(ភ្នំពេញ)៖ នៅព្រឹកថ្ងៃព្រហស្បតិ៍ ៩ កើត ខែពិសាខ ឆ្នាំរោង ឆស័ក ពុទ្ធសករាជ ២៥៦៧ ត្រូវនឹងថ្ងៃទី១៦ ខែឧសភា ឆ្នាំ២០២៤ សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា នៃព្រះរាជាណាចក្រកម្ពុជា បានអញ្ជើញថ្លែងសារពិសេសស្តីពី "ព្រែកជីកហ្វូណនតេជោ"។ សម្ដេចតេជោ ហ៊ុន សែន បានមានប្រសាសន៍ ចាត់ទុកការប្ដូរប្រូហ្វាល់របស់ប្រជាពលរដ្ឋគ្រប់មជ្ឈដ្ឋាននៅលើបណ្ដាញសង្គមនានា ចំពោះគម្រោងព្រែកជីកហ្វូណនតេជោ គឺជាចលនាជាតិដ៏ធំធេង ក្នុងស្មារតីស្នេហាជាតិ និងដើម្បីកំណើនសេដ្ឋកិច្ច និងសង្គមកម្ពុជា។ សម្ដេចតេជោ បានថ្លែងអំណរគុណដល់ប្រជាពលរដ្ឋគ្រប់មជ្ឈដ្ឋាន និងព្រះសង្ឃគ្រប់អង្គដែលបានចូលរួមគាំទ្រនូវគម្រោងព្រែកជីកនេះ។ សម្ដេចតេជោ បានមានប្រសាសន៍បញ្ជាក់ជាថ្មីថា សម្រាប់គម្រោងព្រែកជីកហ្វូណនតេជោ គឺមិនមានក្ដីបារម្ភណាមួយចំពោះបញ្ហាបរិស្ថាន និងសង្គមនោះទេ ដូច្នេះកម្ពុជាត្រូវតែអនុវត្តគម្រោងព្រែកជីកនេះឱ្យខាងតែបាន។សម្ដេចបានមានប្រសាសន៍បញ្ជាក់ឡើងវិញថា គម្រោងព្រែកជីកហ្វូណនតេជោនេះ គឺជាគំនិត​ផ្ដួចផ្ដើម​តែមួយគត់ចេញពីកម្ពុជាសុទ្ធសាធ។ សម្ដេចតេជោ ជំទាស់យ៉ាងដាច់ណាត់ចំពោះក្រុមប្រឆាំងជ្រុលនិយមមួយចំនួនដែលបានឡើងឡើងថា គម្រោងព្រែកជីកនេះជាគំនិត​ផ្ដួចផ្ដើម​របស់ចិន និងធ្វើឡើងដើម្បីគាំទ្រដល់ដល់ចិន។សម្ដេចតេជោ ហ៊ុន សែន បានសម្ដែងការសោកស្ដាយចំពោះក្រុមអ្នកវិភាគប្រឆាំងជ្រុលនិយមមួយក្ដាប់តូច ដែលនៅតែបន្តយករឿងព្រែកជីកហ្វូណននេះ មកភ្ជាប់នូវបញ្ហានយោបាយតំបន់ប្រឆាំងចិន។ សម្ដេចតេជោ សម្ដែងការសោកស្ដាយ ដែលក្នុងនាមជាបញ្ញវន្តមួយរូប ប៉ុន្ដែក្រុមអ្នកវិភាគប្រឆាំងមួយក្ដាប់តូចនោះ បែរជាបន្តយករឿងដែលជាសមិទ្ធផលសម្រាប់ការអភិវឌ្ឍសង្គម និងសេដ្ឋកិច្ចជាតិមកធ្វើជាឈ្នាន់នយោបាយរបស់ពួកគេ។ សម្ដេចតេជោបានបញ្ជាក់ថា តាមរយៈគម្រោងព្រែកជីកហ្វូណនតេជោនេះ នឹងចូលរួមផ្ដល់ផលចំណេញលើចម្ងាយផ្លូវប្រវែង ១៦៩ គីឡូម៉ែត្រ ក្នុងការដឹកជញ្ជូនទំនិញ និងការធ្វើចរាចរណ៍នៅលើផ្លូវថ្នល់ ដែលផ្ដល់ភាពងាយស្រួលលើការដឹកញ្ជូន។សម្ដេចតេជោ បានមានប្រសាសន៍បញ្ជាក់ថា តាមរយៈគម្រោងព្រែកជីកហ្វូណនតេជោនេះ នឹងផ្ដល់ប្រព័ន្ធស្រោចស្របដល់បណ្ដាខេត្ត ទិសនីរតីនៃប្រទេសកម្ពុជា។ ព្រែកជីកនេះ អាចទាញទឹកឱ្យប្រជាជនសម្រាប់បង្កបង្កើនផល និងប្រើប្រាស់ ដូច្នេះពលរដ្ឋនឹងបង្កើតបាននូវមុខរបរដូចជាការធ្វើកសិកម្មពីធ្វើមួយលើក ទៅធ្វើពីរលើក ឬលើសពីនេះ។ សម្ដេចតេជោ បានសង្កត់ធ្ងន់ថា កម្ពុជាមិនល្ងង់រហូតដល់សុខទៅទាញទឹកប្រៃមកបំផ្លាញទឹកសាបខ្លួនឯងនោះទេ។ អ៊ីចឹង ផលប្រយោជន៍ គឺកម្ពុជាអាចបង្កើតបាននូវប្រព័ន្ធស្រោចស្របនៃទិសនីរតី ហើយភាពបៃតងនៃទិសនីរតីរបស់កម្ពុជា ហើយនឹងកើតឡើងនៃការដាំដុះ ការដាំដើមឈើ ដោយសារកម្ពុជាមានបណ្ដាញទឹកស្រោចស្របដ៏ល្អនេះ។សម្ដេចតេជោ ហ៊ុន សែន បានមានប្រសាសន៍បញ្ជាក់ថា តាមរយៈគម្រោងព្រែកជីកហ្វូណនតេជោនេះ ក៏នឹងជួយទប់ស្កាត់បញ្ហាទឹកជំនន់នៅរដូវវស្សា ក្នុងប្រទេសកម្ពុជាផង និងបណ្ដាប្រទេសជិតខាងផងដែរ។ ក្រោយមានព្រែកជីកហ្វូណនតេជោ វិស័យទេសចរណ៍របស់ប្រទេសកម្ពុជា នៅទិសនីរតី ដូចការប្រសិទ្ធនាមថា តារារះនៅទិសនីរតីផងដែរ។ សម្ដេចតេជោជំរុញដល់រាជរដ្ឋភិបាលកម្ពុជា ពន្លឿនដល់ការបើកការដ្ឋានក្នុងការស្ថាបនា ព្រែកជីកហ្វូណនតេជោនេះតែម្ដង។សម្ដេចតេជោ ហ៊ុន សែន បានមានប្រសាសន៍ផ្ដាំផ្ញើទៅប្រជាពលរដ្ឋ សូមចាប់អារម្ភ​លើឯករាជ្យភាពខាងនយោបាយ លើការដឹកជញ្ជូនរបស់កម្ពុជា។ កម្ពុជាមិនចាំបាច់យកវៀតណាមធ្វើជាសត្រូវ ហើយវៀតណាមក៏មិនចាំបាច់យកកម្ពុជាធ្វើជាសត្រូវដែរ។ ប៉ុន្ដែមានក្រុមប្រឆាំងជ្រុលនិយមដែលនៅតែបន្តលើកឡើងនូវរឿងព្រែកជីកហ្វូណនតេជោនេះ ទៅភ្ជាប់នឹងបញ្ហាភូមិសាស្រ្តនយោបាយក្នុងតំបន់។សម្ដេចបានរម្លឹកថា ព្រះបាទអង្គឌួង បានគិតគូរពីការស្ថាបនា ព្រែកជីកនេះ តាំងពីឆ្នាំ ១៨៤០ មកម្ល៉េះ។ មានគេនិយាយថា បើធ្វើព្រែកជីកនេះ ចំណេញសួរថា កាលពីជាង ៤០ឆ្នាំមុន ហេតុអ្វីមិនធ្វើព្រែកជីកនេះ ។ សម្ដេច បញ្ជាក់ថា ពេលនោះ កម្ពុជាក្រណាស់ មិនមែនកម្ពុជាមិនចង់ធ្វើនាពេលនោះទេ។សម្ដេចតេជោ ហ៊ុន សែន បានមានប្រសាសន៍បញ្ជាក់ទៀតថា សម្ដេចមិនត្រូវការឱ្យប្រជាជនកម្ពុជា និងវៀតណាមស្អប់គ្នា នឹងយកគ្នាធ្វើជាសត្រូវនោះទេ។ សម្ដេចតេជោ ចង្អុលបង្ហាញថា ការធ្វើព្រែកជីកនេះ គឺនឹងបន្សល់ទុកដល់កម្ពុជាលើសពីការអភិវឌ្ឍសេដ្ឋកិច្ច និងសង្គម នោះគឺការឯករាជ្យខាងនយោបាយលើវិស័យដឹកជញ្ជូនផ្លូវទឹករបស់កម្ពុជា៕

