(ភ្នំពញ)៖ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា នៅព្រឹកថ្ងៃសុក្រ ទី២ ខែឧសភា ឆ្នាំ២០២៥នេះ បានអញ្ជើញដឹកនាំកិច្ចប្រជុំគណៈអចិន្ត្រៃយ៍គណៈរដ្ឋមន្ត្រី លើសេចក្តីព្រាងក្របខ័ណ្ឌហិរញ្ញវត្ថុសាធារណៈរយៈពេលមធ្យម​ (MTFF) ឆ្នាំ២០២៦-២០២៨​​ នៅវិមានសន្តិភាព៕

(ព្រះសីហនុ)៖ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានមានប្រសាសន៍ថា ការពង្រឹងសមត្ថភាពរបស់កំពង់ផែអន្តរជាតិ គឺជាវិធីសាស្ត្រមួយសំខាន់សម្រាប់គាំទ្រដល់កំណើនសេដ្ឋកិច្ចជាតិ តាមរយៈការលើកកម្ពស់វិស័យពាណិជ្ជកម្ម ក៏ដូចជាវិស័យដឹកជញ្ជូននិងភស្តុភារកម្ម។ សមត្ថភាពបច្ចុប្បន្នរបស់កំពង់ផែស្វយ័តក្រុងព្រះសីហនុ ដែលជាកំពង់ផែទឹកជ្រៅអន្តរជាតិសំខាន់របស់កម្ពុជា គឺអាចទទួលនាវាដឹកទំនិញពីអាស៊ីប៉ាហ្វិក បានត្រឹមប្រមាណ ៤៥% ដោយសារជម្រៅទឹកនៅកំពង់ផែយើងមានត្រឹម ១១,៥ម៉ែត្រ ប៉ុណ្ណោះ។សម្ដេចធិបតី បានមានប្រសាសន៍បែបនេះ នៅក្នុងឱកាសដែល សម្ដេច អញ្ជើញជួបសំណេះសំណាលជាមួយមន្ត្រីរាជការ បុគ្គលិក កម្មករនិយោជិត កំពង់ផែស្វយ័តក្រុងព្រះសីហនុ នាឱកាសអបអរសាទរខួបអនុស្សាវរីយ៍ លើកទី១៣៩ នៃទិវាពលកម្មអន្តរជាតិ ១ ឧសភា ឆ្នាំ២០២៥។សម្ដេចធិបតីបានបន្ថែមថា ដោយឡែក គម្រោងអភិវឌ្ឍន៍ចំពោះមុខនិងរយៈពេលខ្លីខាងមុខ ដែលយើងបាននិងកំពុងធ្វើនេះ គឺមានបីដំណាក់កាលបន្ថែមទៀត៖- ដំណាក់កាលទី១ ដែលបានចាប់ផ្ដើមសាងសង់កាលពីខែធ្នូឆ្នាំ២០២៣ និងគ្រោងបញ្ចប់ជាស្ថាពរនៅឆ្នាំ២០២៧ - នឹងបង្កើនជម្រៅដល់ ១៤.៥ម៉ែត្រ ដែលអាចអោយនាវាដឹកទំនិញពីអាស៊ីប៉ាស៊ីហ្វិកនឹងចូលចតបានដល់ ៩៣% ។      - ដំណាក់កាលទី២ ដែលគម្រោងបញ្ចប់ស្ថាពរនៅឆ្នាំ២០២៩ - នឹងបង្កើនជម្រៅដល់ ១៦.៥ម៉ែត្រ ដែលអាចអោយនាវាដឹកទំនិញពីឥណ្ឌូប៉ាស៊ីហ្វិកចូលចតបានដល់ ៩៥% ។- ដំណាក់កាលទី៣ ដែលគម្រោងបញ្ចប់ស្ថាពរនៅឆ្នាំ២០៣០ - នឹងបង្កើនជម្រៅទឹកដល់ ១៧.៥ម៉ែត្រ ដែលអាចអោយនាវាដឹកទំនិញពីទូទាំងពិភពលោកចូលចតបានដល់ ១០០% ។និយាយជារួម ក្រោយបញ្ចប់ការអភិវឌ្ឍន៍កំពង់ផែទាំង៣ដំណាក់កាលនៅឆ្នាំ២០៣០ សមត្ថភាពរបស់កំពង់ផែអន្តរជាតិក្រុងព្រះសីហនុនឹងត្រូវលើកកម្ពស់យ៉ាងខ្លាំង ជាពិសេសសមត្ថភាពទទួលនាវាដឹកទំនិញចូលចតនឹងកើនយ៉ាងខ្លាំង ពីត្រឹម ៤៥% នៃនាវាពីអាស៊ីប៉ាស៊ីហ្វិកនាពេលបច្ចុប្បន្ន រហូតដល់ ១០០% នៃនាវាដឹកជញ្ជូនទំនិញពីគ្រប់ទិសទីនៅលើពិភពលោក។បន្ថែមលើនេះ សមត្ថភាពកំពង់ផែសរុបក៏នឹងកើនឡើងពីប្រមាណ ១លាន TEUs/ឆ្នាំ ក្នុងពេលបច្ចុប្បន្ន ដល់ប្រមាណជាង ២.៦លាន TEUs/ឆ្នាំ នៅពេលគម្រោងនេះបញ្ចប់នៅឆ្នាំ២០៣០៕

នាថ្ងៃទី៣០ ខែមេសា ឆ្នាំ២០២៥ ឯកឧត្តម ហួត ហាក់ រដ្ឋមន្ត្រីក្រសួងទេសចរណ៍ បានអនុញ្ញាតជូនក្លឹបសិល្បៈអប្សរា២៥ដួង ចូលជួបដើម្បីគោរពជម្រាបជូនអំពីគម្រោងថត MV ជាស្នាដៃថ្មីរបាំកាយវិការ «អប្សរាយសោធរបុរៈចក្រភពអង្គរ» និងស្នើសុំអនុសាសន៍ដឹកនាំដ៏ខ្ពង់ខ្ពស់លើគម្រោង MV ដែលរៀបចំផលិត ក្នុងគោលបំណងអបអរសាទរសមរាត្រីនៅប្រាសាទអង្គរវត្ត នាខែកញ្ញា ឆ្នាំ២០២៥ ខាងមុខ និងជាការបង្ហាញពីសក្តានុពលទេសចរណ៍វប្បធម៌ និងបេតិកភណ្ឌរបស់កម្ពុជាដល់ពិភពលោក។ក្នុងឱកាសនៃជំនួបនេះ ឯកឧត្តមរដ្ឋមន្ត្រី បានលើកទឹកចិត្ត កោតសរសើរ គាំទ្រ និងផ្តល់កិច្ចសហការ ព្រមទាំងវាយតម្លៃខ្ពស់ចំពោះគំនិតផ្តួចផ្តើម និងការខិតខំប្រឹងប្រែងរបស់ប្អូនៗ សមាជិកក្លឹបសិល្បៈអប្សរា២៥ដួង ដែលបានចំណាយពេលវេលា កំលាំង និង និងធនធានលើគម្រោងដ៏មានសារៈសំខាន់នេះ ដើម្បីចូលរួមចំណែកជួយផ្សព្វផ្សាយវប្បធម៌ និងទេសចរណ៍កម្ពុជាឱ្យកាន់តែទូលំទូលាយបន្ថែមទៀត។ ឯកឧត្តមរដ្ឋមន្រ្តី ក៏មានមតិផ្តាំផ្តែដល់សមាជិកក្លឹប ត្រូវប្រឹងប្រែងផលិត MV នេះ ឱ្យមានគុណភាពខ្ពស់ និងត្រូវសម្រិតសម្រាំងទាំងខ្លឹមសារ រូបភាព និងសំលេង ដោយសារទេសចរណ៏កម្ពុជា ជាទេសចរណ៍បែបវប្បធម៌ និងបេតិកភណ្ឌ តាមរយៈការទស្សនាប្រាង្គប្រាសាទរាប់ពាន់នៅពាសពេញប្រទេស ក៏ដូចជាប្រាសាទអង្គរវត្តដែលជាបេតិកភណ្ឌពិភពលោកមួយផងដែរ ហើយតាមរយៈ MV ដែលនឹងថតនៅតំបន់បេតិកភណ្ឌរបស់កម្ពុជា នឹងជាសារដ៏សំខាន់ដើម្បីផ្សព្វផ្សាយពីសក្តានុពលទេសចរណ៍ វប្បធម៌ និងប្រពៃណីដ៏សំបូរបែប បដិសណ្ឋារកិច្ចដ៏កក់ក្តៅ ការស្នាក់នៅដ៏ប្រណិត ម្ហូបអាហារប្រពៃណីដ៏មានឱជារស ជាពិសេសគឺកត្តាសុខសន្តិភាព សុវត្ថិភាព ស្ថិរភាពសង្គម ការរីកចំរើនដ៏ឆាប់រហ័ស ដែលកម្ពុជាមានដល់ពិភពលោកទាំងមូល៕

នារសៀលថ្ងៃទី៣០ ខែមេសា ឆ្នាំ២០២៥ ឯកឧត្តម ហួត ហាក់ រដ្ឋមន្ត្រីក្រសួងទេសចរណ៍ បានអនុញ្ញាតជូនឯកឧត្តម DOMINIC WILLIAMS ឯកអគ្គរាជទូតអង់គ្លេសប្រចាំកម្ពុជា និងសហការី អញ្ជើញចូលជួបសម្តែងការគួរសម និងពិភាក្សាការងារស្តីពីការផ្លាស់ប្តូរទស្សន និងយុទ្ធសាស្រ្ត ដើម្បីពង្រឹង និងពង្រីកកិច្ចសហប្រតិបត្តិលើវិស័យទេសចរណ៍ ជាការផ្តល់នូវលក្ខណៈអំណោយផល និងទាក់ទាញកំណើនភ្ញៀវទេសចរពីចក្រភពអង់គ្លេសបន្ថែមទៀត ដោយផ្តោតលើការអភិវឌ្ឍហេដ្ឋារចនាសម័ន្ធតភា្ជប់គោលដៅទេសចរណ៍ ការសម្រួលបែបបទធ្វើដំណើរ យុទ្ធសាស្រ្តផ្សព្វផ្សាយសក្តានុពលទេសចរណ៍កម្ពុជាទៅកាន់ពិភពលោក និងចក្រភពអង់គ្លេស ទេសចរណ៍ប្រកបដោយនិរន្តភាព ការចូលរួមជួយបណ្តុះបណ្តាលអភិវឌ្ឍសមត្ថភាពក្នុងវិស័យទេសចរណ៍ កិច្ចសហការរួមគ្នាជួយជំរុញការហោះហើរត្រង់រវាងកម្ពុជា និងចក្រភពអង់គ្លេស និងការអភិវឌ្ឍបន្ថែមលើអេកូទេសចរណ៍ ព្រមទាំងការជួយជំរុញឱ្យមានការថត​ ឬ​ ផលិតភាពយន្តនៅប្រទេសកម្ពុជាពីសំណាក់ផលិតករល្បីពីចក្រភពអង់គ្លេស ឬ កម្រិតពិភពលោក។ល។ ក្នុងជំនួបដ៏មានសារៈសំខាន់ និងប្រកបដោយផ្លែផ្កានេះ ឯកឧត្តមរដ្ឋមន្ត្រី និងឯកឧត្តមឯកអគ្គរាជទូត បានបង្ហាញនូវទស្សនរួមគ្នាថា ទេសចរណ៍ ជាកត្តាជួយឱ្យទំនាក់ទំនងរវាងប្រទេស និងប្រជាជននៃប្រទេសទាំងពីរកម្ពុជា និងចក្រភពអង់គ្លេសកាន់តែខិតជិត និងស្និទ្ធស្នាលនឹងគ្នាឡើង។ ហើយកំណើនចំនួនទេសចរពីចក្រភពអង់គ្លេសមកកម្ពុជាពីមួយឆ្នាំទៅមួយឆ្នាំនេះ បានមកពីកត្តាសុខសន្តិភាព ស្ថិរភាពនយោបាយ សណ្តាប់ធ្នាប់សាធារណៈល្អរបស់កម្ពុជា ដែលកម្ពុជាត្រូវបានចាត់ទុកថាជាគោលដៅទេសចរណ៍មានសុខសុវត្តិភាពខ្ពស់និងមានការអភិវឌ្ឍឆាប់រហ័សលើគ្រប់វិស័យពីសំណាក់អ្នកទេសចរ និងធុរជនពីចក្រភពអង់គ្លេស និងអន្តរជាតិ៕

(ភ្នំពេញ)៖ ចាប់ផ្ដើមអាជីវកម្មក្នុងដៃអ្នក ជាមួយ បុរី មេគង្គ លែន! ទិញ​ភ្លាម​ចូលរស់នៅភ្លាម​ បើកអាជីវកម្មភ្លាម!សម្រាប់ខែឧសភានេះ បុរី មេគង្គ លែន មានប្រូម៉ូសិន «ផ្ទះអាជីវកម្មក្នុងក្ដីស្រមៃ» ដែលមានការផ្តល់ជូនយ៉ាងពិសេសអស្ចារ្យជូនដល់អតិថិជនគឺ៖ 1.   មានត្រឹម 5% កាន់សោចូលនៅភ្លាមៗ2.   ទទួលបានការបញ្ចុះតម្លៃរហូតដល់ 50,000 ដុល្លារ3.   ផ្តល់ជូនម៉ាស៊ីនត្រជាក់ជាច្រើនគ្រឿង4.   ទទួលបានកម្ចីរយៈពេលវែងដល់ទៅ 30ឆ្នាំ5.   គោលការណ៍បង់ប្រាក់ងាយស្រួល6.   ទទួលបានឱកាសឈ្នះរង្វាន់រថយន្តទំនើប ROLLS ROYCE7.   ផ្ទះសង់ហើយ 100%! ***លក្ខខណ្ឌផ្សេងៗត្រូវបានអនុវត្តប្រូម៉ូសិននេះពិតជាពិសេសសម្រាប់លោកអ្នកដែលមានបំណងចង់បង្កើត ឬពង្រីកអាជីវកម្មផ្ទាល់ខ្លួន។ សូមទំនាក់ទំនងមកកាន់ បុរី មេគង្គ លែន ឥលូវនេះ ដើម្បីមកទស្សនាផ្ទះគំរូក៏ដូចជាផ្ទះជាក់ស្ដែងផ្ទាល់ និងទីតាំងគម្រោង។បុរី មេគង្គ លែន ជាក្រុមហ៊ុនអភិវឌ្ឍលំនៅដ្ឋានដែលពោរពេញដោយបទពិសោធន៍ និងជាក្រុមហ៊ុនដែលឈានមុខគេមួយក្នុងប្រទេសកម្ពុជាក្នុងការសាងសង់គេហដ្ឋានរចនាបថម៉ូដក្លាសិកបែបអឺរ៉ុប និងគេហដ្ឋានរចនាបថម៉ូដទាន់សម័យដែលមាន 3 គម្រោងដូចជា៖ 1. «ឌឹ មេគង្គ រ៉ូយ៉ាល់» ជាគម្រោងគេហដ្ឋានម៉ូដក្លាសិកបែបអឺរ៉ុប ស្ថិតនៅបណ្តោយផ្លូវជាតិ 6A, 2. «ហ្គោលឌិន អាវិននូ» ជាគម្រោងគេហដ្ឋានរចនាបថម៉ូតទាន់សម័យ ស្ថិតនៅផ្លូវ 2011 និង 3. «មេគង្គ ស៊ីធី» ជាគម្រោងគេហដ្ឋានម៉ូដក្លាសិកបែបអឺរ៉ុប ស្ថិតនៅបណ្តោយផ្លូវជាតិ 6A។ គ្រប់គម្រោងរបស់ បុរី មេគង្គ លែន ត្រូវបានសាងសង់ដោយការយកចិត្តទុកដាក់ខ្ពស់ពីថ្នាក់ដឹកនាំ និងពីក្រុមវិស្វករជំនាញរបស់បុរីដោយធានានូវគុណភាពសំណង់ខ្ពស់ ប្រណីតភាព សោភណភាពនៃរចនាបថស្ថាបត្យកម្ម សុវត្ថិភាពក៏ដូចជាផាសុកភាពនៃការស់នៅប្រចាំថ្ងៃរបស់អតិថិជនដោយគម្រោងហ៊ុមព័ទ្ធទៅដោយធម្មជាតិបៃតងស្រស់ មានសួនច្បារពហុមុខងារធំៗ និងបរិវេណគម្រោងទាំងមូលត្រូវបានធានាសន្តិសុខ សុវត្ថិភាព 24ម៉ោងលើ24ម៉ោង។ក្រៅពីនេះ សម្រាប់ហេដ្ឋារចនាសម្ព័ន្ធ បុរី មេគង្គ លែន បានអ៊ុតផ្លូវកៅស៊ូ និងអ៊ុតគំនូស ត្រឹមត្រូវទៅតាមបទដ្ឋានបច្ចេកទេស ដើម្បីសុវត្ថិភាពចរាចរណ៍ក្នុងបុរី, មានប្រព័ន្ធភ្លើងបំភ្លឺផ្លូវគ្រប់ពេលវេលា, មានបំពាក់ WIFI តាមសួនច្បារ ឥតគិតថ្លៃដែលមានល្បឿនលឿនដល់ទៅ 100Mbps (សម្រាប់ Download និង Upload), បានរៀបចំប្រព័ន្ធបង្កប់ទុយយោរង់ចាំក្នុងដី ដែលអាចអនុញ្ញាតឱ្យក្រុមហ៊ុនអ៊ីនធឺណិតជាច្រើនប្រព័ន្ធចូលមកចែកចាយសេវា, និងបានធ្វើការដំឡើងបង្គោលសេវាទូរសព្ទពីរទីតាំងរួចរាល់ ហើយក៏បានបំពាក់សេវាទូរសព្ទមួយចំនួនផងដែរ។ បុរី មេគង្គ លែន ផ្តើមជីវិតរីករាយ និងជោគជ័យនៅទីនេះ! សម្រាប់ព័ត៌មានលំអិតបន្ថែម៖ 061 955 999, Telegram: t.me/mekongland, ឆាតសួរព័ត៌មាន: t.me/MekongLand_Hotlineផែនទីការិយាល័យផ្នែកលក់កណ្តាល៖ https://maps.app.goo.gl/ce51Q5RZBjeASF4D7ផែនទីការិយាល័យផ្នែកលក់របស់គម្រោង ហ្គោលឌិន អាវិននូ ៖ https://maps.app.goo.gl/ZHzekUnoXW9WLDmK7ផែនទីការិយាល័យផ្នែកលក់របស់គម្រោង មេគង្គ ស៊ីធី៖ https://maps.app.goo.gl/wjN9iapG6JXNtrUA7 https://www.facebook.com/share/v/1AWXVurxxX/

