាលារៀននៅជាយក្រុងបាងកក ។ប៉ូលីសបាននិយាយនៅក្នុងសេចក្តីថ្លែងការណ៍មួយថា ខ្មាន់កាំភ្លើងបានបាញ់ចំនួន ២៦ គ្រាប់ និងគ្រាប់កាំភ្លើងចំនួន ៣៤ គ្រាប់ទៀត ត្រូវបានរកឃើញនៅកន្លែងកើតហេតុ។ខ្មាន់កាំភ្លើងដែលមានអាយុ ១៤ ឆ្នាំបានសម្លាប់មនុស្សយ៉ាងហោចណាស់ ៥ នាក់ និងបាញ់សម្លាប់ខ្លួនឯងនៅសាលារៀនបន្ទាប់ពីបាញ់ប្រហារជីដូនជីតារបស់គាត់យ៉ាងសាហាវ៕

(ភ្នំពេញ)៖ ឯកឧត្តម ហួត ហាក់ រដ្ឋមន្ត្រីក្រសួងទេសចរណ៍ បានជួបពិភាក្សាការងារ និងផ្លាស់ប្តូរទស្សនៈជាមួយលោក Nick Ray អ្នកជំនាញផ្នែកភាពយន្ត ជាសហម្ចាស់ក្រុមហ៊ុន Hanuman Films និងជាអ្នកឯកទេសទេសចរណ៍នៃគម្រោងធនាគារពិភពលោក (World Bank Tourism Specialist) ដើម្បីផ្លាស់ប្តូរយោបល់លើការពង្រឹងកិច្ចសហប្រតិបត្តិការរវាងក្រសួងទេសចរណ៍ និងក្រុមហ៊ុន Hanuman Films ក្នុងការផ្សព្វផ្សាយសក្តានុពលទេសចរណ៍កម្ពុជាទៅកាន់ទីផ្សារអឺរ៉ុប ជាពិសេសចក្រភពអង់គ្លេស លើកកម្ពស់រូបភាព និងកេរ្តិ៍ឈ្មោះកម្ពុជាទៅកាន់ពិភពលោក ព្រមទាំងជជែកពីយុទ្ធសាស្ត្រទាក់ទាញផលិតករភាពយន្តអន្តរជាតិមកថតនៅកម្ពុជាបន្តទាញយកភាពល្បីល្បាញរបស់ខ្លូនក្នុងភាពយន្តហូលីវូតដ៏ល្បីTomb Raider ព្រមទាំងការផ្សព្វផ្សាយកេរ្តិ៍ឈ្មោះ និងសក្តានុពលទេសចរណ៍កម្ពុជា ក្នុងទស្សនាវដ្តី Wanderlust និង Geo ដែលជាលទ្ធផលជាក់ស្តែង និងប្រកបដោយផ្លែផ្កានៃកិច្ចសហប្រតិបត្តិការដ៏ល្អនេះ៕

(អន្តរជាតិ)៖ ការទុកដបទឹកងាយឆេះ ឬប្រអប់ក្រដាសកាតុងនៅជិតម៉ាស៊ីនខាងក្រៅរបស់ម៉ាស៊ីនត្រជាក់ ឬការភ្ជាប់ខ្សែភ្លើងដោយខុសបច្ចេកទេស បង្កឲ្យមានអគ្គីភ័យរាប់រយករណីជារៀងរាល់ឆ្នាំនៅក្នុងប្រទេសជប៉ុន។ ទិន្នន័យពីវិទ្យាស្ថានបច្ចេកវិទ្យា និងវាយតម្លៃជាតិរបស់ប្រទេសជប៉ុន (NITE) បង្ហាញថា ចន្លោះឆ្នាំ ២០២១ និង ២០២៥ ទីភ្នាក់ងារនេះបានកត់ត្រាឧប្បត្តិហេតុចំនួន ៣៤៥ ដែលទាក់ទងនឹងម៉ាស៊ីនត្រជាក់។ ក្នុងចំណោមនេះ ៣២២ (ជាង ៩០%) គឺជាអគ្គីភ័យ ដែលបណ្តាលឱ្យមានមនុស្សស្លាប់ ៧ នាក់ និងរបួស ៣៣ នាក់។ ស្ទើរតែពាក់កណ្តាលនៃឧប្បត្តិហេតុទាំងនេះមិនមែនដោយសារតែកំហុសផលិតកម្មទេ ប៉ុន្តែផ្ទុយទៅវិញដោយសារតែវត្ថុងាយឆេះដែលដាក់នៅជិតម៉ាស៊ីនខាងក្រៅរបស់ម៉ាស៊ីនត្រជាក់ (ម៉ាស៊ីនបង្ហាប់) ឬម៉ាស៊ីនហួត។យោងតាម កាសែត Japan Times។ នៅឆ្នាំ ២០២២ ម៉ាស៊ីនត្រជាក់មួយគ្រឿងនៅក្នុងខេត្តមីយ៉ាហ្គីបានឆេះ បន្ទាប់ពីត្រូវបានគ្របដោយសន្លឹកប្លាស្ទិក ហើយដាក់ដបទឹកពីលើដើម្បីការពារវាពីខ្យល់។ នៅក្រោមព្រះអាទិត្យដបទឹកទាំងនោះបានដើរតួជាកញ្ចក់ ដើម្បីផ្តោតពន្លឺព្រះអាទិត្យដោយអចេតនា ដែលធ្វើឱ្យសន្លឹកប្លាស្ទិកនោះឆេះ។អគ្គីភ័យមួយផ្សេងទៀតនៅទីក្រុងតូក្យូក្នុងឆ្នាំ ២០២៤ បានកើតចេញពីអ្នកប្រើប្រាស់ម្នាក់បានដោះអ៊ីសូឡង់ចេញពីខ្សែភ្លើង បង្វិលស្នូលទង់ដែង ហើយភ្ជាប់វាទៅខ្សែមួយផ្សេងទៀត។ ការតភ្ជាប់ដែលរលុងបានបង្កើតផ្កាភ្លើង ដែលបណ្តាលឱ្យមានអគ្គីភ័យ។ NITE ក៏ព្រមានអំពីទម្លាប់នៃការទុកថង់សំរាម និងប្រអប់ក្រដាសកាតុងចាស់ៗនៅជុំវិញអង្គភាពខាងក្រៅផងដែរ។ សម្ភារៈទាំងនេះងាយឆេះ ហើយហានិភ័យកាន់តែខ្ពស់នៅពេលដែលអង្គភាពកំពុងដំណើរការក្នុង អំឡុងពេលថ្ងៃដែលមានពន្លឺថ្ងៃខ្លាំង។ ការទុកតំបន់នេះឱ្យរញ៉េរញ៉ៃក៏ទាក់ទាញសត្វ និងសត្វល្អិតដែលអាចធ្វើសំបុក និងបំផ្លាញខ្សែភ្លើងខាងក្នុងផងដែរ។ឧបករណ៍ដែលប្រមូលផ្តុំធូលី និងសំណើមតាមពេលវេលាក៏អាចបណ្តាលឱ្យមានការបញ្ចេញចរន្ត អគ្គិសនីរវាងបន្ទះសៀគ្វី ផងដែរ។ អ្នកប្រើប្រាស់ត្រូវធ្វើការថែទាំជាប្រចាំ ហើយបិទឧបករណ៍បំបែកសៀគ្វីភ្លាមៗ ប្រសិនបើពួកគេរកឃើញក្លិនឆេះ សំឡេងចម្លែក ឬប្រសិនបើខ្សែភ្លើងឡើងក្តៅខុសពីធម្មតា។ នាយកដ្ឋានពន្លត់អគ្គីភ័យតូក្យូ (TFD) បានបញ្ជាក់ថា ការបិទចរន្តខ្យល់ចេញពីអង្គភាពខាងក្រៅមិនត្រឹមតែខ្ជះខ្ជាយ អគ្គិសនីប៉ុណ្ណោះទេ ថែមទាំងបណ្តាលឱ្យ ម៉ាស៊ីនបង្ហាប់ឡើងកំដៅខ្លាំង ដែលនាំឱ្យមានសៀគ្វីខ្លីខាងក្នុងផងដែរ។ TFD ណែនាំអ្នកស្រុកឱ្យយកកំទេចកំទី ងាយឆេះចេញ និងជៀសវាងការដាក់វត្ថុដែលរារាំងចរន្តខ្យល់ចេញពីម៉ាស៊ីនខាងក្រៅរបស់ម៉ាស៊ីនត្រជាក់។