(ភ្នំពេញ)៖ ក្រសួងធនធានទឹក និង ឧតុនិយម នៅថ្ងៃទី១៦ ខែឧសភា ឆ្នាំ២០២៤ បានឱ្យដឹងថា សម្ពាធទាបគ្របដណ្ដប់មក​លើ​ឈូងសមុទ្រថៃ ព្រះរាជាណាចក្រកម្ពុជា ភាគកណ្តាលនៃអាងទន្លេមេគង្គ និងសមុទ្រចិនខាងត្បូង។ស្ថានភាពបែបនេះនឹងធ្វើឱ្យ៖ ចាប់ពីថ្ងៃទី១៦ ដល់ថ្ងៃទី១៨ ខែឧសភា ឆ្នាំ២០២៤៖ ១. តំបន់វាលទំនាប ៖ -សីតុណ្ហភាពអប្បបរមា២៤°C និងសីតុណ្ហភាពអតិបរមា៣៥°C ។ ខ្យល់បក់មកពីទិសអាគ្នេយ៍ និងទិសនិរតី មានល្បឿនមធ្យម២,៥ ម៉ែត្រ/វិនាទី។ ខេត្តបន្ទាយមានជ័យ សៀមរាប បាត់ដំបង ពោធិ៍សាត់ កំពង់ចាម ត្បូងឃ្មុំ កំពង់ឆ្នាំង កំពង់ធំ ស្វាយរៀង ព្រៃវែង តាកែវ កណ្តាល និងភ្នំពេញអាចមានភ្លៀងធ្លាក់ជាមួយផ្គរ រន្ទះ និងខ្យល់កន្ត្រាក់គ្របដណ្ដប់លើផ្ទៃដី២០%។២.តំបន់ខ្ពង់រាប ៖ -សីតុណ្ហភាពអប្បបរមា២៤°C និងសីតុណ្ហភាពអតិបរមា៣៦°C។ ខ្យល់បក់មកពីទិសបស្ចិម និងទិសនិរតី មានល្បឿនមធ្យម ៣,៥ម៉ែត្រ/វិនាទី។ ខេត្តឧត្តរមានជ័យ ព្រះវិហារ ស្ទឹងត្រែង ប៉ៃលិន កំពង់ស្ពឺ រតនគិរី មណ្ឌលគិរី តំបន់ជួរភ្នំក្រវាញ និងជួរភ្នំដងរែក អាចមានភ្លៀងធ្លាក់ជាមួយផ្គរ រន្ទះ និងខ្យល់កន្ត្រាក់គ្របដណ្ដប់លើផ្ទៃដី២៥%។៣.តំបន់មាត់សមុទ្រ ៖-សីតុណ្ហភាពអប្បបរមា២៤°C និងសីតុណ្ហភាពអតិបរមា៣៥°C ។ ខ្យល់បក់មកពីទិសនិរតី មានល្បឿន មធ្យម២,៥ម៉ែត្រ/វិនាទី។ ខេត្តកោះកុង ព្រះសីហនុ កំពត កែប និងជួរភ្នំបូកគោ អាចមានភ្លៀងធ្លាក់ជាមួយផ្គរ រន្ទះ និងខ្យល់កន្ត្រាក់ គ្របដណ្ដប់លើផ្ទៃដី១៥%។ -រលកសមុទ្រមានកម្ពស់មធ្យមអប្បបរមា០,៥០ម៉ែត្រ និងកម្ពស់មធ្យមអតិបរមា១,៥០ម៉ែត្រ៕

(ភ្នំពេញ)៖ ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានទទួលជួបសម្តែងការគួរសម និងពិភាក្សាការងារ ជាមួយឯកឧត្តម Patrick Murphy ឯកអគ្គរដ្ឋទូតសហរដ្ឋអាមេរិក ប្រចាំព្រះរាជាណាចក្រកម្ពុជា និងសហការី នៅទីស្តីការក្រសួងមហាផ្ទៃ នារសៀលថ្ងៃទី១៥ ខែឧសភា ឆ្នាំ២០២៤។  ក្នុងឱកាសនោះដែរ អភិសន្តិបណ្ឌិត ស សុខា បានមានប្រសាសន៍កោតសរសើរចំពោះអាណត្តិបេសកកម្ម និងកត់សម្គាល់អំពីបុគ្គលិកលក្ខណៈជាអ្នកកាទូតរបស់ ឯកឧត្តម Patrick Murphy។ ប្រមុខក្រសួងមហាផ្ទៃកម្ពុជា បានបង្ហាញការកត់សម្គាល់ថា ឯកឧត្តម Patrick Murphy បានដើរតួនាទីយ៉ាងសកម្មក្នុងការបន្តពង្រឹងនូវចំណងទំនាក់ទំនងការទូត ដ៏យូរលង់ជាង៧ទសវត្សរ៍ រវាងកម្ពុជា និងអាមេរិក និងបានវាយតម្លៃខ្ពស់ចំពោះកិច្ចខិតខំប្រឹងប្រែងរបស់ឯកឧត្តម «ក្នុងនាមជាអ្នកការទូត គួរជាទីគោរព ប្រកបដោយចំណេះដឹង និងបទពិសោធជ្រៅជ្រះអំពីតំបន់អាស៊ី ប៉ាស៊ីហ្វិក»។ក្នុងនាមរាជរដ្ឋាភិបាលកម្ពុជា និងក្រសួងមហាផ្ទៃ ក៏ដូចជាប្រជាជនកម្ពុជា ឯកឧត្តមអភិសន្តិបណ្ឌិត ស សុខា ក៏បានថ្លែងអំណរគុណ ចំពោះការជួយឧបត្ថម្ភគាំទ្ររបស់សហរដ្ឋអាមេរិក ក្នុងដំណើរការស្តារកសាង និងអភិវឌ្ឍរបស់កម្ពុជាក្នុងរយៈពេល ៤០ឆ្នាំ ចុងក្រោយនេះ តាមរយៈទីភ្នាក់ងារអភិវឌ្ឍន៍អាមេរិក (USAID)។ឯកឧត្តម Patrick Murphy ឯកអគ្គរដ្ឋទូតសហរដ្ឋអាមេរិក ប្រចាំកម្ពុជា បានថ្លែងអំណរគុណចំពោះការវាយតម្លៃរបស់ឯកឧត្តមអភិសន្តិបណ្ឌិត ស សុខា ក៏ដូចជាការគាំទ្រ និងការឆ្លើយតបយ៉ាងល្អរបស់រាជរដ្ឋាភិបាលកម្ពុជា ក្នុងការផ្តល់កិច្ចការពា រសន្តិសុខ និងសុវត្ថិភាព ដល់និវេសនដ្ឋានទូត និងពលរដ្ឋអាមេរិក