(ភ្នំពេញ)៖ សហជីពនៅកម្ពុជាបានលើកឡើងថា រាជរដ្ឋាភិបាលបានផ្ដល់សិទ្ធិសេរីភាពពេញលេញដល់គ្រប់និន្នាការសហជីពក្នុងការប្រារព្ធទិវាពលកម្មអន្តរជាតិ ១ឧសភា ដោយពួកគេចាត់ទុកការអនុវត្តសិទ្ធិសេរីភាពបានទូលំទូលាយ ដើម្បីការពារផលប្រយោជន៍ជូនកម្មករនិយោជិត។ លោក គង់ អាទិត្យ ប្រធានសហភាពការងារកម្ពុជាបានថ្លែងពីទីតាំងប្រារព្ធទិវាពលកម្មករអន្តរជាតិកោះនរា រាជធានីភ្នំពេញនៅថ្ងៃទី ១ឧសភាថា៖«ក្រុមការងារយើង គឺមិនមានរារាំងសកម្មភាពប្រារព្ធទិវាពលកម្មអន្តរជាតិលើកទី១៣៩នោះទេ គឺអាជ្ញាធរយើងជួយសម្របសម្រួលបញ្ហាសន្ដិសុខសុវត្ថិភាព និងរៀបចំទីតាំងសម្រាប់ជួបជុំក្រុមសហជីពថែមទៀត។ កម្មវិធីនេះ បានប្រព្រឹត្តិទៅដោយរលូន ហើយកម្មករបានចូលរួមច្រើន និងសប្បាយរីករាយដែលបានជួបជុំគ្នានាឱកាសនេះ»។លោកបន្ដថា៖«យើងអត់មានការគំរាមកំហែងអ្វីទេ គឺបើកទូលំទូលាយ អ្នកចូលរួមក៏សប្បាយរីករាយ ហើយយើងមានឱកាសសម្ដែងមតិ ផ្ញើសារនានាទៅស្ថាប័នពាក់ព័ន្ធ និងមានកម្មវិធីជាច្រើន ដើម្បីចូលរួមជាមួយរាជរដ្ឋាភិបាលក្នុងការរកដំណោះស្រាយនូវបញ្ហាសេសសល់ផ្សេងៗទៀត»។លោក គង់ អាទិត្យ បានចាត់ទុកផ្ដល់សិទ្ធិសេរីភាពរបស់រាជរដ្ឋាភិបាលដល់សហជីព គឺមិនមានឧបសគ្គរារាំងធ្ងន់ធ្ងរដូចការលើកឡើងក្នុងរបាយការណ៍មួយចំនួនដែលចោទប្រកាន់ថា សិទ្ធិសេរីភាពសហជីពនៅកម្ពុជាត្រូវបានរារាំង បិទសិទ្ធិ បំភិតបំភ័យ និងគំរាមកំហែងនោះទេ។ចំណែកលោក ហ្វា សាលី ប្រធានសម្ព័ន្ធសហជីពជាតិបានថ្លែងថា៖«ខ្ញុំបានដឹកនាំក្រុមការងារទៅប្រារព្ធទិវាពលកម្មអន្តរជាតិនៅខេត្តកណ្ដាលប្រមាណជាង ២០០នាក់ ប៉ុន្ដែមិនមានការរារាំង ឬបំភិតបំភ័យកម្មករមិនឱ្យចូលរួមនោះទេ គឺមានការចូលរួមយ៉ាងទូលំទូលាយពីកម្មករនិយោជិតយើង។ លើសពីនេះ មានអាជ្ញាធរជួយសម្របសម្រួលសន្ដិសុខសុវត្ថិភាពជូនកម្មករថែមទៀតផង»។នៅក្នុងវិធីនោះ លោកបានថ្លែងសារសំខាន់ៗដែលបង្ហាញពីសមិទ្ធផលរបស់រាជរដ្ឋាភិបាលក្រោមការដឹកនាំរបស់សម្ដេចមហាវរធិបតី ហ៊ុន ម៉ាណែត តាមរយៈក្រសួងការងារ និងបណ្ដុះបណ្ដាលវិជ្ជាជីវៈក្រោមការដឹកនាំរបស់ឯករដ្ឋមន្រ្តី ហេង សួរ ដែលបានយកចិត្តទុកដាក់ទៅលើសិទ្ធិសេរីភាពសហជីព និងការការពារសិទ្ធិកម្មករ ដើម្បីលើកម្ពស់ស្ដង់ដារការងារឱ្យដូចទៅនឹងប្រទេសក្នុងតំបន់ដែរ។លោក ហ្វា សាលី បានចាត់ទុកការអនុវត្តសិទ្ធិសេរីភាពរបស់សហជីពមានភាពល្អប្រសើរ ដោយបានអនុវត្តសិទ្ធិសេរីភាពរបស់ខ្លួនយ៉ាងទូលំទូលាយ ដើម្បីការពារប្រយោជន៍ជូនកម្មករនិយោជិត និងជាតំណាងចរចាជាមួយថៅកែរោងចក្រ។ ដូច្នេះកម្ពុជាជាប្រទេសនីតិរដ្ឋ និងមានសិទ្ធិសេរីភាពដែលជាឋានសួគ៌របស់សហជីព។គួររំឭកថា ច្បាប់ស្តីពីសហជីពដែលរួមមាន ១៧ជំពូក និង១០០មាត្រា ត្រូវបានប្រកាសឱ្យប្រើដោយព្រះរាជក្រមចុះថ្ងៃទី១៧ ខែឧសភា ឆ្នាំ២០១៦ ក្នុងគោលបំណងផ្តល់សិទ្ធិ និងសេរីភាពដល់សហគ្រាស ឬគ្រឹះស្ថាន និងជនទាំងឡាយដែលស្ថិតនៅក្រោមបទប្បញ្ញត្តិនៃច្បាប់ស្តីពីការងារ និងបុគ្គលិកធ្វើការតាមផ្លូវអាកាស និងផ្លូវសមុទ្រ និងកំណត់ពីការរៀបចំ និងការប្រព្រឹត្តទៅនៃអង្គការវិជ្ជាជីវៈរបស់កម្មករនិយោជិត និងនិយោជកស្របតាមរដ្ឋធម្មនុញ្ញនៃព្រះរាជាណាចក្រកម្ពុជា និងច្បាប់ស្តីពីការងារ ព្រមទាំងអនុសញ្ញាអន្តរជាតិខាងការងារលេខ ៨៧ និង៩៨ ដែលកម្ពុជាបានផ្តល់សច្ចាប័ន។ច្បាប់ស្តីពីសហជីព គឺជាក្របខ័ណ្ឌគតិយុត្តមួយដែលមានគោលដៅ ទី១- ការពារសិទ្ធិ និងផលប្រយោជន៍ស្របច្បាប់របស់បងប្អូនកម្មករនិយោជិត ទី២- ធានានូវសិទ្ធិសេរីភាពក្នុងការចរចាជាសមូហភាពរវាងកម្មករនិយោជិត និងនិយោជក ទី៣- ជំរុញឱ្យមានសុខដុមរមនាក្នុងទំនាក់ទំនងវិជ្ជាជីវៈ និង៤- រួមចំណែកក្នុងការអភិវឌ្ឍន៍ការងារសមរម្យ បង្កើនផលិតភាព និងការវិនិយោគ៕