(ភ្នំពេញ)៖ ឯកឧត្តម ហួត ហាក់ រដ្ឋមន្ត្រីក្រសួងទេសចរណ៍ បានអនុញ្ញាតជូនលោក Thomas Lammar ភារធារីនៃស្ថានទូតលុចសំបួប្រចាំសាធារណរដ្ឋប្រជាធិបតេយ្យប្រជាមានិតឡាវទទួលបន្ទុកកិច្ចសហប្រតិបត្តិការអភិវឌ្ឍន៍សម្រាប់ព្រះរាជាណាចក្រកម្ពុជា និងសហការីជាន់ខ្ពស់ ចូលជួបសម្តែងការគួរសម និងពិភាក្សាការងារលើការពង្រឹង និងពង្រីកកិច្ចសហប្រតិបត្តិការក្នុងវិស័យទេសចរណ៍រវាងព្រះរាជាណាចក្រកម្ពុជា និងលុចសំបួ នៅទីស្តីការក្រសួងទេសចរណ៍។ក្នុងឱកាសនៃជំនួបប្រកបដោយផ្លែផ្កានេះ ឯកឧត្តមរដ្ឋមន្ត្រី បានសម្តែងការស្វាគមន៍យ៉ាងកក់ក្តៅចំពោះលោក Thomas Lammar និងបានថ្លែងអំណរគុណចំពោះរាជរដ្ឋាភិបាល និងប្រជាជនលុចសំបួ ដែលតែងតែគាំទ្រ និងបន្តពង្រឹងទំនាក់ទំនងមិត្តភាព និងកិច្ចសហប្រតិបត្តិការជាមួយកម្ពុជា ជាពិសេសការចាប់អារម្មណ៍ និងការគាំទ្រដល់សាលាបណ្តុះបណ្តាលវិជ្ជាជីវៈទេសចរណ៍ (Vocational School of Tourism - VST) របស់ក្រសួងទេសចរណ៍ តាមរយៈដំណើរទស្សនកិច្ចរបស់គណៈប្រតិភូជាន់ខ្ពស់ចំនួនពីរលើកកន្លងមក។ ឯកឧត្តមរដ្ឋមន្ត្រី ក៏បានគូសបញ្ជាក់ថាជំនួបនាពេលនេះ ពិតជាបានឆ្លុះបញ្ចាំងពីការប្តេជ្ញាចិត្តរួម និងជាក់ស្តែងរបស់ប្រទេសទាំងពីរ ក្នុងការបន្តពង្រឹង និងពង្រីកកិច្ចសហប្រតិបត្តិការលើវិស័យទេសចរណ៍ និងការផ្លាស់ប្តូរប្រជាជន និងប្រជាជនឱ្យកាន់តែជិតស្និទ្ធ។ ជាមួយគ្នានេះ ឯកឧត្តមរដ្ឋមន្ត្រី ក៏បានជម្រាបជូនអំពីស្ថានភាពនយោបាយ សេដ្ឋកិច្ច សង្គម និងការអភិវឌ្ឍវិស័យទេសចរណ៍របស់កម្ពុជា ដោយបញ្ជាក់ថា កម្ពុជានៅតែជាគោលដៅទេសចរណ៍ប្រកបដោយសន្តិភាព ស្ថិរភាព សុវត្ថិភាព និងបដិសណ្ឋារកិច្ចដ៏កក់ក្តៅ ព្រមទាំងបានលើកឡើងអំពីយុទ្ធនាការ «Cambodia: Kingdom of Wonder, Feel the Warmth» និង «ទស្សនាកម្ពុជា នារដូវកាលបៃតង» និងកិច្ចសហការជាមួយក្រុមហ៊ុនទេសចរណ៍ ក្រុមហ៊ុនអាកាសចរណ៍ អ្នកបង្កើតមាតិកា និងប្រព័ន្ធផ្សព្វផ្សាយអន្តរជាតិ ដើម្បីផ្សព្វផ្សាយគោលដៅទេសចរណ៍កម្ពុជា និងពង្រឹងការតភ្ជាប់ហេដ្ឋារចនាសម្ព័ន្ធសម្រាប់ការធ្វើដំណើរប្រកបដោយភាពងាយស្រួល និងសុវត្ថិភាព។ ជាកិច្ចឆ្លើយតប លោកភារធារី បានគូសបញ្ជាក់ពីការចាត់ទុកវិស័យទេសចរណ៍ជាវិស័យអាទិភាពមួយសម្រាប់កម្មវិធីសហប្រតិបត្តិទ្វេភាគី (Cambodia-Luxembourg Indicative Cooperation