ព្រមទាំងកិច្ចសហការយ៉ាងហ្មត់ចត់ជាមួយភ្នាក់ងារអនុវត្តច្បាប់អាមេរិក។ ឯកឧត្តម Patrick Murphy ក៏បានវាយតម្លៃខ្ពស់ចំពោះវឌ្ឍនភាពនៃកំណែទម្រង់វិមជ្ឈការ និងវិសហមជ្ឈការនៅក្នុងនីតិកាលទី៧ នៃរដ្ឋសភា ដែលបានប្រព្រឹត្តទៅប្រកបដោ យតម្លាភាព។ ឯកឧត្តម ក៏បង្ហាញក្ដីសង្ឃឹមថា កិច្ចសហប្រតិបត្តិការ អនុវត្តច្បាប់រវាងព្រះរាជាណាចក្រកម្ពុជា និងសហរដ្ឋអាមេរិក នឹងបន្តផ្ដល់លទ្ធផលប្រសើរជាបន្តបន្ទាប់ នាពេលខាងមុខ ទៀត។ក្នុងជំនួបនេះផងដែរ ភាគីទាំងពីរ បានអបអរសាទរចំពោះវឌ្ឍនភាព និងវាយតម្លៃខ្ពស់ចំពោះលទ្ធ ផលប្រកបដោយផ្លែផ្កា នៅក្នុងអាណត្តិបេសកកម្មរបស់ឯកឧត្តមឯកអគ្គរដ្ឋទូត។ ភាគីទាំងពីរ ក៏បានឯកភាពបន្តប្ដេជ្ញាពង្រឹងពង្រីកទំនាក់ទំនង និងកិច្ចសហប្រតិបត្តិការ ដើម្បីឧត្តមប្រយោជន៍រួមសម្រាប់ជាតិ និងប្រជាជននៃប្រទេសទាំងពីរ៕

(ភ្នំពេញ)៖ ដើម្បីជាការលើកទឹកចិត្តដល់អតិថិជន ដែលតែងតែគាំទ្រ ផលិតផលនំស្រួយ ណាបាទី ជានំស្រួយ ដែលមានរសជាតិឆ្ងាញ់ និងសម្បូរទៅដោយវីតាមីន និងជាទីពេញនិយមសម្រាប់ មនុស្សគ្រប់វ័យ ជាពិសេស គឺកុមារ។ ក្រុមហ៊ុន ណាប៉ាទិ ហ្វូដ (ខេមបូឌា) បានផ្ដល់នូវឱកាសឈ្នះមហារង្វាន់ដ៏ពិសេស ពីនំស្រួយ ណាបាទី យ៉ាងច្រើនសន្ធឹកសន្ធាប់រួមមាន ម៉ូតូហុងដាឌ្រីម ២០២៤ កង់អគ្គិសនី មាសសុទ្ធ១ជី ទូរស័ព្ទដៃ កង្ហា កាបូបស្ពាយ និងរង្វាន់នំស្រួយ ណាបាទី ជាច្រើនរង្វាន់ទៀត ជូនដល់អតិថិជនរបស់ខ្លួន។ -លក្ខខណ្ឌចូលរួមផ្សងសំណាងងាយៗ ក្នុងឱកាសឈ្នះមហារង្វាន់ ពីនំស្រួយ ណាបាទី អតិថិជនគ្រាន់តែ សរសេរឈ្មោះ, លេខអត្តសញ្ញាណប័ណ្ណ, អាសយដ្ឋានបច្ចុប្បន្ន និង លេខទូរស័ព្ទ កឹបភ្ជាប់ជាមួយនឹងសម្បកកញ្ចប់នំស្រួយណាបាទី (រសជាតិមួយណាក៏បាន) រួចយកទៅដាក់ក្នុងធុងឆ្នោតដែលនៅជិតលោកអ្នកបំផុត។ កម្មវិធីចាប់ផ្ដើមពីថ្ងៃនេះរហូតដល់ ថ្ងៃទី៣១ ខែកក្កដា ឆ្នាំ២០២៤។ ការចាប់រង្វាន់នឹងធ្វើឡើងរៀងរាល់១ខែម្ដង។-អ្នកឈ្នះរង្វាន់ នឹងប្រកាសនៅក្នុង ហ្វេសប៊ុកផេកផ្លូវការ (Nabati Cambodia) និងតាមបណ្ដា ប្រព័ន្ធផ្សព្វផ្សាយសង្គមនានា។ អ្នកឈ្នះរង្វាន់ត្រូវអញ្ជើញមកទទួលរង្វាន់នៅក្រុមហ៊ុន ឬ តំណាងចែកចាយដោយផ្ទាល់ និងភ្ជាប់មកជាមួយនូវ អត្តសញ្ញាណប័ណ្ណ ឬសៀវភៅស្នាក់នៅ ឬសំបុត្រកំណើត។ ប្រសិនបើរាល់ការទាក់ទងទៅអ្នកឈ្នះរង្វាន់ពុំមានការឆ្លើយតប ចំនួន៣ថ្ងៃ ក្រុមហ៊ុននឹងធ្វើការផ្ទេររង្វាន់ទៅអ្នកឈ្នះបន្ទាប់។-លក្ខខណ្ឌផ្សេងៗត្រូវបានអនុវត្តន៍។​លេខទូរស័ព្ទទំនាក់ទំនង 098 777 271។នំស្រួយណាបាទី ជាផលិតផលមានគុណភាពខ្ពស់មកពីប្រទេសឥណ្ឌូនេស៊ី ត្រូវបានចែកចាយនៅលើទីផ្សារអន្ដរជាតិជាង ៦០ប្រទេស ចាប់តាំងពីឆ្នាំ ២០១១ និងត្រូវបានចែកចាយក្នុង ប្រទេសកម្ពុជា ដោយក្រុមហ៊ុន ណាប៉ាទិ ហ្វូដ (ខេមបូឌា) ឯ.ក ក្នុងឆ្នាំ ២០១៩ រហូតដល់បច្ចុប្បន្ន៕

(ភ្នំពេញ)៖ ក្រសួងការងារ និងបណ្ដុះបណ្ដាលវិជ្ជាជីវៈ បានចេញសេចក្តីជូនដំណឹង ស្តីពីការបញ្ចប់ការលើកលែងតម្លៃសេវាការអនុញ្ញាតចេញ-ចូល សម្រាប់បងប្អូនពលករកម្ពុជាវិលត្រលប់មកស្រុកកំណើត អំឡុងពេលពិធីបុណ្យចូលឆ្នាំថ្មី ប្រពៃណីជាតិ។

(អន្តរជាតិ)៖ ក្រសួងយុត្តិធម៌អាមេរិក នៅថ្ងៃអង្គារ ទី១៤ ខែឧសភា បាននិយាយថា ក្រុមហ៊ុន Boeing អាចត្រូវបានកាត់ទោសចំពោះការធ្លាក់យន្តហោះ 737 Max ចំនួនពីរលើកជាបន្តបន្ទាប់ ដែលបានសម្លាប់មនុស្ស 346 នាក់ ប្រហែលប្រាំឆ្នាំមុន។ មន្ត្រីនាយកដ្ឋានបាននិយាយនៅក្នុងលិខិតមួយ ទៅកាន់តុលាការសហព័ន្ធក្នុងរដ្ឋតិចសាស់ថា ក្រុមហ៊ុន Boeing បានបំពានកាតព្វកិច្ច ក្រោមកិច្ចព្រមព្រៀង ដែលបានការពារវាប្រឆាំងនឹងដំណើរការផ្លូវច្បាប់សម្រាប់គ្រោះថ្នាក់នេះ។ ក្រុមហ៊ុន Boeing បានប្រាប់ AFP ថា "យើងជឿថា យើងបានគោរពលក្ខខណ្ឌនៃកិច្ចព្រមព្រៀងនោះ" ហើយបាននិយាយថា ខ្លួនមានផែនការការពារខ្លួន។ មន្ត្រីអាមេរិកបាននិយាយនៅក្នុងលិខិតរបស់ពួកគេថា ក្រុមហ៊ុន Boeing បានបំពានកាតព្វកិច្ចរបស់ខ្លួនក្រោមកិច្ចព្រមព្រៀងកាត់ទោសពន្យាពេល (DFA) ដោយ "បរាជ័យក្នុងការរចនា អនុវត្ត និងអនុវត្តកម្មវិធីអនុលោមភាព និងក្រមសីលធម៌ដើម្បីការពារ និងរកឃើញការរំលោភច្បាប់ក្លែងបន្លំរបស់សហរដ្ឋអាមេរិកពេញមួយប្រតិបត្តិការរបស់ខ្លួន" ។ការបំពានបែបនេះនឹងមានន័យថាក្រុមហ៊ុន Boeing អាចត្រូវបានកាត់ទោសចំពោះការរំលោភលើច្បាប់ សហព័ន្ធដែលទាក់ទងនឹងការធ្លាក់យន្តហោះ នេះបើយោងតាមមន្ត្រីយុត្តិធម៌សហរដ្ឋអាមេរិក។រដ្ឋាភិបាលកំពុងវាយតម្លៃពីរបៀបបន្តក្នុងបញ្ហានេះ ហើយបានបញ្ជាឱ្យក្រុមហ៊ុន Boeing ឆ្លើយតបនៅថ្ងៃទី ១៣ ខែមិថុនា។ មន្ត្រីអាមេរិកក៏មានគម្រោងជួបជាមួយក្រុមគ្រួសារនៃអ្នកស្លាប់ ក្នុងឧបទ្ទវហេតុ ធ្លាក់យន្តហោះ Lion Air Flight 610 និង Ethiopian Airlines Flight 302។ មេធាវី Paul Cassell ដែលតំណាងឱ្យគ្រួសារជនរងគ្រោះធ្លាក់យន្តហោះបាននិយាយថា "នេះគឺជាជំហានដំបូងវិជ្ជមាន ហើយសម្រាប់ក្រុមគ្រួសារ នឹងមានរយៈពេលយូរ" ។ Cassell បានអំពាវនាវឱ្យមានចំណាត់ ការបន្ថែមទៀតពីនាយកដ្ឋានយុត្តិធម៌ ហើយបានបន្ថែមថាគាត់នឹងស្វែងរកព័ត៌មានលម្អិតទាក់ទងនឹង "ដំណោះស្រាយដែលពេញចិត្ត" ចំពោះកំហុសរបស់ក្រុមហ៊ុន Boeing ។សូមរំលឹកផងដែរថា កាលពីខែមីនា ឆ្នាំ 2019 យន្តហោះ Boeing 737 MAX 8 ដំណើរការដោយក្រុមហ៊ុនអាកាសចរណ៍ Ethiopian Airlines បានធ្លាក់នៅភាគអាគ្នេយ៍នៃទីក្រុង Addis Ababa ដោយបានសម្លាប់មនុស្ស 157 នាក់នៅលើយន្តហោះ។វាជាឧបទ្ទវហេតុលើកទីពីរក្នុងរយៈពេល 5 ខែសម្រាប់យន្តហោះ 737 MAX ដែលជាខ្សែផលិតផលដែលចង់ជំនួសយន្តហោះ 737 NG ។ការធ្លាក់លើកទីមួយ ពាក់ព័ន្ធនឹងយន្តហោះ MAX 8 ដែលដំណើរការដោយក្រុមហ៊ុន Lion Air បានកើតឡើងនៅក្នុងខែតុលាឆ្នាំមុន នៅសមុទ្រ Java របស់ប្រទេសឥណ្ឌូនេស៊ី ហើយបានបណ្តាលឱ្យមនុស្ស 189 នាក់បានស្លាប់។ យន្តហោះទាំងពីរបានធ្លាក់ភ្លាមៗ បន្ទាប់ពីការហោះឡើង ជាមួយនឹងការស៊ើបអង្កេតក្រោយមកបានចង្អុលបង្ហាញ ពីបញ្ហាជាមួយនឹងប្រព័ន្ធហោះហើរស្វ័យប្រវត្តិ។ យន្តហោះនេះត្រូវបានចុះចតជាបណ្តោះអាសន្ន ឬហាមឃាត់ពីដែនអាកាសជុំវិញពិភពលោក។Boeing បាននិយាយនៅក្នុងសេចក្តីថ្លែងការណ៍មួយទៅកាន់ AFP ថា "យើងនឹងចូលរួម ជាមួយនាយកដ្ឋានជាមួយនឹងតម្លាភាពបំផុត ដូចដែលយើងមានពេញមួយអាណត្តិនៃកិច្ចព្រមព្រៀង" ។ វាបាននិយាយថានេះក៏រួមបញ្ចូលទាំង "ការឆ្លើយតបទៅនឹងសំណួររបស់ពួកគេបន្ទាប់ពីគ្រោះថ្នាក់ Alaska Airlines 1282" ។ ការផ្ទុះឆេះកណ្តាលជើងហោះហើរយ៉ាងខ្លាំងនៅថ្ងៃទី 5 ខែមករា នៃបន្ទះតួនៅលើ យន្តហោះ Alaska Airlines បានធ្វើឱ្យមានការចាកចេញរបស់មន្ត្រីកំពូលៗជាច្រើនរូបរបស់ Boeing រួមទាំងនាយកប្រតិបត្តិ Dave Calhoun ដែលគ្រោងនឹងចុះចេញពីដំណែងនៅចុងឆ្នាំ៕

(ភ្នំពេញ)៖ ប៊ូសស្រ្តងចិត្តល្អ ជួយគុនខ្មែរ ឧបត្ថម្ភប្រាក់លើកទឹកចិត្តបន្ថែមដល់ម្ចាស់ឡានប៊ូសស្រ្តងទី១ គឺកីឡាករគុនខ្មែរ ពេជ្រ សម្បត្តិ ចំនួន ១លានរៀល ក្រោយប្រកួត Kick Boxing ឈ្នះជើងខ្លាំងចិន ឈ្មោះ វ៉ាង ស៊ុនយ៉ាង ដោយពិន្ទុ នៅក្នុងកម្មវិធី GANZBERG រាជសីហ៍ KUN KHMER កាលពីយប់មិញនេះ។ គួរបញ្ជាក់ផងដែរថា ប៊ូសស្រ្តង ជាក្រុមហ៊ុនធំដំបូងគេបង្អស់ ចិត្តល្អ ហ៊ានបង្កើតមហាព្រឹត្តិការណ៍ប្រដាល់គុនខ្មែរ ដាក់ឡានសរុប៤គ្រឿងហើយ ដែលឱ្យកីឡាករគុនខ្មែរប្រកួតដណ្ដើមយកមិនធ្លាប់មានពីមុន “ប៊ូសស្រ្តងជួយគុនខ្មែរ អ្នកខ្លាំងពូកែ ប៊ូសស្រ្តងឱ្យឡាន” ហើយកីឡាករគុនខ្មែរ ពេជ្រ សម្បតិ្ត ជាអ្នកខ្លាំងគុនខ្មែរទី១ ដែលទទួលបានឡានថ្មីខ្លាញ់គោពីប៊ូសស្រ្តង។ ដូច្នេះរាល់ពេលម្ចាស់ឡានប៊ូសស្រ្តងប្រកួតទទួលបានជ័យជម្នះ ប៊ូសស្រ្តងតែងតែចូលរួមអបអរ និងបន្តជួយជ្រោមជ្រែងផ្ដល់ប្រាក់រង្វាន់លើកទឹកចិត្តជាបន្តបន្ទាប់ ដើម្បីជាការលើកទឹកចិត្ត និងលើកស្ទួយវិស័យគុនខ្មែរឱ្យកាន់តែល្បីល្បាញពាសពេញពិភពលោក។ ប៊ូសស្រ្តងជួយគុនខ្មែរ! ស្រលាញ់គុនខ្មែរ ញុំាប៊ូសស្រ្តង!  