(ភ្នំពេញ)៖ សហជីពនៅកម្ពុជាបានលើកឡើងថា រាជរដ្ឋាភិបាលក្នុងអាណត្តិទី៧តាមរយៈក្រសួងការងារ និងបណ្តុះបណ្តាលវិជ្ជាជីវៈបានដាក់ចេញនូវផែនការយុទ្ធសាស្ត្រពង្រឹងជំនាញបច្ចេកទេសវិជ្ជាជីវៈ បង្កើនផលិតភាពការងារដែលមានភាពបត់បែនខ្ពស់ ដើម្បីលើកកម្ពស់លក្ខខណ្ឌការងារឱ្យកាន់តែមានស្ដង់ដារខ្ពស់ដូចបណ្ដាប្រទេសនៅក្នុងតំបន់ដែរ។លោក សំ សឿន ប្រធានសហជីពពលកម្មជាតិកម្ពុជា (NLC)បានថ្លែងថា៖«រាជរដ្ឋាភិបាលតាមរយៈឯកឧត្តម ហេង សួរ រដ្ឋមន្រ្តីក្រសួងការងារ និងបណ្ដុះបណ្ដាលវិជ្ជាជីវៈ គឺបានបង្ហាញការតាំងចិត្ត និងយុទ្ធសាស្រ្តជាច្រើនដើម្បីលើកកម្ពស់លក្ខខណ្ឌការងារ ការគោរពសិទ្ធិសេរីភាពរបស់កម្មករនិយោជិតដែលជាអាទិភាពដ៏សំខាន់បំផុត»។លោកបន្តថា៖«រាជរដ្ឋាភិបាល គឺធ្វើយ៉ាងណា ពង្រឹងជំនាញបច្ចេកទេសវិជ្ជាជីវៈ បង្កើនផលិតភាពការងារដែលមានភាពបត់បែនខ្ពស់ក្នុងការឆ្លើយតបនឹងតម្រូវការទីផ្សារអន្តរជាតិ ជាពិសេសលើកកម្ពស់លក្ខខណ្ឌការងារឱ្យកាន់តែមានស្ដង់ដារខ្ពស់ដូចបណ្ដាប្រទេសនៅក្នុងតំបន់អាស៊ីដែរ»។បើតាមលោក សំ សឿន បានឱ្យដឹងថា រាជរដ្ឋាភិបាលបានដាក់ចេញនូវផែនការយុទ្ធសាស្ត្ររយៈពេល ៥ឆ្នាំ(២០២៤-២០២៨)របស់ខ្លួន ដើម្បីធានាការអនុវត្តលក្ខខណ្ឌស្តង់ដាការងារ សិទ្ធិសេរីភាពសហជីព សិទ្ធិរបស់កម្មករនិយោជិត និងធានាសុខមាលភាពរបស់កម្មករនិយោជិត និងទេសន្តរប្រវេសករ រួមទាំងការផ្តល់ទស្សនវិស័យសេដ្ឋកិច្ចទីផ្សារការងារផងដែរ។លោកបានសង្កត់ធ្ងន់ថា កម្ពុជាមិនមែនជាប្រទេសដែលអាក្រក់ដូចដែលគេបានចោទនោះទេ កម្ពុជាតែងតែប្រៀបធៀបខ្លួនឯងជាមួយប្រទេសដទៃផ្សេងទៀត ហើយមានអង្គការអន្តរជាតិខាងការងារ (ILO), គម្រោងប៊ីហ្វែសស៊ី (BFC) និងម្ចាស់ពាណិជ្ជសញ្ញា (Brand)ទាំងអស់ជាសាក្សីថា កម្ពុជាអនុវត្តន៍បានល្អយ៉ាងណាខ្លះក្នុងរយៈពេល២០ឆ្នាំមកនេះពាក់ព័ន្ធនឹងលក្ខខណ្ឌការងារ និងសេរីភាពរបស់អង្គការវិជ្ជាជីវៈ។ចំពោះលោក អ៊ុន ដារ៉ា ប្រធានសហភាពសហជីពកម្ពុជាពន្លឺកម្មករបានថ្លែងថា៖«ផែនការយុទ្ធសាស្ត្ររយៈពេល៥ឆ្នាំរបស់រាជរដ្ឋាភិបាល ដែលមានបង្កើតទារកដ្ឋាននៅតាមតំបន់រោងចក្រ និងការបង្កើតឱ្យមានការប្រកួតប្រជែង«សហគ្រាសមួយជាសហគមន៍សុខសាន្តមួយ» គឺសុទ្ធសឹងតែជាផែនការលើកកម្ពស់ទំនួលខុសត្រូវសង្គម និងពង្រឹងប្រសិទ្ធភាព និងគុណភាពស្របតាមស្ដង់ដារអន្តរជាតិដូចទៅនឹងបណ្ដារប្រទេសក្នុងតំបន់ដែរ»។លោកបន្តថា ការផ្តល់ការបណ្តុះបណ្តាលជំនាញបច្ចេកទេសវិជ្ជាជីវៈជូនយុវជនមកពីគ្រួសារក្រីក្រ និងងាយរងគ្រោះចំនួន ១.៥លាននាក់ជាមួយនឹងប្រាក់ឧបត្ថម និងការផ្តល់ឱ្យកម្មករនិយោជិតមានឱកាសសិក្សា ដើម្បីបង្កើនសមត្ថភាព និងសិក្សាជំនាញថ្មីក៏ជាអ្វីដែលរដ្ឋាភិបាលកម្ពុជាបានគិតគូ ហើយក៏ជាផ្នែកមួយចង់ឱ្យមានគុណភាព ទទួលស្គាល់ស្ដង់ដារទាំងការងារ និងផលិតផលដោយអន្តរជាតិ។លើសពីនេះ លោកបានកត់សម្គាល់ឃើញថា កម្ពុជាបានត្រៀមនូវអ្វីដែលជាកញ្ចប់ឆ្លើយតបទៅនឹងផលប៉ះពាល់ណាមួយដែលប៉ះពាល់ទៅលើវិស័យពាណិជ្ជកម្មកម្ពុជា ដោយសារតែការសម្រេចចិត្តដោយអយុត្តិធម៌ណាមួយ។ ការលើកកម្ពស់លក្ខខណ្ឌការងារ ការគោរពសេរីភាពកម្មករនិយោជិត វាគឺជាអាទិភាព ដូច្នេះបានជាកម្ពុជាភ្ជាប់ពាណិជ្ជកម្មទៅនឹងលក្ខខណ្ឌការងារ។សហជីពលើកឡើងថា ក្នុងរយៈពេល២០ឆ្នាំមកនេះ កម្ពុជាមិនបានងាកចេញពីគោលនយោបាយនេះទេ ដែលសបញ្ជាក់យ៉ាងច្បាស់ពីភាពចាំបាច់នៃការធានាលក្ខខណ្ឌការងារ សេរីភាពអង្គការវិជ្ជាជីវៈនៅកម្ពុជា ដើម្បីធានាថាផលិតផលដែលផលិតបាននៅកម្ពុជា គឺជាផលិតផលដែលមានភាពស្អាតស្អំ និងគោរពតាមស្ដង់ដារអន្តរជាតិ។ ចំណែកអនុសញ្ញាអន្តរជាតិនានាដែលកម្ពុជាបានផ្ដល់សច្ចាប័ន កម្ពុជានៅតែបន្តពិនិត្យ និងបន្តសហការយ៉ាងជិតស្និទ្ធជាមួយអង្គការ ILO បើទោះបីគេមិនជឿលើកម្ពុជា ក៏គេជឿលើអ្វីដែលជាយន្តការរបស់អង្គការ ILO ដែលកំពុងតែអនុវត្តនៅកម្ពុជានេះស្រាប់។ក្រសួងការងារ និងបណ្ដុះបណ្ដាលវិជ្ជាជីវៈ បានយកចិត្តទុកដាក់ខ្ពស់ក្នុងការអភិវឌ្ឍទីផ្សារការងារ ដើម្បីឱ្យឆ្លើយតបនឹងបម្រែបម្រួលរចនាសម្ព័ន្ធសេដ្ឋកិច្ច-សង្គម និងបច្ចេកវិទ្យា ក៏ដូចជាជំរុញកំណើនសេដ្ឋកិច្ច និងពង្រឹងសុខុមាលភាពសង្គម តាមរយៈការចូលរួមយ៉ាងសកម្មក្នុងការអនុវត្តយុទ្ធសាស្ត្រ និងគោលនយោបាយជាតិសំខាន់ៗមួយចំនួនដែលរាជរដ្ឋាភិបាលបានដាក់ចេញកន្លងមក៕

(ភ្នំពេញ)៖ សហជីព និងកម្មករក្នុងវិស័យកាត់ដេរនៅកម្ពុជា បានលើកឡើងថា ការខិតខំរបស់រាជរដ្ឋាភិបាលក្នុងការដំឡើងប្រាក់ឈ្នួលជាបន្តបន្ទាប់ពីមួយឆ្នាំទៅមួយឆ្នាំ ដែលធ្វើឱ្យកម្មករមានជីវភាពកាន់តែធូរធាឡើង គឺជាស្មារតីស្របតាមទិវាពលកម្មអន្តរជាតិ១ ឧសភា។ លោក សំ សឿន ប្រធានសហភាពពលកម្មជាតិកម្ពុជាមើលឃើញថា ទោះស្ថិតក្នុងកាលៈទេសៈណាក៏ដោយ រាជរដ្ឋាភិបាលតែងអនុញ្ញាតឱ្យមានការចរចាដំឡើងប្រាក់ឈ្នួលជារៀងរាល់ឆ្នាំ មិនថាប្រទេសស្ថិតក្នុងវិបត្តិកូវិដ១៩ ឬស្ថានភាពសេដ្ឋកិច្ចពិភពលោក នៅតែមិនទាន់មានភាពប្រាកដនិយមក៏ដោយ។ ការដំឡើងប្រាក់ឈ្នួលពិតជាបានជួយឱ្យកម្មករនិយោជិត មានជីវភាពប្រសើរជាងមុន ដោយគាត់មានប្រាក់សន្សំយកទៅរួមចំណែកបង្កើតនិងពង្រីកអាជីវកម្មជាមួយក្រុមគ្រួសារ ក៏ដូចជាចូលរួមបំពេញការងារកសិកម្មនៅស្រុកកំណើតបង្កើតចំណូលបន្ថែមបានទៀតផង។ លោកថ្លែងថា៖«ម្យ៉ាងវិញទៀតបងប្អូនកម្មករខ្លះក៏បានរៀបចំសាងសង់ផ្ទះសំបែង ទិញសម្ភារៈប្រើប្រាស់ មានទូរសព្ទ ម៉ូតូជិះទៅធ្វើការ បង្កលក្ខណងាយស្រួលដើម្បីបំពេញការងាររបស់គាត់ជាប្រចាំថ្ងៃថែមទៀតផង»។ ស្រដៀងគ្នានេះលោក ឡេវ សំអាន កម្មកររោងចក្រនៅម្តុំផ្លូវវេងស្រេង បានលើកឡើងថា ការដំឡើងប្រាក់ឈ្នួលជាបន្តបន្ទាប់រៀងរាលឆ្នាំនេះសបញ្ជាក់ឱ្យឃើញថា រដ្ឋភិបាលតែងតែយកចិត្តទុកដាក់ ចំពោះកម្មករនិយោជិត ឱ្យមានការងារធ្វើទាំងក្នុងនិងក្រៅប្រទេស ឆាប់មានជីវភាពធូរធា។ លោកថ្លែងថា៖«ខ្ញុំសង្គេតឃើញថាការខិតខំប្រឹងប្រែងដំឡើងប្រាក់ឈ្នួលជាបន្តបន្ទាប់របស់រាជរដ្ឋាភិបាកម្ពុជា បានធ្វើឱ្យបងប្អូនកម្មករកម្មការិនី ទាំងអស់មានជីវភាពធូរធា ហើយនេះសបញ្ជាក់ថាជាស្មារតីស្របទៅតាមទិវាពលកម្មអន្តរជាតិ ១ឧសភា។ ហើយខ្ញុំក៏សូមអរគុណទៅដល់ រាជរដ្ឋាភិបាកម្ពុជា ដែលខំប្រឹងស្វះស្វែងរកវិនិយោគមិនថាក្នុងឬក្រៅប្រទេសដើម្បីឱ្យបងប្អូនកម្មករទាំងអស់មានការងារធ្វើ»។ទន្ទឹមនេះលោក ទុយ កុសល ប្រធានសហព័ន្ធសហជីពរួបរួមអភិវឌ្ឍន៍កម្មករ និយាយថា ការដំឡើងប្រាក់ឈ្នួលបានធ្វើឱ្យជីវភាពកម្មករនិយោជិត ល្អប្រសើរ រីកចម្រើនខុសប្លែកពីមុន។ ជាក់ស្តែងកម្មករនិយោជិតមានលទ្ធភាពចំណាយសម្រាប់ការលំហែ ពេលឈប់សម្រាក ផ្គត់ផ្គង់ការសិក្សារៀនសូត្ររបស់កូនៗ មានប្រាក់សន្សំសម្រាប់ជួយអ្នកផ្ទះ ជាពិសេសឪពុកម្តាយសាច់ញាតិមានគុណ ជាដើម។ លោកប្រាប់ថា៖«ការខិតខំដំឡើងប្រាក់ឈ្នួលរបស់រាជរដ្ឋាភិបាលដែលធ្វើឱ្យកម្មករមានជិវភាពធូរធា និងរីកចម្រើនពីមួយថ្ងៃទៅមួយថ្ងៃ កម្មករអាចមានលទ្ធភាពទិញម៉ូតូ ឡាន ជាពិសេសសាងសង់ផ្ទះ ដែលនេះគឺជាស្មារតីស្របតាមទិវាពលកម្មអន្តរជាតិ ១ឧសភា»។ នៅព្រឹកថ្ងៃទី១ ឧសភានេះ កម្មករ សហជីព និងអ្នកធ្វើការក្នុងសេដ្ឋកិច្ចក្រៅប្រព័ន្ធ មកពីគ្រប់និន្នាការបានជួបជុំគ្នា អបអរសាទរខួបអនុស្សាវរីយ៍លើកទី១៣៩ ទិវាពលកម្មអន្តរជាតិ ១ឧសភា ២០២៥ ដែលបង្ហាញពីសុខដុមនីយកម្មក្នុងវិស័យការងារ សិទ្ធិការងារត្រូវបានលើកកម្ពស់ សិទ្ធិសេរីភាពកម្មករនិយោជិត និងសហជីពកាន់តែល្អប្រសើរឡើង៕

(ភ្នំពេញ)៖ កម្មករនិយោជិត និងសហជីពនៅកម្ពុជាប្រមាណជាង៣ពាន់អ្នកជួបជុំគ្នានៅមជ្ឈមណ្ឌលសន្និបាត និងពិព័រណ៍កោះពេជ្រនាព្រឹកនេះដើម្បីអបអរសាទរខួបអនុស្សាវរីយ៍លើកទី១៣៩ នៃទិវាពលកម្មអន្តរជាតិ ថ្ងៃទី១ ខែឧសភា ឆ្នាំ២០២៥ ដែលជាការបង្ហាញពីសុខដុមនីយកម្មក្នុងវិស័យការងារ។ លោក សំ សឿន ប្រធានសហភាពពលកម្មជាតិកម្ពុជាបានឱ្យដឹងថា ការជួបជុំនេះបង្ហាញពីភាពរីកចម្រើនក្នុងវិស័យការងារ ឧស្សាហកម្មនៅកម្ពុជាកាន់តែមានភាពរីកចម្រើន ហើយបានផ្តល់ឱកាសដល់ឱ្យកម្មករនិយោជិតបានឈប់សម្រាក ក្នុងថ្ងៃទិវាពលកម្មអន្តរជាតិ ដើម្បីជួបជុំសម្តែងមតិបញ្ចេញនូវទស្សនៈ និងកង្វល់នានាដើម្បីផ្សាភ្ជាប់និងដំណោះស្រាយសម្រាប់ពួកគាត់។ លោកបន្ថែមថា មិនតែប៉ុណ្ណោះ ការជួបជុំនេះសំខាន់សម្រាប់កម្មករនិយោជិតក្នុងការរឹតចំណងមិត្តភាពរវាងសហជីពនិងកម្មករនិយោជិត ជាពិសេសបានបង្ហាញថា កម្មករនិយោជិតបានអនុវត្តសិទ្ធិ សេរីភាព យ៉ាងពេញលេញក្នុងប្រព័ន្ធការងារ ដែលជាការយកចិត្តទុកដាក់របស់រាជរដ្ឋាភិបាល។ លោកថ្លែងថា៖«នេះសបញ្ជាក់ថារាជរដ្ឋាភិបាលបានយកចិត្តទុកដាក់ និងបានចូលរួមអនុវត្តសិទ្ធិសេរីភាពរបស់កម្មករនិយោជិតនៅកន្លែងការងារ ការអនុវត្តតាមអនុលោមភាពនៃអនុសញ្ញាអន្តរជាតិ ច្បាប់ស្តីពីការងារ និងច្បាប់ស្តីពីសហជីព បានយ៉ាងល្អប្រសើរ»។ ទន្ទឹមនេះលោក ហង្ស រ៉ាវី ប្រធានសហភាពសហជីពរក្សាសិទ្ធិកម្មករកម្ពុជា បានលើកឡើងថា នេះជាឱកាសដែលកម្មករ និងសហជីព បង្ហាញការសាទរអំពីសុខដុមនីយកម្មក្នុងវិស័យការងារ កំណើនសេដ្ឋកិច្ចប្រកបដោយចីរភាព និងភាពធន់។ លោកថ្លែងថា៖«កម្មវិធី១ឧសភា ដែលប្រព្រឹត្តិឡើងនេះ ក្នុងនាមសហជីពយើងចង់បង្ហាញថា កម្មករនិយោជិតនៅក្នុងព្រះរាជាណាចក្រកម្ពុជា មានការសាទរជាខ្លាំងដោយសារតែ រាជរដ្ឋាភិបាលកម្ពុជាដឹកនាំដោយសម្តេចមហាបវរធិបតី ហ៊ុនម៉ាណែត លោកតែងគិតគូរសុខទុក្ខកម្មករជានិច្ច ជាពិសេសដំឡើងប្រាក់ឈ្នួលរាល់ឆ្នាំ និងអត្ថប្រយោជន៍ផ្សេងៗទៀត»។ ជាមួយគ្នានោះ លោក អ៊ុន ដារ៉ា ប្រធានសហភាពសហជីពកម្ពុជាពន្លឺកម្មករ មើលឃើញថា ឱកាសខួបអនុស្សាវរីយ៍នេះ មិនអាចប្រព្រឹត្តិទៅបានឡើយបើគ្មានសន្តិភាព។ ទន្ទឹមនេះការជួបជុំក៏បានបង្ហាញថា សិទ្ធិសេរីភាពកម្មករនិយោជិត នៅកម្ពុជាមានភាពល្អប្រសើរឡើង ក្នុងស្មារតីរួមគ្នាដើម្បីប្រទេសជាតិរីកចម្រើនរុងរឿង