Programme) និងជំហរក្នុងការចូលរួមអភិវឌ្ឍធនធានមនុស្សក្នុងវិស័យទេសចរណ៍ និងបដិសណ្ឋារកិច្ចឱ្យបានដល់កម្រិតស្តង់ដារ និងកិត្តិនាមដែលប្រទេសលុចសំបួត្រូវបានទទួលស្គាល់ថាលើពិភពលោកជាប្រទេសនាំមុខមួយលើផ្នែកទេសចរណ៍ និងបដិសណ្ឋារកិច្ច។​ក្នុងជំនួបប្រកបដោយផ្លែផ្កានេះ ឯកឧត្តមរដ្ឋមន្រ្តី បានថ្លែងអំណរគុណយ៉ាងជ្រាលជ្រៅចំពោះការជួយជ្រោមជ្រែងរបស់រាជរដ្ឋាភិបាលលុចសំបួក្នុងការជួយអភិវឌ្ឍន៍វិស័យទេសចរណ៍កម្ពុជា។ ឯកឧត្តមរដ្ឋមន្រ្តីក៏បានស្នើសុំកិច្ចសហការពីស្ថានទូត ក្នុងការជួយផ្សព្វផ្សាយគោលដៅ និងសក្តានុពលទេសចរណ៍ដ៏សំបូរបែបរបស់កម្ពុជា ការរៀបចំដំណើរទស្សនកិច្ចសិក្សា (FAM Trip) ពីផ្នែកឯកជន និងសារព័ត៌មានពីប្រទេសលុចសំបួមកស្វែងយល់ពីសក្តានុពលទេសចរណ៍ និងកាលានុវត្តភាពវិនិយោគរបស់កម្ពុជា ការលើកកម្ពស់ការវិនិយោគក្នុងវិស័យទេសចរណ៍ និងការពង្រឹងការផ្លាស់ប្តូរប្រជាជន និងប្រជាជន សំដៅបង្កើនលំហូរភ្ញៀវទេសចរ និងពង្រីកកិច្ចសហប្រតិបត្តិការរវាងប្រទេសទាំងពីរឱ្យកាន់តែរឹងមាំ។សូមបញ្ជាក់ជូនថាគិតមកដល់ឆ្នាំ២០២៦ នេះ ទំនាក់ទំនងការទូតផ្លូវការរវាងប្រទេសកម្ពុជា និងប្រទេសលុចសំបួ មានរយៈពេលជាច្រើនទសវត្សមកហើយ ហើយត្រូវបានពង្រឹងពង្រីកជាបន្តបន្ទាប់ និងគ្របដណ្តប់លើវិស័យជាច្រើន ជាពិសេសតាមរយៈព្រះរាជទស្សនកិច្ចនៅព្រះរាជាណាចក្រកម្ពុជារបស់ព្រះអង្គម្ចាស់ Guillaume Jean Joseph Marie រជ្ជទាយាទនៃប្រទេសលុចសំបួ អមដំណើរដោយឯកឧត្តម Xavier Bettel ឧបនាយករដ្ឋមន្ត្រី រដ្ឋមន្ត្រីការបរទេស និងពាណិជ្ជកម្មក្រៅប្រទេស និងជារដ្ឋមន្ត្រីសម្រាប់កិច្ចសហប្រតិបត្តិការអភិវឌ្ឍន៍ និងសកម្មភាពមនុស្សធម៌ កាលពីថ្ងៃទី២៩ ខែមីនា ដល់ថ្ងៃទី២ ខែមេសា ឆ្នាំ២០២៥ កន្លងមក។ សម្រាប់ឆ្នាំ២០២៦ នេះ ទំព័រសហប្រតិបត្តិការថ្មីមួយទៀត ត្រូវបានបង្កើតឡើងគឺក្នុងវិស័យទេសចរណ៍៕