(អន្តរជាតិ)៖ តម្លៃធូរេន Ri 6 បានធ្លាក់ចុះពី 60 ទៅ 70% ពីកម្រិតខ្ពស់បំផុតក្នុងខែកុម្ភៈមកត្រឹម 50,000 ដុង (1.96 ដុល្លារ) ក្នុងមួយគីឡូក្រាមដែលជាតម្លៃទិញនៅច្រកទ្វារកសិដ្ឋាន ខណៈដែលផ្លែឈើចូល ដល់រដូវសំខាន់របស់វា។ Hoang ដែលដាំផ្លែឈើលើផ្ទៃដីកន្លះហិចតានៅទីក្រុង Can Tho បាននិយាយថា "ទោះបីជា [តម្លៃធ្លាក់ចុះ] យើងបានគ្រប់គ្រងដើម្បីរកប្រាក់ចំណេញបាន 200 លានដុងក្នុងរដូវកាលនេះ" ។របាយការណ៍ពីតំបន់ដីសណ្តមេគង្គ និងតំបន់ភាគអាគ្នេយ៍បង្ហាញថា តម្លៃបានធ្លាក់ចុះចាប់តាំងពីដើមខែនេះ។ តម្លៃធុរេនថៃម៉ុងថុងក៏បានធ្លាក់ចុះជាង 50% ផងដែរ ពីកម្រិតខ្ពស់បំផុតកាលពីបីខែមុនមកត្រឹម 60,000-70,000 ដុង។ លោក Manh Khuong ឈ្មួញទុរេននៅ Can Tho បានចាត់ទុកការធ្លាក់ចុះ នៃតម្លៃដោយសារការកើនឡើងនៃការផ្គត់ផ្គង់នៅពេលនេះ ដែលរដូវប្រមូលផលបានចាប់ផ្ដើម។នាយកប្រតិបត្តិក្រុមហ៊ុននាំចេញផ្លែឈើ Van Hoa ក៏បាននិយាយផងដែរថា ការផ្គត់ផ្គង់បាន កើន ឡើងបើធៀបនឹងដើមឆ្នាំ។ ក្នុងរយៈពេលបួនខែដំបូងនៃឆ្នាំ 2024 ការនាំចេញទុរេនបានកើនឡើងដល់ 500 លានដុល្លារ កើនឡើង 30% ពីមួយឆ្នាំទៅមួយឆ្នាំ នេះបើយោងតាមសមាគមផ្លែឈើ និងបន្លែវៀតណាម។ វាបាននិយាយថា តម្រូវការពីប្រទេសចិនបានកើនឡើងនៅឆ្នាំនេះ។ខណៈពេលដែលតំបន់ជាច្រើនបានរងផលប៉ះពាល់ដោយការប្រែប្រួលអាកាសធាតុ ហើយឃើញថាទិន្នផលទុរេនទាបជាងឆ្នាំមុន ការផ្គត់ផ្គង់ពីតំបន់ខ្ពង់រាបកណ្តាលនៅតែមានកម្រិតខ្ពស់ ដោយសារការអនុវត្តកសិកម្មល្អ។ កាលពីឆ្នាំមុន ប្រទេសវៀតណាមបាននាំចេញទុរេនក្នុងតម្លៃ ២,៣ ពាន់លានដុល្លារ ស្មើនឹង ៨៧% ទៅប្រទេសចិន។ ការនាំចេញនៅឆ្នាំនេះត្រូវបានគេរំពឹងថានឹងឈានដល់ 3.5 ពាន់លានដុល្លារ ប្រសិនបើប្រទេសចិនយល់ព្រមលើការនាំចូលទុរេនទឹកកក។ មន្ទីរកសិកម្មខេត្តណែនាំកសិករឲ្យថែទាំដំណាំរបស់ខ្លួនឲ្យបានត្រឹមត្រូវដើម្បីធានាគុណភាពព្រោះប្រទេសចិនកំពុងរឹតបន្តឹងការគ្រប់គ្រងលើការនាំចូល៕

(សង្គម)៖ មហាជនដែលបានឃើញនូវការបង្ហោះរបស់លោកគ្រូពេទ្យមួយរូបនេះហើយ មានការខ្លោច ចិត្តអាណិតដល់ទារកជាខ្លាំង ដែលគ្នានៅក្នុងពោះមិនដឹងអ្វីសោះ បែរជាកើតចេញមកមានបញ្ហា ដោយសារតែអ្នកម្ដាយ មិនសូវជឿលើពេទ្យ បែរជាទៅជឿលើរបៀបថែទាំខ្លួនបែបចាស់បុរណាទៅវិញ លទ្ធផលរងគ្រោះ ធ្លាក់លើកូនដែលគ្នាមិនទាន់ដឹងក្ដីសោះ។ជាក់ស្ដែង លោកគ្រូពេទ្យម្នាក់ដែលមានគណនីហ្វេសបុក Chhorn Samnang បានធ្វើការបង្ហោះរូបភាពដ៏គួរឱ្យសង្វែកអមដោយខ្លឹមសារថា « លទ្ធផលថ្នាំខ្មែរ (ឬសឈើ មែកឈើ), ស្រាថ្នាំ។ កូនកើតថ្ងៃទី ៣ ខែឧសភា ឆ្នាំ ២០២៤ ម្តាយផឹកថ្នាំបុរាណ មិនផឹកថ្នាំដែលពេទ្យបើកឱ្យ (គ្រាប់ថ្នាំជាតិដែក) និង អាំងភ្លើង។ លទ្ធផល នៅថ្ងៃទី ១៤ ឧសភា ២០២៤ ឡើងជាំលើស្បែក និង ហូរឈាមតាមផ្ចិត។មហាជននិយមលេងបណ្ដាញសង្គមភាគច្រើនម្ដាយបានបញ្ចេញមតិយ៉ាងដូច្នេះថា ក្នុងនាមជាម្តាយម្នាក់ឃើញកូនបែបនេះពិតជាមានអារម្មណ៍ឈឺចាប់ណាស់ សូមជូនពរទារកតូចឆាប់ជាសះស្បើយ និងរួចផុតពីគ្រោះថ្នាក់។ មហាជនខ្លះទៀតបន្តថា ជំនឿដោយគ្មានការពិចារណា ធ្វើអោយគ្រោះថ្នាក់ណាស់។ ការពិតទៅថ្នាំពេទ្យក៏គេផ្សំចេញពីឱសថ ឬសឈើ និងដើមឈើខ្លះដែរ តែមានការពិសោធន៍ និងសំលាប់មេរោគ ឬច្រោះជាតិពុលចេញអស់ បើយើងយកមកដាំផឹកតែម្តង វាប្រឈមនិងសារធាតុពុល ឬមានមេរោគជាច្រើន អាចបង្កអោយប៉ះពាល់ថ្លើម និងក្រពះធ្ងន់ធ្ងរ។ទោះជាយ៉ាងណាក៏ដោយ ករណីខាងលើនេះ សូមមហាជនចែករំលែកបន្តឱ្យបានព្រោងព្រាត ទុកជាបទពិសោធន៍ ដល់អ្នកស្ត្រីដ៏ទៃដែលត្រៀមខ្លួនក្លាយជាម្ដាយដំបូង ក្មេងខ្ចី មិនសូវបានដឹងលឺ ជំនឿចាស់ៗបុរាណមួយចំនួន យើងមិនអាចយកមកប្រើប្រាស់ក្នុងជីវិតពិតនាបច្ចុប្បន្ននេះនោះទេ៕