ដោយមិនប្រកាន់និន្នាការនយោបាយ ឬពូជាសាសន៍។ លោកថ្លែងថា៖«ខ្ញុំមើលឃើញថា យើងអត់ប្រកាន់និន្នាការនយោបាយ ឬក៏ប្រកាន់ពូជាសាសន៍ទេ ដោយកម្ពុជារក្សាបាននូវសិទ្ធិមួយគឺរួមគ្នាធ្វើម៉េចដើម្បីឱ្យប្រទេសរីកចម្រើន»។  លោក ហ្វា សាលី ប្រធានសម្ព័ន្ធសហជីពជាតិ ថ្លែងថា ការជួបជុំរបស់កម្មករនិយោជិត និងសហជីព ក្នុងឱកាសនេះជាការអរគុណដល់រាជរដ្ឋាភិបាលដែលបានយកចិត្តទុកដាក់ខ្វល់ខ្វាយលើសុខទុក្ខកម្មករ ធ្វើឱ្យលក្ខខណ្ឌការងារកាន់តែល្អប្រសើរ សេវាសាធារណៈល្អ និងការដំឡើងប្រាក់ឈ្នួលរាល់ឆ្នាំ។លោកបានអំពាវនាវដល់កម្មករនិយោជិត និងសហជីពទាំងអស់ ទោះក្នុងនិន្នាការណាក៏ដោយ ត្រូវធ្វើយ៉ាងណាចូលរួមរក្សាឱ្យបាននូវសណ្តាប់ធ្នាប់ សេចក្តីថ្លៃថ្នូរ និងថ្លែងអ្វីជាវិជ្ជមាន ហើយអ្វីដែលនៅសេសសល់គួរតែដាក់ស្នើទៅក្រសួងជំនាញដើម្បីរកដំណោះស្រាយ។ លោកថ្លែងថា៖«សំណូមពរទៅដល់សហព័ន្ធសហជីព សភាសហជីព ក៏ដូចជាសហជីពមូលដ្ឋាននានា មេត្តាធ្វើយ៉ាងណារក្សាឱ្យបាននូវសណ្តាប់ធ្នាប់ ហើយកុំជឿតាមការញុះញង់ ដែលបង្កពីអមិត្តមួយចំនួនធ្វើឱ្យប៉ះពាល់ដល់កិត្តិយសជាតិ ក៏ដូចជាប៉ះពាល់ដល់បរិយាកាសវិនិយោគផ្សេងៗ»។ គិតត្រឹមខែមីនា ឆ្នាំ២០២៥ ក្រសួងការងារ និងបណ្តុះបណ្តាលវិជ្ជាជីវៈ បានចុះបញ្ជីអង្គការវិជ្ជាជីវៈ ចំនួន៦,៦០០ ក្នុងនោះសហជីពមាន ចំនួន៤២, សហព័ន្ធសហជីព ចំនួន២៨១, សហជីពមូលដ្ឋាន ចំនួន៦,២៦៥ និងសមាគមនិយោគជកចំនួន១២៕

(ភ្នំពេញ)៖ សហជីពនៅកម្ពុជា និងអ្នកវិភាគស្ថានការណ៍នយោបាយបានលើកឡើងថា ការផ្ដល់ឱកាសការងាររាប់ម៉ឺនកន្លែងតាមរយៈកំណើនវិនិយោគ គឺជាតឹកតាងនៃការលើកកម្ពស់សិទ្ធិការងារដែលឆ្លុះបញ្ចាំងពីកត្តាវិជ្ជមានផ្នែកសេដ្ឋកិច្ច និងស្ថិរភាពនយោបាយរបស់កម្ពុជាស្របតាមស្មារតីទិវាពលកម្មអន្តរជាតិ ១ឧសភា។លោក គឹម ចាន់សំណាង ប្រធានសភាសម្ព័ន្ធសហជីពជាតិកម្ពុជា (NACC)បានលើកឡើងថា៖«ក្រុមហ៊ុន រោងចក្រសហគ្រាសដែលពាក់ព័ន្ធនឹងវិស័យវាយនភណ្ឌកាត់ដេរ តែងតែប្រកាសជ្រើសរើសបុគ្គលិក កម្មករនិយោជិតរាប់ម៉ឺននាក់ក្នុងមួយថ្ងៃៗ ហើយនៅមានក្រុមហ៊ុនថ្មីៗជាច្រើនទៀតកំពុងបើកដំណើរការជាបន្តបន្ទាប់។ ដូច្នេះឱកាសការងាររាប់ម៉ឺនកន្លែងបានផ្ដល់ជូនពលរដ្ឋខ្មែរជាហូរហែ»។លោកបន្តថា៖«កំណើនវិនិយោគបានធ្វើឱ្យមានតម្រូវការទីផ្សារការងារកើនឡើងដែរ គឺជាសញ្ញាល្អនៃកំណើនសេដ្ឋកិច្ច និងការបង្កើតឱកាសការងារថ្មីៗនៅក្នុងប្រទេស ឆ្លុះបញ្ចាំងពីកត្តាវិជ្ជមានផ្នែកសេដ្ឋកិច្ច និងស្ថិរភាពនយោបាយក្រោមការដឹកនាំរបស់រាជរដ្ឋាភិបាលកម្ពុជាអាណត្តិទី៧ ក្នុងការលើកកម្ពស់សិទ្ធិការងារស្របទៅតាមស្មារតីទិវាពលកម្មអន្តរជាតិ ១ឧសភា»។លោក ចាន់សំណាង បានចាត់កំណើនវិនិយោគ គឺជាការផ្ដល់ឱកាសការងាររាប់ម៉ឺនកន្លែងជូនកម្មករនិយោជិត និងពលរដ្ឋខ្មែរ ហើយវាជាភ័ស្ដុតាងដ៏សំខាន់ក្នុងការលើកកម្ពស់សិទ្ធិការងារដែលរាជរដ្ឋាភិបាលតាមរយៈក្រសួងការងារ និងបណ្ដុះបណ្ដាលវិជ្ជាជីវៈ និងសហជីពនៅកម្ពុជាបានប្រារព្ធរំឭកជារៀងរាល់ឆ្នាំ។នៅក្នុងត្រីមាសទី១ឆ្នាំ២០២៥នេះ ក្រុមប្រឹក្សាអភិវឌ្ឍន៍កម្ពុជា (CDC)បានចុះបញ្ជីគម្រោងវិនិយោគសរុបចំនួន ១៧២គម្រោង ដែលមានទុនវិនិយោគសរុបប្រមាណ ២,៥ពាន់លានដុល្លារអាម៉េរិក និងអាចបង្កើតការងារបានចំនួនប្រមាណជិត ១២ម៉ឺនកន្លែង ក្នុងនោះគម្រោងពង្រីកផលិតកម្មមានចំនួន ៦គម្រោង។ ជាមួយគ្នានេះក្នុងត្រីមាសទី១ ឆ្នាំ២០២៥ ដដែលនេះ សហគ្រាស គ្រឹះស្ថាន បានកើនឡើងពីចំនួន ៤៤ ៧៩៨ ដល់ចំនួន ៤៥ ២៥៥សហគ្រាស (កើនឡើងចំនួន ៤៥៧សហគ្រាស) ហើយចំនួនកម្មករនិយោជិត បានកើនឡើងពីចំនួន ១ ៨១៦ ០៤៦នាក់ដល់ចំនួន ១ ៨៤៦ ៨៣៧នាក់ (កើនឡើងចំនួន ៣០ ៧៩១នាក់)។តឹកតាងទាំងអស់នេះ បានបង្ហាញពីកត្តាវិជ្ជមានទាំងផ្នែកនយោបាយ និងសេដ្ឋកិច្ច ការឆ្លុះបញ្ចាំងពីភាពជឿជាក់ និងទំនុកចិត្តរបស់វិនិយោគិនបរទេសមកលើប្រទេសកម្ពុជានាពេលបច្ចុប្បន្ន។ចំពោះលោក ថុង ម៉េងដាវីត អ្នកវិភាគភូមិសាស្រ្តនយោបាយ និងសន្ដិសុខបានថ្លែងថា៖«កម្ពុជាបច្ចុប្បន្ននេះ គឺក្រោមការដឹកនាំរបស់សម្ដេចធិបតី ហ៊ុន ម៉ាណែត យើងសង្កេតឃើញថា ទទួលបានកំណើនសេដ្ឋកិច្ច និងទុនវិនិយោគកើនឡើងជាបន្តបន្ទាប់គួរឱ្យកត់សម្គាល់តាមរយៈការអនុវត្តនយោបាយការទូតសេដ្ឋកិច្ច»។ ទន្ទឹមនេះ រាជរដ្ឋាភិបាលកម្ពុជាអាណត្តិទី៧ បានដាក់ចេញនូវការបណ្តុះបណ្តាលជំនាញវិជ្ជាជីវៈ និងបច្ចេកទេស ១,៥ លាននាក់ ជាពិសេសយុវជនគោលដៅដែលមកពីគ្រួសារក្រីក្រ និងគ្រួសារងាយរងហានិភ័យ ដោយលោកបានមើលឃើញថា ប្រជាពលរដ្ឋ ក៏ដូចជាយុវជនកម្ពុជានៅក្នុងបរិបទសេដ្ឋកិច្ចបច្ចុប្បន្ននេះយ៉ាងហោចណាស់ត្រូវមានជំនាញមួយសម្រាប់ជីវិតខ្លួន ពោលគឺត្រូវពង្រឹងលើការសិក្សាជំនាញរបស់ខ្លួនឱ្យស្របតាមបរិបទសេដ្ឋកិច្ចប្រទេសកម្ពុជា។លោកបានអំពាវនាវដល់ម្ចាស់សហគ្រាស គ្រឹះស្ថាន កម្មករ និងអង្គការវិជ្ជាជីវៈទាំងអស់បន្តប្រកាន់ខ្ជាប់នូវច្បាប់ និងស្តង់ដារច្បាប់ដែលមានស្រាប់ និងលើកកម្ពស់វប្បធម៌នៃការអនុលោមតាមច្បាប់។ លោកបញ្ជាក់ថា នេះជាកត្តាសំខាន់សម្រាប់ការលើកកម្ពស់ការប្រកួតប្រជែង ការទាក់ទាញការវិនិយោគ និងបង្កើតឱកាសការងារសមរម្យសម្រាប់កម្មករ និយោជិត និងប្រជាពលរដ្ឋជាបន្តបន្ទាប់ថែមទៀត៕

(ភ្នំពេញ)៖ នាព្រឹកថ្ងៃទី៣០ ខែមេសា ឆ្នាំ២០២៥ ឯកឧត្តម ហេង សួរ រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ និងលោក ឈិន ស៊ីម៉ុន (Simon Chen) ប្រធានក្រុមប្រឹក្សាភិបាលក្រុមហ៊ុន ADATA Technology Co., Ltd. បានចុះហត្ថលេខាលើអនុស្សរណៈនៃការយោគយល់គ្នារវាងក្រសួងការងារ និងបណ្ដុះបណ្ដាលវិជ្ជាជីវៈ និងក្រុមហ៊ុន ADATA Technology Co., Ltd ស្ដីពីកិច្ចសហប្រតិបត្តិការលើការអភិវឌ្ឍជំនាញ និងការបង្កើតឱកាសការងារសម្រាប់កម្ពុជា។អនុស្សរណៈនៃការយោគយល់គ្នានេះ មានគោលបំណងបង្កើតក្របខណ្ឌកិច្ចសហប្រតិបត្តិការ ដើម្បីអភិវឌ្ឍកម្លាំងពលកម្មជំនាញកម្រិតខ្ពស់នៅកម្ពុជា និងដើម្បីគាំទ្រផែនការវិនិយោគ និងការស្រាវជ្រាវរបស់ក្រុមហ៊ុន ADATA ឱ្យសមស្របតាមគោលដៅទំនើបភាវូបនីយកម្មឧស្សាហកម្មរបស់កម្ពុជា។អនុស្សរណៈនេះដែរ មានសុពលភាពរយៈពេល៥ឆ្នាំ ដែលនឹងពង្រឹងគុណភាពកម្មវិធីអប់រំបណ្តុះបណ្តាលបច្ចេកទេស និងវិជ្ជាជីវៈ (TVET) នៅកម្ពុជាឱ្យកាន់តែប្រសើរ លើឯកទេសក្នុងវិស័យអេឡិចត្រូនិក បច្ចេកវិទ្យាឌីជីថល ថាមពលកកើតឡើងវិញ ការផលិតឆ្លាតវៃ និងបញ្ញាសិប្បនិម្មិត (AI)។ ទន្ទឹមនេះ ក្រុមហ៊ុន ADATA Technology Co., Ltd. នឹងផ្តល់នូវអ្នកជំនាញបច្ចេកទេស ឧបករណ៍បណ្តុះបណ្តាល ក៏ដូចជាគាំទ្រកម្មវិធីបណ្តុះបណ្តាល ដែលស្របទៅនឹងតម្រូវការជំនាញនាពេលអនាគតផងដែរ៕

(អន្តរជាតិ)៖ ប្រទេសវៀតណាមកំពុងប្រារព្ធខួបលើកទី 50 នៃការបញ្ចប់សង្រ្គាមវៀតណាមនៅថ្ងៃពុធ នេះ។ថ្នាក់ដឹកនាំប្រទេសបានអបអរសាទរចំពោះជ័យជំនះដែលបានបង្រួបបង្រួមវៀតណាមឡើងវិញនៅក្នុង ពិធីមួយនៅទីក្រុងហូជីមិញ ។ ថ្ងៃពុធ គឺជាខួបលើកទី 50 ចាប់តាំងពីការបញ្ចប់ជម្លោះ ដែលត្រូវបានគេនិយាយថាបានសម្លាប់មនុស្ស ប្រហែល 3 លាននាក់។ សង្រ្គាមនេះគឺជាការប្រយុទ្ធគ្នាយ៉ាងស្វិតស្វាញរវាងប្រទេសវៀតណាមខាងជើង ដែលគាំទ្រជាចម្បងដោយសហភាពសូវៀត និងចិន នៅពេលនោះ និងវៀតណាមខាងត្បូងដែលគាំទ្រ ដោយសហរដ្ឋអាមេរិក និងសម្ព័ន្ធមិត្ត។ វ៉ាស៊ីនតោនខ្លាចការរីករាលដាលនៃលទ្ធិកុម្មុយនិស្តកំឡុងសង្គ្រាមត្រជាក់។ សង្រ្គាមបានបញ្ចប់នៅថ្ងៃទី 30 ខែមេសា ឆ្នាំ 1975 នៅពេលដែលទីក្រុង Saigon ដែលជារដ្ឋធានីនៃប្រទេសវៀតណាម ខាងត្បូងនៅពេលនោះបានធ្លាក់ទៅវៀតណាមខាងជើង។មន្ត្រីរដ្ឋាភិបាលវៀតណាម រួមទាំងមេដឹកនាំកំពូលរបស់ប្រទេស និងអគ្គលេខាបក្សកុម្មុយនិស្ត លោក To Lam បានចូលរួមក្នុងព្រឹត្តិការណ៍នេះ រួមជាមួយនឹងតំណាងមកពីប្រទេសផ្សេងៗ។លោក Lam ថ្លែងសុន្ទរកថាដោយលើកឡើងពីសមិទ្ធិផលនៃ គោលនយោបាយអនុវត្ត ដោយរដ្ឋាភិបាល កុម្មុយនិស្ត រួមទាំងកំណើនសេដ្ឋកិច្ចខ្ពស់ចាប់តាំងពីការបញ្ចប់សង្គ្រាមវៀតណាម។បុគ្គលិកយោធាបានធ្វើព្យុហយាត្រាឆ្លងកាត់កណ្តាលទីក្រុងហូជីមិញ៕

(អន្តរជាតិ)៖ អ្នកជំនាញផ្នែកសុខភាពរបស់សហរដ្ឋអាមេរិកកំពុងសម្តែងការព្រួយបារម្ភ នៅពេលដែលមេរោគផ្តាសាយបក្សី H5N1 រីករាលដាលយ៉ាងឆាប់រហ័សពាសពេញកសិដ្ឋានទឹកដោះគោ របស់សហរដ្ឋអាមេរិក។ អ្នកជំនាញសុខភាពឈានមុខគេ បានព្រមានថា សហរដ្ឋអាមេរិកកំពុងសម្លឹងមើលការរីករាលដាល នៃជំងឺរាតត្បាតផ្សេងទៀត ខណៈដែលជំងឺផ្តាសាយបក្សីបានរីករាលដាលចេញពីការគ្រប់គ្រងលើកសិដ្ឋានរបស់សហរដ្ឋអាមេរិក។រហូតមកដល់ពេលនេះ ការផ្ទុះឡើងនៃមេរោគ H5N1 បានប៉ះពាល់ដល់ហ្វូងគោទឹកដោះគោជិត 1,000 ក្បាល ហើយបានបណ្តាលឱ្យមនុស្សជាង 70 ករណី រួមទាំងការស្លាប់ដែលត្រូវបានបញ្ជាក់ ជាលើកដំបូងផងដែរ។ នេះបើយោងតាមការចុះផ្សាយរបស់ Daily Mail ។ អ្នកជំនាញមកពីបណ្តាញមេរោគសកល (GVN) បាននិយាយថា ឧស្សាហកម្មបសុបក្សីនៅសហរដ្ឋអាមេរិក មានហានិភ័យខ្លាំង ជាពិសេសនៅក្នុងតំបន់ដែលមានការ ចិញ្ចឹមសត្វដែលមានដង់ស៊ីតេខ្ពស់ និងកន្លែងដែលការអនុវត្តការការពារផ្ទាល់ខ្លួនអាចនឹងខ្វះខាត។ ចាប់តាំងពីឆ្នាំ 2022 មាន់ទាជាង 168 លានក្បាលនៅក្នុងសហរដ្ឋអាមេរិកត្រូវបានបាត់បង់ ឬត្រូវបានសម្លាប់ដោយសារតែការផ្ទុះឡើង នៃជំងឺផ្តាសាយបក្សីនៅអាមេរិក