(អន្តរជាតិ)៖ អ្នកវិទ្យាសាស្ត្ររុស្ស៊ីមានគម្រោងបង្កើតវ៉ាក់សាំងដើម្បីព្យាបាលជំងឺមហារីកប្លោកនោម សួតកោសិកាតូច និងមហារីកពោះវៀនធំ បន្ទាប់ពផលិតផលមួយដែលត្រូវបានបង្កើតឡើងសម្រាប់ជំងឺមហារីកស្បែកប្រភេទមេឡាណូម៉ា។លោក Alexander Gintsburg អ្នកសិក្សានៃបណ្ឌិត្យសភាវិទ្យាសាស្ត្ររុស្ស៊ី និងជានាយកវិទ្យាសាស្ត្រនៃមជ្ឈមណ្ឌល ស្រាវជ្រាវជាតិ Gamaleya សម្រាប់រោគរាតត្បាត និងអតិសុខុមជីវសាស្ត្រ បានប្រកាសផែនការនេះទៅកាន់ RIA Novosti នៅថ្ងៃទី 3 ខែសីហា ។ ផលិតផលដែលមានបញ្ហាទាំងនេះជាកម្មសិទ្ធិរបស់ក្រុមវ៉ាក់សាំងព្យាបាល។ ពួកវាត្រូវបានបង្កើត ឡើងដើម្បីធ្វើឱ្យប្រព័ន្ធភាពស៊ាំសកម្មដើម្បីប្រយុទ្ធប្រឆាំងនឹងកោសិកាមហារីកចំពោះមនុស្សដែលបានឆ្លងជំងឺនេះរួចហើយ។ ពួកវាមិនការពារជំងឺមហារីកដូចវ៉ាក់សាំងបង្ការនោះទេ។ ទោះជាយ៉ាងណាក៏ដោយ លោកមិនទាន់បានបង្ហាញពី បច្ចេកវិទ្យា ពេលវេលាស្រាវជ្រាវ ឬផែនការសាកល្បងសម្រាប់ផលិតផល ទាំងបីនេះនៅឡើយទេ។វេទិកាសម្រាប់ការអភិវឌ្ឍផលិតផលថ្មីៗត្រូវបានបង្កើតឡើងដោយផ្អែកលើបទពិសោធន៍ស្រាវជ្រាវរបស់ NeoOncoVac ដែលជាវ៉ាក់សាំង mRNA ផ្ទាល់ខ្លួនសម្រាប់អ្នកដែលមានជំងឺមហារីកស្បែក។ ផលិតផលនេះត្រូវបានឆ្លងកាត់ការ សាកល្បងលើមនុស្សចាប់តាំងពីដើមខែមេសា ហើយវ៉ាក់សាំងនេះត្រូវបានរចនាឡើងជាពិសេសដោយ ផ្អែកលើលក្ខណៈហ្សែននៃដុំសាច់របស់អ្នកជំងឺ។ យោងតាមក្រសួងសុខាភិបាលរុស្ស៊ី អ្នកជំងឺដែលត្រូវបានគេធ្វើ រោគវិនិច្ឆ័យថាមានជំងឺមហារីកស្បែកប្រភេទមេឡាណូម៉ានៅតែប្រឈមមុខនឹងហានិភ័យនៃការវិវត្តនៃជំងឺទោះបីជាបានទទួលការវះកាត់ និងការព្យាបាលដោយប្រព័ន្ធភាពស៊ាំក៏ដោយ។ NeoOncoVac ត្រូវបានបន្ថែមដើម្បីជួយ ប្រព័ន្ធភាពស៊ាំឱ្យស្គាល់អង់ទីហ្សែនជាក់លាក់នៃដុំសាច់។នេះបើយោងតាម Reuter និង TASS។ មជ្ឈមណ្ឌលស្រាវជ្រាវជាតិរុស្ស៊ីសម្រាប់ការព្យាបាលដោយវិទ្យុសកម្មបានបញ្ជាក់ថា ផលិតផលនេះកំពុងត្រូវបានពិចារណា សម្រាប់ការប្រើប្រាស់រួមគ្នាជាមួយនឹងថ្នាំទប់ស្កាត់ចំណុចត្រួតពិនិត្យភាពស៊ាំ។ ចំនួនប្រជាជនគោលដៅរួមមានមនុស្ស ពេញវ័យដែលមានជំងឺមហារីកស្បែកប្រភេទ melanoma ដែលមិនអាចវះកាត់បាន ឬជំងឺមហារីកដែលរាលដាល។ វ៉ាក់សាំងនេះក៏អាចត្រូវបានប្រើជាការព្យាបាលបន្ថែមបន្ទាប់ពីការវះកាត់ដើម្បីយកដំបៅដែលរាលដាលចេញ។បន្ថែមពីលើគម្រោងនៅមជ្ឈមណ្ឌល Gamaleya ទីភ្នាក់ងារជីវវេជ្ជសាស្ត្រសហព័ន្ធរុស្ស៊ីក៏កំពុងអភិវឌ្ឍវ៉ាក់សាំង