(សៀមរាប)៖ យោងតាមការចុះផ្សាយរបស់អាជ្ញាធរជាតិអប្សរាបានឱ្យដឹងថា កន្លងទៅថ្មីៗនេះ ក្រុមការងារកំណាយស្រាវជ្រាវរបស់អាជ្ញាធរជាតិអប្សរា បានប្រទះឃើញ ព្រះកេសទេវតាចំនួនមួយ ដែលបានកប់ក្នុងរណ្ដៅកំណាយនៅខ្លោងទ្វារជ័យ នៃក្រុងអង្គរធំ។ កាលពីថ្ងៃទី៨ ខែឧសភា ឆ្នាំ២០២៤ ក្រុមការងារស្រាវជ្រាវនៃនាយកដ្ឋានអភិរក្សប្រាសាទ និងបុរាណវិទ្យា នៃអាជ្ញាធរជាតិអប្សរា បានប្រទះឃើញព្រះកេសទេវតាមួយ កប់ក្នុងរណ្ដៅកំណាយស្រាវជ្រាវ នៅបាតគ្រឹះខាងផ្នែកទេវតាទាញព្រ័ត្រ នៃខ្លោងទ្វារជ័យ។លោក អន សុភាព បុរាណវិទូ ដែលកំពុងធ្វើកំណាយនៅខ្លោងទ្វារជ័យបានបញ្ជាក់ថា ជាងពីរសប្ដាហ៍មកហើយ ដែលក្រុមការងារបស់លោកបាននិងកំពុងធ្វើកំណាយស្រាវជ្រាវបុរាណវិទ្យា នៅខ្លោងទ្វារជ័យនេះ។ លោកបញ្ជាក់ថា ការងារនេះធ្វើឡើងក្នុងបំណងពិនិត្យមើលរចនាសម្ព័ន្ធបាតគ្រឹះ ចម្លាក់កូរសមុទ្រទឹកដោះ ដើម្បីរៀបចំបង្រ្គប់ឯកសារក្នុងគម្រោងជួសជុលចំណុចនេះឡើងវិញ។ តាមការលើកឡើងរបស់លោក អន សុភាព ជាការចៃដន្យ ក្នុងពេលក្រុមការងារលោកកំពុងកំណាយនោះ ក៏បានប្រទះឃើញព្រះកេសមួយនៅស្អាត កប់ក្នុងរណ្ដៅជើងគ្រឹះទេវតាទាញព្រ័ត្រតែម្ដង។ ក្រោយការសិក្សា និងពិនិត្យ អ្នកជំនាញសន្និដ្ឋានថា ព្រះកេសនោះបានបាក់ធ្លាក់ពីរូបទេវតា នៅចំណុចលេខទី២៣ បើរាប់ពីជួរខាងមុខមក។ ព្រះកេសធ្វើពីថ្មភក់នេះមានបណ្ដោយ ២០ស.ម ទទឹង១១ស.ម និងកម្ពស់ ១២ស.ម។ ក្រោយកំណាយស្រាវជ្រាវបានមួយផ្នែកធំ អ្នកជំនាញបានសន្និដ្ឋានថា គ្រឹះចម្លាក់កូរសមុទ្រទឹកដោះ នៅខ្លោងទ្វារជ័យនេះនៅមានភាពមាំល្អ ព្រោះធ្លាប់បានជួសជុលម្ដងនៅសម័យកណ្ដាល និងសម័យបារាំង។ យ៉ាងណា លោក អន សុភាព បញ្ជាក់ថា តាមការឱ្យយោបល់ពីអ្នកពាក់ព័ន្ធ គេត្រូវកំណាយស្រាវជ្រាវនៅផ្នែកខាងលើបន្ថែមទៀត មើលស្ថានភាពតួស្ពានទាំងមូល ដើម្បីមើលស្ថានភាពជួសជុលនៅពេលនោះឱ្យបានល្អិតល្អន់ មុននឹងមានគម្រោងជួសជុល ចម្លាក់កូរសមុទ្រទឹកដោះ នាពេលខាងមុខ៕

(ភ្នំពេញ)៖ ទីបំផុត ប៊ូសស្រ្តង មហាព្រឹត្តិការណ៍បីស្រ្តី ឈ្នះរង្វាន់ម៉ូតូថ្មី ទូរស័ព្ទដៃទំនើប នឹងបន្តបេសកកម្មស្វែងរកអ្នកខ្លាំងបីស្រ្តីយូរជាងគេតាមបណ្ដាខេត្តក្រុងទូទាំងប្រទេស ហើយទីតាំងប្រកួតមុនគេ គឺនៅស្រុកពញាក្រែក ខេត្តត្បូងឃ្មុំ ថ្ងៃទី១៩ ខែឧសភា ឆ្នាំ២០២៤ វេលាម៉ោង៥រសៀលតទៅ។ប៊ូសស្រ្តង មហាព្រឹត្តិការណ៍បីស្រ្តី ជាមហាព្រឹត្តិការណ៍ប្រកួតបីស្រ្តីដំបូងគេ បំបែកកំណត់ត្រាពិភពលោក លើកតម្កើងស្រ្តីខ្មែរ បុរសបីស្រ្តីដោយក្ដីស្រលាញ់ច្រើនជាងគេ និងជាមហាព្រឹត្តិការណ៍តែ១គត់ ធ្វើឱ្យបុរសបង្ហាញក្ដីស្រលាញ់ចំពោះស្រ្តី លើកតម្កើងស្រ្តី បង្កើនចំណងភក្ដីក្នុងគ្រួសារកាន់តែរឹងមាំ និងបង្ហាញភាពកតញ្ញូចំពោះអ្នកមានគុណ។ លើសពីនេះ ប៊ូសស្រ្តងធ្លាប់ផ្ដល់រង្វាន់ជាច្រើនដល់ជ័យលាភី រួមមានឡានថ្មីខ្លាញ់គោ ម៉ូតូថ្មី និងទូរស័ព្ទដៃទំនើបជាច្រើនគ្រឿង ធ្វើឱ្យល្បីល្បាញទូទាំងប្រទេស។ដូច្នេះបងប្អូនតាមបណ្ដាខេត្តក្រុងត្រៀមខ្លួនចុះឈ្មោះប្រកួតបីស្រ្តីឈ្នះរង្វាន់ធំពីប៊ូសស្រ្តង ជាពិសេសបងប្អូនអ្នកខេត្តត្បូងឃ្មុំ អាចចុះឈ្មោះឥឡូវនេះរហូតដល់ថ្ងៃទី១៩ ខែឧសភា ឆ្នាំ២០២៤ តាមរយៈតំណភ្ជាប់ https://bit.ly/4bjmZ19 ឬ ហ្វេសប៊ុកផេកផ្លូវការ BOOSTRONG ឬ ទូរស័ព្ទ ០៩៦ ៦៦ ៥៥ ០៥៣។ប៊ូសស្រ្តងលើកតម្កើងស្ដ្រី! ស្រលាញ់ស្រ្តី ញ៉ាំប៊ូសស្ត្រង! https://www.facebook.com/share/v/E3qrnDG7huKr2iD9/?mibextid=oFDknk