ដែលបានធ្វើឱ្យតម្លៃពងឡើងថ្លៃ៕ទោះបីជាការចម្លងពីមនុស្សទៅមនុស្សមិនទាន់ត្រូវបានគេសង្កេតឃើញក៏ដោយ អ្នកជំនាញបានព្រមានថាការផ្លាស់ប្តូរ និងការចាត់ថ្នាក់ឡើងវិញ នៅពេលដែលមេរោគពីរក្នុងពេលដំណាលគ្នាឆ្លងទៅម៉ាស៊ីនមួយ និងផ្លាស់ប្តូរសម្ភារៈហ្សែន អាចបង្កើនហានិភ័យនៃការកើតឡើងរបស់វា។ ឥឡូវនេះ GVN កំពុងជំរុញឱ្យរដ្ឋាភិបាលពិភពលោកប្រឈមមុខនឹងការគំរាមកំហែងនៃជំងឺផ្តាសាយបក្សី H5N1 ដោយការពង្រឹងកិច្ចខិតខំប្រឹងប្រែងឃ្លាំមើល និងការអនុវត្តពិធីសារសុវត្ថិភាពជីវសុវត្ថិភាពកាន់តែតឹងរ៉ឹង។អង្គការក៏បានព្រមានផងដែរថា ប្រទេសនានាត្រូវតែរៀបចំសម្រាប់លទ្ធភាពនៃការរីករាលដាល ពីមនុស្សទៅមនុស្ស ដើម្បីជៀសវាងខ្សែសង្វាក់នៃព្រឹត្តិការណ៍ដ៏ច្របូកច្របល់ដែលរំលឹកពី ថ្ងៃដំបូងនៃការរាតត្បាតនៃជំងឺកូវីដ-១៩។ លោកវេជ្ជបណ្ឌិត Peter Palese ដែលជានាយកនៅ GVN និងជាអ្នកដឹកនាំពិភពលោកក្នុងការស្រាវជ្រាវជំងឺគ្រុនផ្តាសាយ ពន្យល់ថា 'គំនិតផ្តួចផ្តើមគួរតែផ្តោតលើការបង្កើនវិធានការសុវត្ថិភាពជីវសុវត្ថិភាពនៅក្នុងកន្លែងកសិកម្ម និងអប់រំសាធារណៈជនអំពីការគ្រប់គ្រងដោយសុវត្ថិភាពនៃផលិតផលបសុបក្សី និងហានិភ័យដែលអាចកើតមានទាក់ទងនឹងការទាក់ទងជាមួយសត្វដែលមានមេរោគ៕

(អន្តរជាតិ)៖ ទីភ្នាក់ងារចំណីអាហារសិង្ហបុរីបានហាមឃាត់ការលាយកាហ្វេបន្ទាន់ផលិតនៅប្រទេសម៉ាឡេស៊ី ដែលមានឈ្មោះថា "Kopi Penumbuk" បន្ទាប់ពីបានរកឃើញថ្នាំ tadalafil ដែលជាថ្នាំតាមវេជ្ជបញ្ជា សម្រាប់ការងាប់មេជីវិតបុរស។ទីភ្នាក់ងារនេះបាននិយាយនៅលើគេហទំព័រផ្លូវការរបស់ខ្លួនថា អ្នកប្រើប្រាស់គួរតែជៀសវាងការទិញ ឬប្រើប្រាស់ផលិតផលដែលត្រូវបានផ្សព្វផ្សាយតាមអ៊ីនធឺណិតថា ជាការបង្កើនសមត្ថភាពផ្លូវភេទរបស់បុរស។ភ្នាក់ងារបានព្រមានថា ការប្រើប្រាស់ថ្នាំ tadalafil មិនត្រឹមត្រូវអាចនាំឱ្យមានហានិភ័យសុខភាពធ្ងន់ធ្ងរ រួមទាំងការគាំងបេះដូង ជំងឺដាច់សរសៃឈាមខួរក្បាល ឈឺក្បាល ឈឺក្បាលប្រកាំង ចង្វាក់បេះដូងមិនទៀងទាត់ និងជំងឺ priapism ។វាក៏អាចបណ្តាលឱ្យមានសម្ពាធឈាមទាបដែលអាចគំរាមកំហែងដល់អាយុជីវិតចំពោះបុគ្គលដែលប្រើថ្នាំបេះដូង ជាពិសេសថ្នាំដែលមានផ្ទុកនីត្រាត។ SFA បានសហការជាមួយវេទិកាពាណិជ្ជកម្មអេឡិចត្រូនិក ដើម្បីលុបការចុះបញ្ជី និងចេញការព្រមានដល់អ្នកលក់ ដោយណែនាំពួកគេឱ្យបញ្ឈប់ការលក់ភ្លាមៗ។នៅក្រោមផ្នែកទី 15 នៃច្បាប់ស្តីពីការលក់អាហាររបស់ប្រទេសសិង្ហបុរី ការលក់អាហារដែលមិនមានសុវត្ថិភាពត្រូវបានហាមឃាត់។ជនល្មើសប្រឈមនឹងការផាកពិន័យរហូតដល់ 5,000 ដុល្លារសិង្ហបុរី ខណៈដែលការផ្តន្ទាទោសជាបន្តបន្ទាប់អាចនឹងត្រូវពិន័យរហូតដល់ 10,000 ដុល្លារសិង្ហបុរី ជាប់ពន្ធនាគាររហូតដល់ 3 ខែ ឬទាំងពីរ។ ទីភ្នាក់ងារនេះបាននិយាយថា "SFA នឹងមិនស្ទាក់ស្ទើរក្នុងការចាត់វិធានការតឹងរ៉ឹងប្រឆាំងនឹងនរណាម្នាក់ដែលលក់ និងផ្គត់ផ្គង់ផលិតផលអាហារគ្មានសុវត្ថិភាព ដែលត្រូវបានក្លែងបន្លំជាមួយសារធាតុហាមឃាត់ និង/ឬសារធាតុឱសថដែលមិនត្រូវបានអនុញ្ញាតក្នុងអាហារ"៕

(អន្តរជាតិ)៖ អាជ្ញាធរវៀតណាមបានចាប់ខ្លួនបុគ្គលចំនួន 4 នាក់នៅក្នុងខេត្ត Nghe An ពីបទផលិត និងលក់សណ្តែកបណ្តុះចំនួន 3,500 តោន ដែលមានផ្ទុកសារធាតុគីមីហាមឃាត់ចាប់តាំងពីឆ្នាំ 2024 ។ជនសង្ស័យឈ្មោះ លូ ម៉ាញ ហឿង អាយុ៣២ឆ្នាំ; Luu Van Trung អាយុ 28 ឆ្នាំ; Tran Khac Duy អាយុ ៣៥ឆ្នាំ; ប៉ូលីសបាននិយាយថា និង Nguyen Van Huong អាយុ 27 ឆ្នាំជាម្ចាស់រោងចក្រផលិតសណ្តែកជាច្រើននៅក្នុងទីក្រុង Vinh របស់ Nghe An ។ប៉ូលីសបានរឹបអូសសណ្តែកបណ្តុះគីមីប្រមាណ ២៥ តោន ដែលរក្សាទុកក្នុងធុងប្លាស្ទីក រួមជាមួយនឹង benzyl adenine (6-BAP) ចំនួន ២៥ លីត្រ។ ក្រុមអ្នកស៊ើបអង្កេតបានរកឃើញថា សារធាតុគីមីហាមឃាត់ចំនួន 150 លីត្រត្រូវបានកែច្នៃរួចហើយ ដើម្បីព្យាបាលសណ្តែកបណ្តុះ មុនការវាយឆ្មក់។ ក្នុងការវាយឆ្មក់ និងបង្ក្រាបសណ្ដែកបណ្ដុះមានសារធាតុគីមីពុល បានធ្វើឡើងកាលពីថ្ងៃទី ១១ ខែមេសា ឆ្នាំ២០២៥កន្លងទៅ។ នេះបើយោងតាមការចុះផ្សាយរបស់ VN express។សារធាតុ Benzyl adenine គឺជាសារធាតុគីមីជំរុញការលូតលាស់ដែលត្រូវបានហាមឃាត់ ដែលគេស្គាល់ថាបណ្តាលឱ្យមានបញ្ហាសុខភាពធ្ងន់ធ្ងរ រួមទាំងជំងឺស្ទះសួត និងអាចស្លាប់ប្រសិនបើទទួលទានក្នុងបរិមាណច្រើន។ ជនសង្ស័យបានសារភាពថា ខ្លួនបានប្រើប្រាស់សារធាតុគីមីដើម្បីបង្កើនរូបរាង និងទំហំគ្រាប់សណ្តែក ធ្វើឱ្យមានទីផ្សារកាន់តែច្រើន។អាជ្ញាធរបាននិយាយថា ការស៊ើបអង្កេតលើទំហំពេញលេញនៃប្រតិបត្តិការកំពុងបន្ត។