ពីរប្រភេទដើម្បីព្យាបាលជំងឺ glioblastoma ដែលជាទម្រង់សាហាវនៃជំងឺមហារីកខួរក្បាល។ ប្រធានទីភ្នាក់ងារលោកស្រី Veronika Skvortsova បាននិយាយថា ពួកគេរំពឹងថានឹងទទួលបានការអនុម័តផ្នែកគ្លីនិកសម្រាប់វ៉ាក់សាំង peptide Gliopept ក្នុងឆ្នាំ 2026 និងវ៉ាក់សាំង GlioRNA mRNA នៅចុងឆ្នាំនេះ។

(សុខភាព)៖ ការញ៉ាំអាហារយឺតនៅពេលយប់គឺជាទម្លាប់ទូទៅក្នុងចំណោមមនុស្សដែលធ្វើការវេនយប់ ហើយជារឿយៗនៅដល់យប់ជ្រៅ ហើយការញ៉ាំនៅពេលនេះអាចប៉ះពាល់អវិជ្ជមានដល់ទម្ងន់ និងសុខភាពទូទៅ។មូ លហេតុចម្បងនៃការឡើងទម្ងន់គឺការទទួលទានកាឡូរីច្រើនជាងរាងកាយចំណាយ ដោយមិនគិតពីពេលវេលាដែល អាហារត្រូវបានញ៉ាំនោះទេ។ ទោះជាយ៉ាងណាក៏ដោយ ការញ៉ាំនៅពេលយប់ច្រើនតែ បង្កើនហានិភ័យនៃការឡើងទម្ងន់ ពីព្រោះមនុស្សជាច្រើនមានទំនោរជ្រើសរើសអាហារ ដែលមានថាមពលខ្ពស់ដូចជាអាហាររហ័ស អាហារកែច្នៃ ឬបង្អែម ដែលបណ្តាលឱ្យការទទួលទានកាឡូរីសរុប លើសពីតម្រូវការរបស់រាងកាយ។ អ្នកជំនាញអាហារូបត្ថម្ភ ហ័ង ដាវ ង៉ុក ឡាន បានប្រាប់កាសែត VN EXPRESS ថា ការញ៉ាំអាហារដែលមានកាឡូរីខ្ពស់នៅពេលយប់បង្កើនការស្តុកទុកជាតិខ្លាញ់ ពីព្រោះរាងកាយមិនមានពេលវេលាគ្រប់គ្រាន់ដើម្បីរំលាយ និងដុតបំផ្លាញកាឡូរី កម្រិតនៃសកម្មភាពដែល ត្រូវការដើម្បីដុតបំផ្លាញកាឡូរី និងខ្លាញ់ក៏មានកម្រិតជាងក្នុងអំឡុងពេលនេះដែរ។ពេលល្ងាចគឺជាពេលដែលរាងកាយសម្រាក ហើយការរំលាយអាហារថយចុះ។ ការញ៉ាំអាហារយឺតនៅពេលយប់បង្កើន សម្ពាធលើក្រពះ និងប្រព័ន្ធរំលាយអាហារ ដែលប៉ះពាល់ដល់ចង្វាក់ circadian ធម្មតារបស់រាងកាយ បង្កើនកម្រិតជាតិស្ករក្នុងឈាម និងធ្វើឱ្យវាពិបាកគេង។ ការគេងមិនលក់ និងអស់កម្លាំងផ្លាស់ប្តូរអរម៉ូនដែលទាក់ទង នឹងភាពអត់ឃ្លាន និងការឆ្អែត។ អ្នកដែលញ៉ាំអាហារញឹកញាប់នៅពេលយប់មានកម្រិត ghrelin ខ្ពស់ (ដែលបង្កើនចំណង់អាហារ) និងកម្រិត leptin ទាប (ដែលបង្កើតអារម្មណ៍ឆ្អែត) ដែលនាំឱ្យញ៉ាំច្រើនពេក ស្ថានភាពអូសបន្លាយនេះបង្កើនហានិភ័យនៃជំងឺមេតាប៉ូលីស និងធាត់។ប្រសិនបើអ្នកត្រូវញ៉ាំនៅពេលយប់ អ្នកគួរតែជ្រើសរើសអាហារដែលមានកាឡូរីទាប និងសម្បូរជាតិសរសៃ និងប្រូតេអ៊ីន ដើម្បីកុំឱ្យប៉ះពាល់ដល់ការទទួលទានកាឡូរីសរុបរបស់អ្នក។ ដំឡូងជ្វាចំហុយ និងបន្លែស្រស់ស្ងោរមិនមានផ្ទុកប្រេង ឬខ្លាញ់ មានរសជាតិផ្អែមធម្មជាតិ ងាយស្រួលរៀបចំ និងរហ័ស ព្រមទាំងសម្បូរទៅដោយសារធាតុចិញ្ចឹម ជាពិសេសជាតិសរសៃ ដែលជួយអ្នកឱ្យមានអារម្មណ៍ឆ្អែតបានយូរ ។ទឹកដោះគោជូរមិនផ្អែមសម្បូរទៅដោយប្រូតេអ៊ីន គ្មានជាតិស្ករ និងមានជាតិខ្លាញ់ទាប។ អ្នកអាចបន្ថែមផ្លែឈើដូចជា ស្ត្របឺរី ប៊្លូបឺរី រ៉ាសប៊ឺរី និងផ្លែឆឺរីទៅក្នុងទឹកដោះគោជូរ ព្រោះវាមានផ្ទុកសារធាតុប្រឆាំងអុកស៊ីតកម្មកម្រិតខ្ពស់។ គ្រាប់ធញ្ញជាតិទាំងមូលមានជាតិសរសៃខ្ពស់ និងមានកាឡូរីទាប។ ស៊ុតឆ្អិនសម្បូរទៅដោយប្រូតេអ៊ីន វីតាមីន K2 និង B12 ដែលមានប្រហែល 75 កាឡូរីក្នុងមួយស៊ុត ដែលជួយអ្នកឱ្យមានអារម្មណ៍ឆ្អែតបានយូរ ដែលធ្វើឱ្យវាក្លាយជាជម្រើសដ៏ល្អសម្រាប់អាហារសម្រន់ពេលយប់ជ្រៅ។ គ្រាប់ធញ្ញជាតិមួយចំនួនដូចជា គ្រាប់ស្វាយចន្ទីជាដើមរួមចំណែកដល់ជាតិខ្លាញ់ដែលមានសុខភាពល្អ ប្រូតេអ៊ីន និងជាតិសរសៃដែលមានកាឡូរីទាប ហើយក៏ជួយគ្រប់គ្រងទម្ងន់ផងដែរ។សូកូឡាខ្មៅអាចជួយគ្រប់គ្រងកម្រិតជាតិស្ករក្នុងឈាម និងកាត់បន្ថយការឃ្លានអាហារ។ ក្រោយម៉ោង ១០ យប់ ការផឹកទឹកក្តៅឧណ្ហៗមួយកែវជាមួយទឹកឃ្មុំបន្តិចអាចបំបាត់ការឃ្លានអាហារពេលយប់បានយ៉ាងឆាប់រហ័ស ដោយសារទឹកឃ្មុំមានសារធាតុរ៉ែ និងវីតាមីនសំខាន់ៗ។ អ្នកគួរតែព្យាយាមញ៉ាំអាហាររបស់អ្នកឱ្យទាន់ពេលវេលា និងមុនម៉ោង ៨ យប់។ អាហារនីមួយៗគួរតែមានចន្លោះពី ៣-៤ ម៉ោងពីគ្នា ដើម្បីជួយធ្វើឱ្យកម្រិតជាតិស្ករក្នុងឈាម មានស្ថេរភាព ដោយហេតុនេះអាចគ្រប់គ្រងភាពស្រេកឃ្លាន និង ការឃ្លានអាហារ ។

(អន្តរជាតិ)៖សូរ្យគ្រាសសរុបនឹងបោកបក់ឆ្លងកាត់ភាគខាងជើងប្រទេសអេស្ប៉ាញនៅថ្ងៃទី 12 ខែសីហា ជាលើកដំបូងក្នុងរយៈពេលជាងមួយសតវត្សរ៍ ហើយប្រទេសនេះកំពុងភ្នាល់ថា ព្រឹត្តិការណ៍តារាសាស្ត្រដ៏កម្រនេះនឹងបង្កឱ្យមានការរីកចម្រើនផ្នែកទេសចរណ៍។ ភ្លាមៗ ពិភពលោកត្រូវបានធ្លាក់ចូលទៅក្នុងភាពងងឹតពណ៌ស្វាយដ៏ចម្លែក។ សីតុណ្ហភាពធ្លាក់ចុះ។ សត្វស្លាប និងសត្វដទៃទៀត ដែលងឿងឆ្ងល់ដោយយប់ដែលមិនបានមើលឃើញទុកជាមុន