 (ភ្នំពេញ)៖ នៅព្រឹកនេះ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជានិង​លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត អញ្ជើញដឹកនាំគណៈប្រតិភូម្ពុជា ដើម្បីបំពេញទស្សនកិច្ចផ្លូវការ នៅ​ប្រទេស​កូរ៉េ​ខាងត្បូង រយៈពេល ៤ថ្ងៃ ចាប់ពីថ្ងៃទី១៥ ដល់១៨ ខែឧសភា ឆ្នាំ២០២៤ ដើម្បី​ពង្រឹង​ពង្រីកទំនាក់ទំនង និងកិច្ចសហប្រតិបត្តិការ ជាពិសេសជំរុញការវិនិយោគ និងពាណិជ្ជកម្ម​រវាងកម្ពុជា និងកូរ៉េខាងត្បូង។គួររំលឹកថា គណៈប្រតិភូរាជរដ្ឋាភិបាលកម្ពុជា បាននិងកំពុងបន្តបេសកកម្ម ការទូតក្រៅប្រទេស ជាលើកទី១៥ ក្នុងគោលបំណងដើម្បីបន្តពង្រឹង ចំណងមិត្តភាពជាមួយប្រទេសក្នុងតំបន់អាស៊ាន និងសកល ដោយពង្រីកនូវកិច្ចសហប្រតិបត្តិការលើគ្រប់វិស័យ ដើម្បីឧត្តមប្រយោជន៍ជាតិ និងប្រជាជន៕

(ភ្នំពេញ)៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បានសម្រេចប្រគល់ភារកិច្ចជូន លោក គី តិច ប្រធានក្រុមមេធាវីរបស់រាជរដ្ឋាភិបាល ដើម្បីការពារប្រជាពលរដ្ឋ និងធ្វើជាតំណាងប្រជាពលរដ្ឋ នៅក្នុងសំណុំរឿងទាំងឡាយដែលកំពុងចាត់ការដោយស្ថាប័នអយ្យការ និង ស្ថាប័នតុលាការ នៃគម្រោងរបស់អតីតឧកញ៉ា ឡេង ចាន់ណា។នៅព្រឹកថ្ងៃទី១៥ ខែឧសភា ឆ្នាំ២០២៤នេះ សម្តេចធិបតីហ៊ុន ម៉ាណែត បានបង្ហោះសារអមដោយលិខិតសិទ្ធិប្រទានប្រគល់ភារកិច្ចជូនលោក គី តិច ដែលមានខ្លឹមសារទាំងស្រុងដូច្នេះថា៖ជូនដល់បងប្អូនប្រជាពលរដ្ឋដែលរងគ្រោះនៅក្នុងគម្រោងរបស់អតីតឧកញ៉ា ឡេង ចាន់ណាឆ្លើយតបទៅនឹងសំណូមពររបស់ប្រជាពលរដ្ឋដែលរងគ្រោះក្នុងករណីគម្រោងរបស់អតីតឧកញ៉ា ឡេងចាន់ណា ដែលបានស្នើសុំកិច្ចអន្តរាគមន៍ពីខ្ញុំ។ ខ្ញុំបានសម្រេចប្រគល់ភារកិច្ចជូនឯកឧត្តម គី តិច ប្រធានក្រុមមេធាវីរបស់រាជរដ្ឋាភិបាល ដើម្បីការពារប្រជាពលរដ្ឋ និងធ្វើជាតំណាងប្រជាពលរដ្ឋនៅក្នុងសំណុំរឿងទាំងឡាយដែលកំពុងចាត់ការដោយស្ថាប័នអយ្យការ និង ស្ថាប័នតុលាការ។ ខ្ញុំសូមយកឱកាសនេះ ដើម្បីបញ្ជាក់អំពីចំណាត់ការជាបន្តបន្ទាប់របស់រាជរដ្ឋាភិបាល និងរបស់រូបខ្ញុំផ្ទាល់ពាក់ព័ន្ធនឹងករណីនេះ។ ក្រោយពេលដែលឃើញមានផ្សព្វផ្សាយតាមប្រព័ន្ធបណ្ដាញសង្គមអំពីករណីទាមទារសំណងរបស់ប្រជាពលរដ្ឋដែលបានវិនិយោគនៅលើគម្រោង ប្រ៊ីលានស៊ីធី នៅខេត្តសៀមរាប របស់អតីតឧកញ៉ា ឡេង ចាន់ណា, នៅក្នុងអំឡុងពាក់កណ្តាលខែកុម្ភ: ឆ្នាំ២០២៤ ខ្ញុំបានប្រគល់ភារកិច្ចជូន ឯកឧត្តម សាយ សំអាល់ ឧបនាយករដ្ឋមន្ត្រី រដ្ឋមន្ត្រីក្រសួងដែនដី នគររូបនីយកម្ម និងសំណង់ ក៏ដូចជា ជូនឯកឧត្តម ប្រាក់ សោភ័ណ្ឌ អភិបាលនៃគណៈអភិបាលខេត្តសៀមរាប និងក្រុមជំនួយការច្បាប់របស់ខ្ញុំដើម្បីស្រាវជ្រាវ ក៏ដូចជារិះរកដំណោះស្រាយលើករណីនេះ។ តាមការប្រគល់ភារកិច្ច, ឯកឧត្តម សាយ សំអាល់ បានព្យាយាមធ្វើការសម្របសម្រួលជាមួយក្រុមហ៊ុន ក្នុងគោលបំណងរកដំណោះស្រាយជូនប្រជាជនវិញ ទៅតាមលទ្ធភាពដែលអាចទៅបាន និងទៅតាមជំហានដែលអាចធ្វើទៅបាន ប៉ុន្តែ ដំណោះស្រាយតាមវិធីនេះ ពុំអាចធ្វើទៅបាន។ ជាមួយគ្នានេះ, សមត្ថកិច្ចក៏បានធ្វើការស៊ើបអង្កេត និងស្រាវជ្រាវករណីនេះ ហើយបានរកឃើញថា គម្រោងវិនិយោគរបស់ក្រុមហ៊ុន ប្រ៊ីលានសីធី ពុំមានលក្ខណៈដូចជាគម្រោងវិនិយោគអចលនទ្រព្យផ្សេងទៀត ដែលជាគម្រោងវិនិយោគពិតប្រាកដ ហើយជួបប្រឈមឧបសគ្គជាមួយនឹងបញ្ហានៃការធ្លាក់ចុះទីផ្សារនោះទេ ប៉ុន្តែ ផ្ទុយទៅវិញគម្រោងរបស់ក្រុម ឡេង ចាន់ណា មានលក្ខណៈជាប្រព័ន្ធឆបោកតាមរូបមន្ត Ponzi Scheme ។ ផ្អែកលើលទ្ធផលនៃការស៊ើបអង្កេតនេះ, នៅថ្ងៃទី១២ មីនា ២០២៤ ខ្ញុំបានបញ្ជាឱ្យកម្លាំងសមត្ថកិច្ចអនុវត្តច្បាប់ឱ្យបានម៉ឺងម៉ាត់ និងឈានទៅឃាត់ខ្លួនឈ្មោះ ឡេង ចាន់ណា ដើម្បីបញ្ជូនទៅតុលាការតាមនីតិវិធីជាធរមាន។ ជាមួយគ្នានេះ, នៅថ្ងៃទី១៣ មីនា ២០២៤ ខ្ញុំបានធ្វើសំណើថ្វាយ ព្រះមហាក្សត្រ ជាទីគោរពសក្ការៈដ៏ខ្ពង់ខ្ពស់បំផុត ដើម្បីបញ្ចប់ងារជាឧកញ៉ា របស់លោកស្រី ឡេង ចាន់ណា ដែលមានព្រះរាជក្រឹត្យចុះហត្ថលេខាដោយសម្តេចវិបុលសេនាភក្តី សាយ ឈុំ ប្រមុខរដ្ឋស្តីទីនៅថ្ងៃទី១៤ មីនា ២០២៤។ ទោះបីជាសំណុំរឿងស្ថិតនៅក្នុងដៃរបស់តុលាការ ក៏រាជរដ្ឋាភិបាលនៅបន្តតាមដានករណីនេះជាប្រចាំ និងបានប្រគល់ភារកិច្ចឱ្យសមត្ថកិច្ចពាក់ព័ន្ធបន្តការស្រាវជ្រាវ និង សហការគាំទ្រដល់ដំណើការរបស់តុលាការគ្រប់រូបភាពដែលច្បាប់អនុញ្ញាត ធ្វើយ៉ាងណារួមគ្នាដោះស្រាយបញ្ហាជូនប្រជាពលរដ្ឋឲ្យអស់លទ្ធភាពទៅតាមផ្លូវច្បាប់។ ចុងក្រោយនេះ, យោងតាមសំណូមពរពីប្រជាពលរដ្ឋដែលបានស្នើសុំកិច្ចអន្តរាគមន៍ពីរាជរដ្ឋាភិបាលដើម្បីជួយក្នុងករណីនេះ, ខ្ញុំបានប្រគល់ភារកិច្ចជូនក្រុមមេធាវីរបស់រាជរដ្ឋាភិបាល ដែលមានឯកឧត្តម គី តិច ជាប្រធាន ដើម្បីខិតខំការពារប្រជាពលរដ្ឋរងគ្រោះក្នុងករណីនេះ ព្រមទាំងផ្តល់នូវជំនួយផ្នែកច្បាប់នានាតាមការចាំបាច់ ជាពិសេស ការពារផលប្រយោជន៍របស់ប្រជាពលរដ្ឋតាមផ្លូវតុលាការ។ ខ្ញុំស្នើមេធាវីរាជរដ្ឋាភិបាល ព្រមទាំងស្ថាប័នមានសមត្ថកិច្ចទាំងអស់ដែលមានការពាក់ព័ន្ធ ខិតខំយកចិត្តទុកដាក់ក្នុងការការពារផលប្រយោជន៍របស់ប្រជាពលរដ្ឋដែលរងគ្រោះនៅក្នុងសំណុំរឿងនេះ ហើយធានាឱ្យបាននូវការអនុវត្តច្បាប់ឱ្យបានម៉ឺងម៉ាត់ទៅតាមនីតិវិធីជាធរមាន។ រាជរដ្ឋាភិបាល នឹងបន្តតាមដានដោយយកចិត្តទុកដាក់លើសំណុំរឿងនេះ៕យើងនឹងបន្តខិតខំរួមគ្នាដើម្បីស្វែងរកដំណោះស្រាយសមស្របជូនប្រជាពលរដ្ឋ ទៅតាមនីតិវិធីច្បាប់ជាធរមាន។

(ភ្នំពេញ)៖ ទីភ្នាក់ងារជាតិមុខរបរ និងការងារ (NEA) នៃក្រសួងការងារ និងបណ្ដុះបណ្ដាលវិជ្ជាជីវៈ បានផ្សព្វផ្សាយឱកាសការងារក្នុងស្រុករាប់ម៉ឺនកន្លែង ដល់ពលការិនីចំនួន ២៤នាក់ ដែលទើបនឹងត្រឡប់មកពីប្រទេសអារ៉ាប៊ីសាអូឌីត ក្នុងគោលបំណងឲ្យក្រុមពលការិនីទទួលបានឱកាសការងារមួយដែលពិតប្រាកដ និងមានប្រាក់ចំណូលសមរម្យសម្រាប់ចិញ្ចឹមជីវិត និងផ្គត់ផ្គង់គ្រួសារ។នៅថ្ងៃទី១២ ខែឧសភា ឆ្នាំ២០២៤ ទីភ្នាក់ងារជាតិមុខរបរ និងការងារ (NEA) នៃក្រសួងការងារ និងបណ្ដុះបណ្ដាលវិជ្ជាជីវៈ បានផ្សព្វផ្សាយពីឱកាសការងារក្នុងស្រុករាប់ម៉ឺនកន្លែង ដល់ពលការិនីចំនួន ២៤នាក់ ដែលទើបនឹងត្រឡប់មកពីប្រទេសអារ៉ាប៊ីសាអូឌីត ក្នុងគោលបំណងឲ្យក្រុមពលការិនី មានការងារធ្វើនៅក្នុងស្រុក។ ក្រុមពលការិនីបានបង្ហាញអារម្មណ៍សប្បាយចិត្ត និងកក់ក្ដៅ ដែលរាជរដ្ឋាភិបាលបានគិតគូរសម្របសម្រួលឲ្យពួកគាត់ត្រឡប់មកស្រុកកំណើតវិញហើយ ថែមទាំងបានណែនាំនូវឱកាសការងារល្អៗ ជូនពួកគាត់ ដោយមិនចាំបាច់ឲ្យពួកគាត់ពិបាកក្នុងការស្វែងរកការងារធ្វើខ្លួនឯងឡើយ។ «ខ្ញុំមានអារម្មណ៍សប្បាយចិត្ត និងកក់ក្ដៅ ដោយមិនបារម្ភថា មកដល់ខ្មែរគ្មានការងារធ្វើ និងត្រូវរកការងារខ្លួនឯង»។ នេះជាសម្ដីរបស់ក្រុមពលការិនី ផល ចំរើន និងពលការិនី សារិន ស្រម៉ៅ ដែលទើបត្រឡប់មកពីប្រទេសអារ៉ាប៊ីសាអូឌីត។សូមបញ្ជាក់ថា ទីភ្នាក់ងារជាតិមុខរបរ និងការងារ គឺជាកន្លែងប្រមូលផ្ដុំឱកាសការងារនៅទូទាំងប្រទេសកម្ពុជា។ ជាក់ស្ដែង នៅក្នុងរយៈពេលពេញមួយឆ្នាំ២០២៣ មានពលរដ្ឋមកចុះឈ្មោះស្វែងរកការងាររហូតជិត ៤ម៉ឺននាក់ តាមរយៈទីភ្នាក់ងារជាតិមុខរបរ និងការងារ៕

(អន្តរជាតិ)៖ តម្លៃដុំមាសរបស់ក្រុមហ៊ុន Saigon Jewelry បានបន្តធ្លាក់ចុះនៅព្រឹកថ្ងៃអង្គារ ជាមួយនឹងការធ្លាក់ចុះ 1.11% មកនៅត្រឹម 89 លានដុង (3,496.37 ដុល្លារ) ក្នុងមួយថេលវាបានធ្លាក់ចុះ 3.67% ពីកម្រិតខ្ពស់បំផុតជាប្រវត្តិសាស្ត្រនៃ 92.4 លានដុងដែលសម្រេច បានកាលពីថ្ងៃសុក្រ។ តម្លៃចិញ្ចៀនមាសបានធ្លាក់ចុះ 0.06% មកនៅត្រឹម 76.3 លានដុងក្នុងមួយថេល។ ក្នុងមួយថេលគឺស្មើនឹង ៣៧,៥ ក្រាម ឬ ១,២ អោន។ មាសនៅទូទាំងពិភពលោកបានកើនឡើង 0.23% សម្រាប់ថ្ងៃនៅ $2,341.00 ។ កាលពីព្រឹកថ្ងៃចន្ទ អនុប្រធានធនាគារកណ្តាលអាមេរិក លោក Philip Jefferson បាននិយាយថា "យើងបន្តស្វែងរកភស្តុតាងបន្ថែមថា អតិផរណានឹងត្រលប់ទៅគោលដៅ 2% របស់យើងវិញ"។ អតិផរណាខ្ពស់អាចរក្សាអត្រាការប្រាក់កើនឡើង ដោយកាត់បន្ថយភាពទាក់ទាញនៃមាស ដែលមិនផ្តល់ទិន្នផល នេះបើយោងតាមវេទិកាទិន្នន័យហិរញ្ញវត្ថុ FXStreet ៕