ចាប់ផ្តើមមានអាកប្បកិរិយាចម្លែក។ ផ្កាយ និងភពនានាលេចឡើងនៅលើមេឃក្បែរព្រះអាទិត្យដែលស្រអាប់។វាគឺជាបទពិសោធន៍ដ៏គួរឱ្យស្ញប់ស្ញែងនេះ ដែលនឹងទាក់ទាញមនុស្សមកពីជុំវិញពិភពលោកទៅកាន់ភាគខាងជើងប្រទេសអេស្ប៉ាញនៅសប្តាហ៍ក្រោយ ដោយសង្ឃឹមថានឹងបានឃើញសូរ្យគ្រាសសរុប។សូរ្យគ្រាសសរុបនៅថ្ងៃទី១២ ខែសីហា  ជាលើកដំបូងនៅក្នុងប្រទេសអេស្ប៉ាញចាប់តាំងពីឆ្នាំ១៩០៥ នឹងមានរយៈពេលត្រឹមតែប្រហែល ៩០ វិនាទីប៉ុណ្ណោះ។ប៉ុន្តែការយកចិត្តទុកដាក់ និងទេសចរណ៍ទូទាំងពិភពលោកអាចនាំមកនូវអត្ថប្រយោជន៍រយៈពេលវែងដល់តំបន់ដែលជារឿយៗត្រូវបានគេមើលរំលង ដែលគេស្គាល់ថាជា "ប្រទេសអេស្ប៉ាញទទេ"។អេលីហ្សាប៊ែត វ៉ានីង ដែលជាម្នាក់ក្នុងចំណោមអ្នកដេញតាមសូរ្យគ្រាសបួននាក់ ដែលបានពិពណ៌នាខ្លួនឯងថាជាអ្នកដេញតាមសូរ្យគ្រាស ដែលបានថ្លែងទៅកាន់ AFP មុនព្រឹត្តិការណ៍ថ្ងៃទី 12 ខែសីហា បាននិយាយថា "វាមានអារម្មណ៍ដូចជាវាជាទីបញ្ចប់នៃពិភពលោក... អ្នកនឹងផ្លាស់ប្តូរជារៀងរហូត ប្រសិនបើអ្នកឃើញមួយ"។ទោះជាយ៉ាងណាក៏ដោយ ដោយសារភ្លើងឆេះដ៏សាហាវនៅតែឆាបឆេះនៅក្នុងតំបន់មួយចំនួននៃប្រទេសអេស្ប៉ាញ ដែលសូរ្យគ្រាសនឹងអាចមើលឃើញ អ្នកស្រាវជ្រាវទូរទស្សន៍អាយុ 51 ឆ្នាំរូបនេះអាចនឹងលុបចោលផែនការធ្វើដំណើររបស់នាងពីទីក្រុងស៊ីដនី ប្រទេសអូស្ត្រាលី។ការឃើញព្រឹត្តិការណ៍ដ៏អស្ចារ្យទាំងនេះ ជារឿយៗតម្រូវឱ្យមានផែនការធ្វើដំណើរដ៏ស្មុគស្មាញ និងចំណាយច្រើន។ ទោះជាយ៉ាងណាក៏ដោយ សូរ្យគ្រាសសរុបនៅក្នុងប្រទេសអេស្ប៉ាញ - ដែលអាចមើលឃើញជាលើកដំបូងនៅអឺរ៉ុបដីគោកក្នុងសតវត្សរ៍នេះ - គឺជាដំណើរកម្សាន្តងាយស្រួលជាងដំណើរកម្សាន្តមួយចំនួនកាលពីអតីតកាល។អ្នកដេញតាមខ្លះកំពុងរៀបចំផែនការសម្រាប់សូរ្យគ្រាសសរុបនៅឆ្នាំក្រោយ ដែលនឹងជារយៈពេលវែងបំផុតដែលមនុស្សនឹងអាចមើលឃើញរហូតដល់ឆ្នាំ 2114។សូរ្យគ្រាសកើតឡើងនៅពេលដែលព្រះច័ន្ទឆ្លងកាត់ដោយផ្ទាល់រវាងព្រះអាទិត្យ និងផែនដី ដោយបញ្ចេញស្រមោលតូចមួយឆ្លងកាត់ភពផែនដីរបស់យើង។ វាបង្កើតជាពេលព្រលប់ចម្លែកមួយ ក្នុងអំឡុងពេលនោះសីតុណ្ហភាពធ្លាក់ចុះ ស្រមោលលេចឡើងនៅមុំចម្លែកៗ និងសត្វខ្លះចូលដេក៕